Wolo ɖenɖe tɔm wɛɛ yɔ

Wolo menuwaa cikpema ɖeɖe

Wolo tɔm ñʋŋ ɖeɖe

Yehowa Aseɣɖe Tɩnaa

Kabɩyɛ

Kpɛlɩkɩ lɔŋ Bibl taa

 KPƐLƖKƲƲ 9

Akpadɩyɩtʋ taa pɩɣa!

Akpadɩyɩtʋ taa pɩɣa!

Abraham nɛ Saara palabʋ nesi ɖɔkʋʋ yɔ, pɩlakɩ pɩnzɩ sakɩyɛ yɔ. Peyebi ɖɩɣa kɩbaŋa ŋga paawɛnɩ Uuri yɔ nɛ pɔkɔɔ pɛwɛ kizinzikiŋ tɛɛ. Ɛlɛ Saara taɣaɣ Yehowa liu nɛ ɛtaakpiɖiɣ.

Saara kaasɔɔlɩ kpem se ɛwɛɛnɩ pɩɣa, pʋyɔɔ eheyi Abraham se: ‘Ye ma-lɩmɖʋyʋ Hagaarɩ ɛlʋlɩ pɩɣa yɔ, mankpakɩɣ-kɛ ɛzɩ ma-ñɩŋga yɔ.’ Pʋwayɩ lɛ, Hagaarɩ lʋlɩ abalɩbɩɣa nakɛyɛ nɛ payaa-kɛ se Ismayɛɛlɩ.

Pɩnzɩ sakɩyɛ wayɩ lɛ, Abraham nɛ Saara pamʋ agɔma nabɛyɛ naadozo. Alɩwaatʋ ndʋ tɩ-taa lɛ, Abraham kaawɛnɩ pɩnzɩ 99 nɛ Saara ñaawɛnɩ pɩnzɩ 89. Abraham heyi agɔma mba se pacaɣ tɩʋ tɛɛ nɛ pɔtɔɔ tɔɔnaɣ. Ŋsɩm mba agɔma mba pɛkɛnaa yɔ? Ɛsɔ tiyiyaa! Peheyi Abraham se: ‘Pɩnaɣ ŋga kɔkɔŋ yɔ ka-taa, alɩwaatʋ tʋnɛ tɩ-yɔɔ lɛ, ña-halʋ lʋlʋʋ abalɩbɩɣa nakɛyɛ.’ Saara kaawɛ kizinziku tɛɛ. Nɛ ɛnɩ tɔm ndʋ lɛ, ehoŋ nɛ ɛtɔ se: ‘Ma weyi mankpadɩyɩ ɛzʋnɔ yɔ, manpɩzɩɣ nɛ mantasɩ lʋlʋʋ pɩɣa na?

Pɩlabɩ pɩnaɣ ɖeyi ɖeyi lɛ, Saara lʋlɩ abalɩbɩɣa, ɛzɩ tiyiyu kaaheyuu-wɛ yɔ. Abraham ha pɩɣa ŋga hɩɖɛ se Izaakɩ, nɛ hɩɖɛ nɖɩ ɖɩ-tɔbʋʋ lɛ se “hoŋa.”

 Izaakɩ kɔm nɛ ɛwɛɛnɩ pɩnzɩ ɛzɩ kagbanzɩ mbʋ yɔ lɛ, Ismayɛɛlɩ wɛɛ nɛ ɛnazɩɣ-ɩ nɛ Saara na-wɛ. Saara ñɩnaɣ se ɛkandɩyɩ ɛ-pɩyalʋ yɔɔ, pʋyɔɔ eheyi Abraham se ɛɖɔɔnɩ Agaarɩ nɛ Ismayɛɛlɩ. Abraham taasɔɔlɩ se ɛɖɔɔnɩ-wɛ. Ɛlɛ Yehowa ɖɔɖɔ ñɩnaɣ se ɛkandɩyɩ Izaakɩ yɔɔ, pʋyɔɔ eheyi Abraham se: ‘Welisini Saara. Mankaɣ cɔnʋʋ Ismayɛɛlɩ yɔɔ. Ɛlɛ Izaakɩ yɔɔ pɩkaɣ tɩŋnʋʋ nɛ man-tamaɣ la.’

“Tisuu yɔɔ Saara, paa ɛkpadɩyaa kɔyɔ, ɛpɩzaa ɛhaɣ hoɣa, mbʋ pʋyɔɔ yɔ ɛmaɣzaa se weyi ɛyɔɔdaa yɔ, ɛcakɩ ɛ-tɔm yɔɔ.”—Ebree 11:11