Bai pa asuntu

Bai pa sugundu menu

Tistimunhas di Jeová

Kabuverdianu

Kuzê ki ta faze un família filís?

Kuzê ki ta faze un família filís?

Bu ta atxa ma é. . .

  • amor?

  • dinheru?

  • otu kuza?

 KUZÊ KI BÍBLIA TA FLA

‘Filís e tudu ken ki obi palavra di Deus i el faze sima Deus fla.’ — Lúkas 11:28, Bíblia Na Progrésu Di Traduson Pa Lingua Kabuverdianu.

DI KI MANERA KEL-LI TA DJUDA-U?

Bu família pode ten. . .

amor di verdadi. — Efésios 5:28, 29.

ruspetu pa kunpanheru. — Efésios 5:33.

union. — Marcos 10:6-9.

 NU PODE KÚNFIA NA BÍBLIA?

Sin, pa dôs motivu:

  • Ken ki kria família é Deus. Bíblia ta fla ma Jeová Deus uni purmeru ómi i purmeru mudjer na kazamentu. (Génesis 2:18-24) Kel-li ta mostra ma é Jeová ki kria família. Pamodi ki nu meste sabe kel-li?

    Pensa: Si bu kume un kumida sábi i bu krê prende faze-l, ken ki bu ta purgunta? Klaru ki é ken ki faze-l.

    Nton, pa bu sabe modi ki família ta ser filís, bu ten ki buska ajuda di Deus, ki kria família. — Génesis 2:18-24.

  • Deus ten tomadu kónta di bo. Na Bíblia, bu ta atxa kes midjór konsedju pa família, pamodi kes konsedju ta ben di Jeová ki “ten tomadu kónta” di bo. (1 Pedro 5:6, 7) Jeová, di fundu di se kurason, krê nos filisidadi. Tudu se konsedju é bon pa nos. — Provérbios 3:5, 6; Isaías 48:17, 18.

 PENSA NA KEL PURGUNTA LI

Modi ki bu pode ser bon maridu, spoza, pai ou mai?

Bíblia ta da respósta na EFÉSIOS 5:1, 2 i COLOSSENSES 3:18-21.