1. Na óbra di prega mensaji di Deus,

Jizus da-nu orientason:

‘Nhos bai kaza-kaza pa djobe algen,

Si es obi, nhos da-s atenson.

Na undi nhos txiga, mantenha nhos fla,

I nhos fla-s p’es ten pas di Jeová.

Má si es ka obi, nhos mante nhos pas,

Kes ki krê nhos ta pode atxa-s.’

2. Kes ki obi nhos, obi Kristu tanbê,

Nton, ku amor nhos trata-s.

Kes ki ta merese, ta djunta ku nhos,

Pa nhos djobe algen ki krê pas.

Ka bu preokupa ku kuza di fla,

Na bu ladu, bu ten Jeová.

I si bus palavra ‘tenpradu ku sal’,

Algen mansu bu pode toka-l.