Salmu 2:1-12
2 Pamodi ki nasons sta ajitadu?Pamodi ki kes povu sta ta faze planu* sen valor?
2 Kes rei di téra toma ses puzisonI kes governanti djunta kabésa*Kóntra Jeová i kóntra kel algen ki el skodje.*
3 Es ta fla: “Nu ben solta di ses korentiI rabenta ses kórda!”
4 Kel ki sta na se tronu na séu ta ben ri.Jeová ta ben faze trósa di es.
5 Na kel ténpu, el ta ben pâpia ku es na se raiba,I pamodi se raiba es ta ben fika dizorientadu.
6 El ta ben fla-s: “É mi ki poi nha reiNa tronu na Sion, nha monti santu.”
7 N ta ben fla kuzê ki Jeová fla.*El fla-m: “Abo é nha fidjuI oji N bira bu pai.
8 Si bu pidi-m, N ta da-u kes nason pa ser bu eransaI kes párti más lonji di téra pa ser bu propriadadi.
9 Óras ki bu governa bu ta ben distrui kes nason*I bu ta ben kebra-s padás-padás sima un vazu di baru.”
10 Má gósi, nhos ki é rei, nhos mostra sabedoria.Nhos ki é juís di téra, nhos seta koreson.*
11 Nhos sirbi Jeová ku grandi ruspetuI nhos dimira-l ku alegria.
12 Nhos onra fidju,* pa Deus* ka fika xatiadu ku nhosI pa nhos ka móre na kaminhu.Pamodi El ta xinti raiba faxi.
Filís é tudu kes ki ta djobe proteson na El.
