Wolo ɖenɖe tɔm wɛɛ yɔ

Wolo menuwaa cikpema ɖeɖe

Wolo tɔm ñʋŋ ɖeɖe

Yehowa Aseɣɖe Tɩnaa

Kabɩyɛ

Kpɛlɩkɩ lɔŋ Bibl taa

 KPƐLƖKƲƲ 76

Yesu ñalɩ templo yɔɔ

Yesu ñalɩ templo yɔɔ

Yesu kaawobi Yeruzalɛm pɩnaɣ 30 Paska alɩwaatʋ taa. Ɛyaa sakɩyɛ kaakɔm tɛtʋ taa se pɔtɔɔ Paska kazandʋ. Palaa kpɩna kɩlaŋ sakɩyɛ templo taa, ɛzɩ patɩɩlakʋʋ yɔ. Nabɛyɛ kpɛndɩnɩ kpɩna nɛ pɔkɔɔ, lalaa ñayabɩ-yɛ Yeruzalɛm tɛtʋ taa peeɖe.

Yesu wobi templo taa lɛ, ɛna ɛyaa peɖiɣni kpɩna pɛdʋʋ. Liidiye cazʋʋ yɔɔ lɛ, pɛwɛɛ nɛ palakɩ tadɩyɛ Yehowa maɣmaɣ ɖɩɣa taa! Ɛbɛ Yesu laba? Ɛkpaɣ nimiye nɛ ɛlʋʋ ɛgbazɩyɛ nɛ ɛɖɔɔnɩnɩ pʋŋ nɛ naŋ templo taa. Etuzi tadɩyɛ laɖaa mba pa-taabɩlɩnaa nɛ liidiye nɛ ɛpɛɖɩ tataa. Yesu heyi ahoo pɛdɩyaa se: ‘Ikuu mi-wondu nɛ ɩɖɛɛ cɩnɛ! Ɩtaapɩsɩ man-Caa ɖɩɣa tadɩyɛ ɖɩlaɖɛ.’

 Ɛyaa mba paawɛ templo taa nɛ pana Yesu lakasɩ nzɩ yɔ, pɩɩɖɩɣzɩ-wɛ pɩdɩɩfɛyɩ. Peeɖe ɛ-tɔmkpɛlɩkɩyaa tɔzɩ natʋ tɔm ndʋ paayɔɔdaa Mesiya yɔɔ yɔ, tɩ-yɔɔ: ‘Mankaɣ sɔɔlʋʋ ña-ɖɩɣa pɩdɩɩfɛyɩ.’

Pʋwayɩ, pɩnaɣ 33 taa lɛ, Yesu tasɩ ñalʋʋ templo nabʋlɛ ɖeɖe. Ɛtaañɩnɩɣ se eyele nɛ nɔɔyʋ tasɩ ɛ-Caa ɖɩɣa pisuu.

“Ɩɩpɩzɩɣ nɛ ɩla Ɛsɔ nɛ liidiye pa-tʋmɩyɛ.”—Luka 16:13