Bai pa asuntu

Bai pa lista di asuntus

 VIVE SIMA UN KRISTON

Midjora bu manera di prega – Djuda bus studanti faze prugrésu ti ki txiga didikason i batismu

Midjora bu manera di prega – Djuda bus studanti faze prugrésu ti ki txiga didikason i batismu

PAMODI KI É INPORTANTI: Pa un studanti di Bíblia dexa Jeová kontenti el ten ki didika se vida pa Jeová i batiza. (1Pe 3:21) Kes algen ki ta vive di akordu ku didikason ki es faze, ta konsigi mante ses amizadi ku Jeová. (Sal 91:1, 2) Un kriston ka ta didika se vida pa ninhun umanu, nen pa un trabadju ô un organizason, má sô pa Jeová. Nton, studantis di Bíblia meste kria amor pa Deus i prende da-l valor. – Ro 14:7, 8.

MODI KI TA FAZEDU:

  • Na studu, analiza kuzê ki kel matéria ta inxina-nu sobri Jeová. Distaka valor di lé Bíblia i di ora pa Jeová ‘sénpri’. – 1Te 5:17; Tg 4:8.

  • Enkoraja bus studanti pa poi kómu méta faze ses didikason pa Jeová i batiza. Tanbê djuda-s txiga kes méta ki é más faxi, sima da komentárius na runion ô pâpia ku vizinhus i kolégas di trabadju di kuzas ki es sta prende. Lenbra-s ma Jeová ka ta obriga ningen pa sirbi-l. Didikason é un disizon ki kada un ten ki toma di el pa el. – De 30:19, 20.

  • Insentiva bu studanti pa faze mudansas ki el meste pa el pode dexa Jeová kontenti i pa el pripara pa batiza. (Pr 27:11) Dja ki alguns manera di ser i ábitus é fórti i difísil di muda, un studanti di Bíblia talvês ta meste di ajuda pa el pode dexa kes manera di ser ki el tinha antis i pa el bira un algen ku manera di ser novu. (Ef 4:22-24) Studa ku el alguns di kes artigu di “A Bíblia Muda a Vida das Pessoas”, ki ta sta na A Sentinela.

  • Konta-l alegrias ki dja bu xinti na sirbi Jeová. – Is 48:17, 18