Bai pa asuntu

Bai pa sugundu menu

Bai pa lista di asuntu

Tistimunhas di Jeová

Kabuverdianu

Folhetu di studu pa runion 'Vida i pregason'  |  Dizénbru di 2016

 TIZORUS DI PALAVRA DI DEUS | ISAÍAS 1-5

‘Nu subi pa monti di Jeová’

‘Nu subi pa monti di Jeová’

2:2, 3

‘Na ténpu di fin’

Ténpu ki nu sta vive gósi

‘Monti di kaza di Jeová’

Jeová poi adorason verdaderu fika más altu

‘Tudu nasons ta bai pa el’

Kes algen ki ta seta adorason verdaderu ta sta unidu

‘Nhos ben, nu subi pa monti di Jeová’

Kes algen ki ta adora Jeová di verdadi, ta konvida otus pa sta djuntu ku es

‘El ta inxina-nu sobri se kaminhus i nos nu ta anda na se kaminhus’

Através di se Palavra, Jeová ta inxina-nu i el ta djuda-nu anda na se kaminhus

2:4

‘Nen es ka ta prende géra más’

Izaías fla ma armas di géra ta ben transformadu na feraméntas pa agrikultura. Kel-li ta mostra ma povu di Jeová ta ben ten pas. Pa kuzê ki kes feraménta ta sirbiba na ténpu di Izaías?

‘Spada ta bira aradu’

1 Un aradu ta sirbiba pa ratxa txon. Alguns aradu éra di féru. — 1Sa 13:20

‘Lansas ta bira na kuzas pa poda’

2 Na agrikultura es ta uzaba un lámina di féru ku fórma di un foisi ki tinha un kabu di madera. Kel feraménta li éra uzadu pa podaba pé di uva. — Is 18:⁠5