Bai pa asuntu

Bai pa lista di asuntus

 KÁNTIKU 111

Nu ten txeu motivu pa sta kontenti

Select an Audio Recording
Nu ten txeu motivu pa sta kontenti
ODJA

(Mateus 5:12 )

  1. 1. Anos é un povu kontenti;

    Motivus, nu ten txeu dimás;

    Di tudu nason sta ta txiga

    Algen pa adora Jeová.

    Kel fonti di nos alegria

    Ta ben di Palavra di Deus;

    I óras ki‿N le-l tudu dia,

    Speransa ta fika más txeu.

    Na Deus N ta poi kunfiansa,

    Pa‿N pode aguenta ti fin.

    É sábi dimás kel speransa

    Ki ta kema déntu di mi.

    (KORU)

    Kel grandi‿alegria ta ben

    Di kel Deus filís ki nu ten;

    Di odja puder, bondadi‿i amor

    Na óbra di nos Kriador.

  2.  2. Pa tudu lugar ki nu odja:

    Na Téra, na mar i na séu,

    Ta da-nu vontadi di lova;

    É grandi kes óbra di Deus!

    Nu fla ma se Reinu dja nase,

    Se bensons sta kuazi ta ben.

    Nu spadja kel notísia sábi,

    Pa nu fika sábi tanbê.

    É sima sól, óras ki manxe,

    Ta límia na tudu lugar,

    Kes benson ki nos Deus ta traze,

    Na Téra interu ta sta!

    (KORU)

    Kel grandi‿alegria ta ben

    Di kel Deus filís ki nu ten;

    Di odja puder, bondadi‿i amor

    Na óbra di nos Kriador.