Bai pa asuntu

Bai pa sugundu menu

Tistimunhas di Jeová

Kabuverdianu

Deus ten nómi?

Deus ten nómi?

Respósta di Bíblia

Tudu algen ten nómi. Nton pamodi ki Deus ka pode ten nómi? Nómi é inportanti na un amizadi. Bu ka ta atxa ma pa nu ser amigu di Deus nu meste sabe se nómi i txoma-l pa se nómi?

Na Bíblia, Deus fla: ‘Ami é Jeová. Kel-li é nha nómi.’ (Isaías 42:8) Nbóra el ten txeu titlu, sima ‘Deus Tudu-Poderozu’, ‘Sinhor’ i ‘Kriador’ el ta konvida kes algen ki ta adora-l pa uza Se nómi. Kel-li é un manera di el onra kes algen ki ta adora-l. — Génesis 17:1; Atos 4:24; 1 Pedro 4:19.

Na txeu traduson di Bíblia nu ta atxa nómi di Deus na Êxodo 6:3. La ta fla: ‘N ta kustumaba ta parse pa Abraon, Izaki i Jakó kómu Deus Tudu-Poderozu, má pa nha nómi Jeová, es ka konxeba mi.

Nómi di Deus ki dja dura ta uzadu na kabuverdianu é Jeová. Mésmu ki alguns ta prifiri fla Javé, nómi Jeová é más konxedu. Primeru párti di Bíblia skrebedu na ebraiku, ki éra un língua ki ta ledu di direita pa skérda. Na língua ebraiku, es ta skrebeba nómi di Deus ku kuatu létra: יהוה. Kes kuatu létra, ki ta txomadu di Tetragrama, ta reprizentadu pa YHWH.