Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Folhetu di studu pa runion 'Vida i pregason'  |  Janeru di 2017

 VIVE SIMA UN KRISTON

Lenbra di faze orason pa kes irmon ki sta pasa pa pirsigison

Lenbra di faze orason pa kes irmon ki sta pasa pa pirsigison

Bíblia dja flaba ma Satanás ta pirsigiba nos pa tenta kaba ku nos pregason. (Jo 15:20; Ap 12:17) Modi ki nu pode djuda nos irmons ki sta ta sufri pirsigison na otus lugar? Nu pode ora pa es. Bíblia ta fla ma ‘súplika di justu ten txeu forsa.’ — Tg 5:16.

Sobri kuzê ki nu pode ora? Nu pode pidi Jeová pa da nos irmons ku irmans forsa ku koraji i pa djuda-s ka xinti medu. (Is 41:10-13) Tanbê nu pode ora pa autoridadis dexa-s faze ses trabadju di pregason, ‘pa nu pode kontínua ta ten un vida kalmu i ku pas’. — 1Ti 2:1, 2.

Kantu Polu ku Pedru staba prézu, kes primeru kriston faze orason pa es i es fla ses nómi. (At 12:5; Ro 15:30, 31) Mésmu ki nu ka sabe nómi di tudu kes irmon ki sta pasa pa pirsigison, nu pode fla nómi di ses kongregason, di ses país ô di lugar ki es ta vive.

N krê faze orason pa kes irmon ki sta pasa pa pirsigison na kes lugar li: