Yoonaa 1:1-17
1 Yehowa tɔm talɩ Yoonaa,*+ Amitayii pɩyalʋ se:
2 «Kʋyɩ nɛ ŋwolo Niniivi,+ tɛtʋ sɔsɔtʋ taa, nɛ ŋsusi tɩ-nɩŋgbaŋʋʋ hɔm tɔm, mbʋ pʋyɔɔ yɔ pa-kañatʋ lakasɩ talɩ mɔn-cɔlɔ.»
3 Ɛlɛ Yoonaa kʋyɩ nɛ ese se ɛɖɛɣ Tarɩsiisi nɛ eposini Yehowa; etii Yopee nɛ ɛna mɛlɛ nakʋyʋ kiwokaɣ Tarɩsiisi. Nɛ ɛhɛyɩ nʋmɔʋ ɖɔm liidiye, nɛ ɛsʋʋ mɛlɛ se ɛtɩŋ-wɛ nɛ ewolo Tarɩsiisi, nɛ eposini Yehowa.
4 Nɛ Yehowa tiyini helim sɔsɔm nabʋyʋ teŋgu yɔɔ, nɛ tɛʋ ŋgʋ kɩnɩɣnɩ helim sɔsɔm yɔ kɩnɩɩ teŋgu yɔɔ nɛ mɛlɛ caɣaɣ yɔkʋʋ.
5 Sɔɔndʋ kpa mɛlɛ taa tʋmlaɖaa siŋŋ nɛ pa-taa paa weyi lɛ, ɛpaɣzɩ ɛ-ɛsɔ yaʋ se ɛsɩnɩ-wɛ. Nɛ papaɣzɩ mɛlɛ taa wondu lɔʋ teŋgu taa se ki-yuŋ ɛpasɩ.+ Ɛlɛ Yoonaa ñaaɖɛwa nɛ etii mɛlɛ taa pɩ-tɛɛ hɔɔlʋʋ nakʋyʋ taa, nɛ ɛhɩnɩ peeɖe nɛ eɖou ɖom cukaŋ ñɩmbʋ nabʋyʋ.
6 Mɛlɛ yɔɔ cɔnɩyʋ ñɔtɩnɩ-ɩ nɛ ɛpɔzɩ-ɩ se: «Ɛbɛ yɔɔ ŋwɛɛ nɛ ŋɖou? Kʋyɩ nɛ ŋyaa ñɛ-ɛsɔ! Pʋtɔma yɔ, Ɛsɔ toovenim tʋ kaɣ-ɖʋ kemnuu nɛ ɖɩtaasɩ.»+
7 Nɛ peheyi ɖama se: «Ɩkɔɔ nɛ ɖɩtɔ piye+ nɛ ɖɩna se a-cɔlɔ pɩlɩnaa nɛ asɛyʋʋ kʋnɛ kɩtalɩɣ-ɖʋ.» Peeɖe pɔtɔ piye, nɛ piye tɔlɩ Yoonaa yɔɔ.+
8 Nɛ pɔpɔzɩ-ɩ se: «Ðitendi-ŋ heyi-ɖʋ, a-cɔlɔ pɩlɩnaa nɛ asɛyʋʋ kʋnɛ kɩtalɩɣ-ɖʋ? Tʋmɩyɛ nɖɩ ŋlakɩ? Le ŋlɩnaa? Ñɛ-ɛjaɖɛ yɔ nɖɩ? Nɛ samaɣ ŋga taa ŋlɩnaa?»
9 Ecosi-wɛ se: «Mɛnkɛ Ebree tʋ, nɛ menseɣ sɔɔndʋ* ɛsɔdaa Ɛsɔ Yehowa, weyi ɛlɩzɩ teŋgu nɛ tɛtʋ waɣwaɣ yɔ.»
10 Ðɩnɛ ɛlɛ sɔɔndʋ tɛzɩ abalaa mba kpaʋ nɛ pɩkɩlɩ, nɛ pɔpɔzɩ-ɩ se: «Ɛbɛ ŋlabɩ mbʋ yɔ?» (Abalaa nawa se eseɣaɣ se eposini Yehowa, mbʋ pʋyɔɔ yɔ eeheyi-wɛ tʋ.)
11 Nɛ pɔpɔzɩ-ɩ se: «Ɛbɛ pɩwɛɛ se ɖɩlabɩ-ŋ nɛ pɩsa nɛ teŋgu yɔɔ hɛɛ?» Mbʋ pʋyɔɔ yɔ teŋgu yɔɔ helim sɔsɔm kaawɛɛ nɛ pɩkpaɣ ɖoŋ kpaʋ yɔɔ.
12 Ecosi-wɛ se: «Ɩkpaɣ-m nɛ ɩpɛɖɩ teŋgu taa, ɖɩnɛ ɛlɛ teŋgu yɔɔ kaɣ hɛʋ; mbʋ pʋyɔɔ yɔ manawa se mɔ-yɔɔ yɔɔ helim tɛʋ sɔsɔʋ kʋnɛ kɩkɔm mɩ-yɔɔ.»
13 Paa mbʋ yɔ, abalaa mba paawɛɛ nɛ pañakɩ pana se pasaa mɛlɛ nɛ papɩsɩnɩ-kʋ kidiiliŋ yɔɔ, ɛlɛ pataapɩzɩɣ; mbʋ pʋyɔɔ yɔ teŋgu yɔɔ helim sɔsɔm kaawɛɛ nɛ pɩkpaɣ ɖoŋ kpaʋ yɔɔ pɔ-cɔlɔ kpɛɛɛ.
14 Ðɩnɛ ɛlɛ pama kubusi nɛ payaa Yehowa nɛ pɔyɔɔdɩ se: «Owu! Lɛɛlɛɛyɔ, hayɩ Yehowa, ɖitendi-ŋ, taayele nɛ ɖile abalʋ ɛnɛ ɛ-yɔɔ!* Taapɔzɩ-ɖʋ calɩm mbʋ pɩtɩɖɔɔ wɛɛ yɔ pɩ-kɩmɩyɛ, mbʋ pʋyɔɔ yɔ ŋlaba ɛzɩ ŋsɔɔlʋʋ yɔ, hayɩ Yehowa.»
15 Pʋwayɩ lɛ, pɛsɛlɩ Yoonaa nɛ pɛpɛɖɩ-ɩ teŋgu taa; nɛ teŋgu yɔɔ hɛɛ.
16 Peeɖe sɔɔndʋ kpa abalaa mba siŋŋ nɛ Yehowa,+ nɛ palaa kɩlaʋ Yehowa nɛ poɖuu ɖuutu.
17 Nɛ Yehowa tiyi kpakpayaɣ sɔsɔɔ nakɛyɛ nɛ keli Yoonaa, nɛ Yoonaa caɣ kpakpayaɣ lotu taa kɩyakɩŋ 3 nɛ ɖoo 3.+
