Yoonaa 3:1-10
3 Nɛ Yehowa tɔm talɩ Yoonaa nabʋlɛ ɖeɖe se:+
2 «Kʋyɩ nɛ ŋwolo Niniivi,+ tɛtʋ sɔsɔtʋ taa, nɛ ŋsusi-tʋ tɔm ndʋ meheyi-ŋ yɔ.»
3 Nɛ Yoonaa ña Yehowa tɔm+ nɛ ɛkʋyɩ nɛ ɛɖɛɛ Niniivi.+ Niniivi kaakɛ tɛtʋ sɔsɔtʋ siŋŋ,* pɩkpakɩɣ kɩyakɩŋ 3 pʋcɔ nɛ ɛyʋ ɖɔ nɛ ɛcɔɔ-tʋ nɛ ɛta.
4 Nɛ Yoonaa sʋʋ tɛtʋ taa, nɛ ɛɖɔ kɩyakʋ pilim nɛ esusuu se: «Pɩkazɩ kɩyakɩŋ 40 ɖeke, pakaɣ yɔkʋʋ Niniivi tɛtʋ.»
5 Nɛ Niniivi mba tisi Ɛsɔ yɔɔ,+ nɛ posusi nɔɔ hɔkʋʋ tɔm nɛ posuu fɔlɔtɔnaa, kpaɣnɩ pa-taa sɔsɔ nɛ piwolo pɩɣa.
6 Tɔm talɩ Niniivi wiyaʋ lɛ, ɛkʋyɩ e-kewiyaɣ kpelaɣ yɔɔ nɛ ɛhɔzɩ e-kewiyitu toko nɛ esuu fɔlɔtɔ nɛ ɛcaɣ tɔlɩma taa.
7 Pɩtasɩ lɛ, ɛɖʋ paɣtʋ se posusi Niniivi taa se:
«Wiyaʋ nɛ ɛ-kaɖɩsɩ pa-paɣtʋ yɔ: Pɩfɛyɩ se ɛyaa yaa kpɩna, paa pɩtɩɩkɛ naŋ yaa heŋ, ɩtɔɔ nabʋyʋ kaaʋ. Pɩfɛyɩ se pɔtɔɔ tɔɔnaɣ nɛ pɩfɛyɩ ɖɔɖɔ se pɔñɔɔ lɩm.
8 Pɩwɛɛ se ɛyaa nɛ kpɩna posuu fɔlɔtɔnaa; nɛ pɩwɛɛ se pokoo nɛ payaa Ɛsɔ nɛ pɛtɛ pa-taa, nɛ peyele pa-nʋmɔŋ kɩdɛkɛdɩŋ nɛ puuyaɣ lakasɩ nzɩ palakɩ yɔ.
9 Pɩtɩla Ɛsɔ toovenim tʋ kaɣ ɛ-lɩmaɣza lɛɣzʋʋ* nɛ eyele mbʋ ɛɛɖʋwa se ɛlakɩ yɔ, nɛ ɛhɛzɩ ɛ-pana nɛ ɖɩtaasɩ.»
10 Alɩwaatʋ ndʋ Ɛsɔ toovenim tʋ na mbʋ palaba yɔ, ɛzɩma paha siɣye pa-nʋmɔŋ kɩdɛkɛdɩŋ+ yɔ lɛ, lɩmaɣza wena ɛɛkpaɣaa se ɛkɔŋnɩ pɔ-yɔɔ asɛyʋʋ yɔ ɛlɛɣzɩ-yɛ,* nɛ ɛtɩtasɩ-kʋ kɔnʋʋ.+
