KƖWƐƐKƖM

Ɛsɔ lɩzɩ ɖa-lʋlɩyaa kajalaɣ ñɩma Aɖam nɛ Ɛva ɛ-lɛzʋʋ. (Kiɖe Tɛɛ Tɔm 1:27) Pʋ-tɔbʋʋ se papɩzaɣ se pɛwɛɛnɩ wɛtʋ kɩbandʋ ndʋ Ɛsɔ wɛna yɔ ɛzɩ laŋhɛzɩyɛ nɛ sɔɔlɩm mbʋ yɔ. (1 Kɔrɛntɩ mba 14:33; 1 Yohanɛɛsɩ 4:8) Ɛlɛ, Aɖam nɛ Ɛva pamanɩ Ɛsɔ paɣtʋ yɔɔ nɛ pala kɩwɛɛkɩm. Mbʋ pɩlɩ pɩ-taa yɔ lɛ se pɛɖɛzɩ ɖa-tɩŋa kɩwɛɛkɩm nɛ sɩm. (Roma mba 5:12) Kɩwɛɛkɩm mbʋ pɛɖɛzɩ-ɖʋ yɔ piyeba nɛ ɖoŋ ɖoŋ lɛ ɖɩwɛɣnɩ lɩmaɣza kɩdɛkɛda nɛ ɖɩlakɩ puuyaɣ lakasɩ.—Kiɖe Tɛɛ Tɔm 6:5; Maarɩkɩ 7:​21, 22.

ƐYAA KOMINAWAA

Ɛsɔ tɩlɩzɩ-ɖʋ se ɖiɖiyi ɖa-maɣmaɣ ɖa-tɩ. Bibl yɔɔdʋʋ se: «Ɛyʋ weyi eɖiɣni ɖɔm yɔ, pɩtɩkɛ ɛ-maɣmaɣ pɩwɛɛ se eɖiyi ɛ-nɩŋgbanzɩ.» (Yereemii 10:23) Pʋyɔɔ lɛ, ɛyaa kominawaa ɩɩpɩzɩɣ nɛ pasɩnzɩ yoŋ nɛ puuyaɣ lakasɩ caɣ caɣ.

SATAŊ NƐ Ɛ-ALEEWAA

Bibl yɔɔdʋʋ se «ɛjaɖɛ kpeekpe wɛ kañatʋ tʋ nesi taa.» (1 Yohanɛɛsɩ 5:19) Paya «kañatʋ tʋ» ɛnʋ se Sataŋ Eleeu, nɛ ɛkɛ ɛyaa kʋyʋ. (Yohanɛɛsɩ 8:44) Ɛ nɛ feziŋ kɩdɛkɛdɩŋ lɛɛŋ peseɣtiɣni ɛyaa nɛ palakɩ you nɛ puuyaɣ lakasɩ.—Natʋ 12:​9, 12.