Bai pa lista di asuntus

JW.ORG

Entra (opens new window)

Tistimunhas di Jeová

Skodje língua Kabuverdianu Entra (opens new window)

LÉ NA

TIZORUS DI PALAVRA DI DEUS | JÓ 16-20

Da otus algen forsa i koraji ku palavras ki ta mostra amor

Da otus algen forsa i koraji ku palavras ki ta mostra amor

Palavras di ken ki ta da konsedju debe da forsa pa otus algen

Jó xinti dizanimadu i disgostadu, pur isu el mesteba pa otus algen apoia-l i da-l koraji.
Kes três konpanheru di Jó ka fla-l nada pa konsola-l. Má, es kondena-l i es omenta se tristéza.

Bildadi uza palavras duru ki poi Jó fika más dizanimadu

Jó pidi Deus pa kaba ku se sufrimentu — nen si éra pa el moreba.
Jó staba konsentradu na se speransa di resureison i el kontínua ta aguenta kes sufrimentu ku lialdadi.

KES KI KONDENA JÓ

Elifás

Talvês el éra di Teman, un sidadi na téra di Edon. Na Jeremias 49:7 ta fla ma Teman éra séntru di sabedoria di Edon.
Elifás foi primeru ki pâpia talvês pamodi el éra di más idadi i más ruspetadu entri kes falsu konsolador di Jó. El faze três diskursu i el pâpia más txeu ki kes otu dôs falsu konsolador.

Mintiras ki el konta:

El faze trósa di lialdadi di Jó i el fla ma Deus ka ta kúnfia na kes ki ta sirbi-l. (Jó kaps. 4 i 5)
El txoma Jó di orgulhozu i mau. El fla ma Jó ka tinha grandi ruspetu pa Deus. (Jó kap. 15)
El fla ma Jó éra ganansiozu i ma el ka éra justu. Tanbê el fla ma ómis ka ten valor pa Deus. (Jó kap. 22)

Bildadi:

El éra família di Suá. Talvês el ta viveba pértu di Riu Eufratis.
El foi sugundu ki pâpia. Kes três diskursu ki el faze éra más poku i más duru ki kes di Elifás.

Mintiras ki el konta:

Kuzas ki el fla da ideia ma fidjus di Jó peka i pur isu es mereseba kel disgrasa ki kontise ku es. Tanbê el fla ma Jó ka ta kriditaba na Deus. (Jó kap. 8)
Kuzas ki el fla da ideia ma Jó ta fazeba sô kuzas mariadu. (Jó kap. 18)
El fla ma lialdadi di ómis pa Deus ka ten ninhun valor. (Jó kap. 25)

Zofar:

El éra un naamatita, talvês el éra di noroesti di Arábia.
El foi tirseru ki pâpia i el foi más duru ki tudu kes otu. El faze sô dôs diskursu.

Mintiras ki el konta:

El fla ma palavras di Jó ka tinha ninhun valor i el fla-l pa el dexa di se konportamentu mariadu. (Jó kap. 11)
Kuzas ki el fla da ideia ma Jó éra mau i ma el gostaba di faze kuzas mariadu. (Jó kap. 20)

FOLHETU DI STUDU PA RUNION 'VIDA I PREGASON'

Da otus algen forsa i koraji ku palavras ki ta mostra amor

Kabuverdianu

Da otus algen forsa i koraji ku palavras ki ta mostra amor

https://assetsnffrgf-a.akamaihd.net/assets/m/202016123/univ/art/202016123_univ_sqr_xl.jpg

Manda pa otu algen pa e-mail