Bai pa asuntu

Bai pa lista di asuntus

 TIZORUS DI PALAVRA DI DEUS | SALMOS 34-37

Kúnfia na Jeová i faze kuzas dretu

Kúnfia na Jeová i faze kuzas dretu

‘Ka bu xinti invéja di algen ki ta faze kuzas mariadu’

37:1, 2

  • Sikrê vida di algen ki ta faze kuzas mariadu ta parse ma sta ta kóre dretu, ka bu preokupa ku es. Konsentra na sirbi Jeová, na bus méta na se sirvisu i na bensons ki el ta da-u.

‘Kúnfia na Jeová i faze kuzas dretu’

37:3

  • Kúnfia na Jeová ta djuda-u lida ku preokupason ô ku algun dúvida. El ta djuda-u mante fiel pa Jeová.

  • Okupa bu vida na prega notísias sábi di Reinu di Deus.

‘Djobe Jeová pa da-u kel alegria más grandi ki ten’

37:4

  • Tra ténpu pa lé Palavra di Deus i pensa txeu na el, ku obijetivu di konxe Jeová midjór.

‘Dexa Jeová mostra-u kaminhu’

37:5, 6

  • Poi tudu kunfiansa na Jeová ma el ta djuda-u rezolve kalker prubléma.

  • Mante bon konportamentu sikrê algen sta pirsigi-u ô sta ta spadja mintira kóntra bo.

‘Fika kétu na frénti di Jeová i spéra ku gana di resebe se ajuda’

37:7-9

  • Ivita toma disizon faxi ki dipôs ta ben tra-u bu alegria ô mexe ku bu amizadi ku Jeová.

‘Kes algen mansu ta ben toma kónta di Téra’

37:10, 11

  • Sforsa pa ser mansu i mostra bu umildadi na spéra pa Jeová kaba ku prublémas ki bu sta ta sufri.

  • Aguenta fadjas di bus irmon i konsola kes ki sta dizanimadu ku speransa di kel mundu novu di Jeová ki sta kuazi ta txiga.

Reinu di Deus, ki ten Jizus kómu Rei, ta ben traze txeu benson