Bai pa asuntu

Bai pa lista di asuntus

 PÁRTI 4

Modi ki nhos pode uza dinheru dretu

Modi ki nhos pode uza dinheru dretu

‘Óras ki ten kumunikason, planus ta ten bon rezultadu’. — Provérbios 20:18

Nos tudu nu meste dinheru pa nu pode da nos família kes kuza ki es ta meste. (Provérbios 30:8 ) Na verdadi, ‘dinheru é un proteson’. (Eclesiastes 7:12 ) Alvês é ka fásil pa kazal pâpia di dinheru, má ka nhos dexa dinheru ser un prubléma na nhos kazamentu. (Efésios 4:32 ) Un kazal debe kunfia i kolabora ku kunpanheru óras ki es ta disidi modi ki es ta uza dinheru.

 1 NHOS FAZE PLANU

KUZÊ KI BÍBLIA TA FLA: ‘Kal di nhos, ki krê faze un tori, ka ta xinta primeru i faze kónta kantu ki el ta gasta, pa odja si kel ki el ten ta txiga pa faze-l ti fin?’ (Lucas 14:28 ) É inportanti nhos disidi djuntu modi ki nhos ta uza nhos dinheru. (Amós 3:3 ) Nhos disidi kuzê ki nhos meste kunpra i kantu dinheru ki nhos pode gasta. (Provérbios 31:16 ) É ka sô pamodi bu tene dinheru pa kunpra algun kuza ki bu debe kunpra-l. Tenta ka faze dívida. Uza sô kel dinheru ki nhos tene. — Provérbios 21:5; 22:7.

KUZÊ KI BU PODE FAZE:

  • Si resta algun dinheru na fin di mês, nhos disidi djuntu kuzê ki nhos ta faze ku el.

  • Si nhos fika sen dinheru, nhos faze planu klaru pa parti nhos dispéza. Pur izénplu, envês di ba kume fóra, nhos faze kumida na kaza.

 2 NHOS SER ONÉSTU

KUZÊ KI BÍBLIA TA FLA: ‘Kuida di tudu kuza ku onestidadi, ka sô dianti di Jeová, má tanbê dianti di ómis’. (2 Coríntios 8:21 ) Ser onéstu ku bu maridu ô bu mudjer sobri kantu ki bu ta ganha i kantu ki bu ta gasta.

Sénpri pâpia ku bu maridu ô bu mudjer óras ki nhos ta disidi modi ki nhos ta uza nhos dinheru. (Provérbios 13:10 ) Pâpia di dinheru ta djuda nhos mante pas na kazamentu. Ka bu atxa ma dinheru ki nhos ta ganha é “nha dinheru” ô “bu dinheru”, má é “nos dinheru.” — 1 Timóteo 5:8.

KUZÊ KI BU PODE FAZE:

  • Nhos disidi kantu dinheru ki kada un di nhos pode gasta sen pergunta kunpanheru.

  • Ka nhos dexa pa nhos pâpia di dinheru sô óras ki kontise un prubléma