Izaayii 41:1-29
41 «Isu tamɩyɛ nɛ iwelisini-m,* mɩ lɩm hɛkʋ taa tɛtʋ ndɩ ndɩ;Ajɛɛ ɩɖaɣnɩ hiɣu a-ɖoŋ.
Añɔtɩ, nɛ pʋwayɩ lɛ ayɔɔdɩ.+
Ðɩkatɩ nɛ ɖɩhʋʋ tɔm.
2 Akʋsɩ nɔɔyʋ nɛ wɩsɩ ɖɩlɩyɛ taa,+Nɛ ɛyaa-ɩ siɣsiɣ wɛtʋ taa se ɛlɛ ɛkɔɔ nɛ ɛɖʋ-ɩ lɩm,*Se ɛɖʋzɩ ajɛɛ e-nesi tɛɛNɛ eyele nɛ eluzi awiya?+
Apɩsɩɣ-yɛ mʋzʋʋ ɛ-laɣɖɛ ɛsɩndaa,Ɛzɩ lɔtʋ ndʋ helim kpaɣaa yɔ ɛ-tɔʋ ɛsɩndaa?
3 Ɛɖɔɔnʋʋ-wɛ, ɛɖɔŋ kaalɛyɩtʋNʋmɔŋ weyi ɛ-nɩŋgbanzɩ taatɩŋ ɩ-taa yɔ ɩ-taa.
4 A-tʋmɩyɛ yɔ? Alabɩ mbʋ?
Ayaɣ kpaɖɩŋ kpaɣnɩ ɖooo kiɖe tɛɛ?
Ma Yehowa, mɛkɛnɩ Kajalaɣ Tʋ;+Nɛ kɛdɛzaɣ ñɩma taa lɛ, maalɛɣzɩɣ.»+
5 Lɩm hɛkʋ taa tɛtʋ ndɩ ndɩ na mbʋ piɖiɣni labʋ yɔ nɛ sɔɔndʋ kpa-tʋ.
Tɛtʋ kamasɩ paɣzɩ seluu.
Pɔñɔtʋʋ nɛ pɔkɔŋ.
6 Paa weyi ɛsɩɣnɩ ɛ-taabalʋ
Nɛ eheyiɣ e-koobu se: «Wɛɛ ɖoŋ.»
7 Mbʋ nesi tɛɛ tʋmlaɖʋ kpazɩɣ ɖoŋ ñɩɣtʋ wondu luɖu;+Weyi ɛkpakɩɣ hama ŋgʋ polukina yɔ nɛ ɛmakɩ ñɩɣyʋʋ se kɩwɛɛ tatayaa yɔƐkpazɩɣ ɖoŋ weyi eɖiɣni lubu maaʋ pɩyɛ yɔɔ yɔ.
Ɛyɔɔdʋʋ ñɩɣtʋ ndʋ eɖiɣni kpɩtʋʋ yɔ tɩ-tɔm se: «Pɩwɛ ɖeu.»
Pʋwayɩ lɛ, nɔɔyʋ cɛyɩsɩ sɩʋ kpeliɣa nɛ ñɩma se pitaaciɣdi-kɛ.
8 «Ɛlɛ ña, Oo Izrayɛɛlɩ, ŋkɛ ma-lɩmɖʋyʋ,+Oo Yakɔɔb, ña weyi malɩzaa yɔ,+Man-taabalʋ Abraham lʋlʋʋ taa tʋ,*+
9 Ña weyi mankpaɣnɩ ɖooo tɛtʋ kamasɩ yɔɔ yɔ,+Nɛ ña weyi maya-ŋ nɛ ɖooo tɩ-ageeta wena akɩlɩ poliŋ yɔ a-taa yɔ.
Meheyi-ŋ se: “Ŋkɛ ma-lɩmɖʋyʋ;+Malɩzɩ-ŋ; mantɩlɔ-ŋ.+
10 Sɔɔndʋ ɛtaakpa-ŋ, mbʋ pʋyɔɔ yɔ mɛwɛ ñɔ-cɔlɔ.+
Taanɩɣzɩ, mbʋ pʋyɔɔ yɔ mɛnkɛ ñɛ-Ɛsɔ.+
Mankaɣ-ŋ kpazʋʋ ɖoŋ, ɛɛɛ, mankaɣ-ŋ sɩnʋʋ,+Toovenim taa lɛ, mankaɣ-ŋ ɖɔkʋʋ nɛ men-siɣsiɣ wɛtʋ nɩwaŋ nesi.”
11 Na! Mba payɩ pɔ-hɔyɛ taa wɩɣnɩ-ŋ yɔ, pakaɣ-wɛ ɖʋʋ fɛyɛ nɛ penim-wɛ.+
Mba poyouni-ŋ yɔ, paakaɣ tasʋʋ kɛʋ pʋyʋ nɛ pakaɣ ɖɩm.+
12 Ŋkaɣ ñɩnʋʋ ɛyaa mba palʋkɩnɩ-ŋ yɔ, ɛlɛ ŋŋkaɣ-wɛ naʋ;Ɛyaa mba peɖiɣni-ŋ yonuu yɔ, pakaɣ pɩsʋʋ ɛzɩ mbʋ pɩfɛyɩ yɔ, ɛzɩ mbʋ pɩtɩtɩɩkɛʋ pʋyʋ yɔ.+
13 Mbʋ pʋyɔɔ yɔ ma, ñɛ-Ɛsɔ Yehowa, mɔnɖɔkʋʋ ña-nɩwaŋ nesi,Meheyiɣni-ŋ se: “Sɔɔndʋ ɛtaakpa-ŋ. Mankaɣ-ŋ sɩnʋʋ.”+
14 Sɔɔndʋ ɛtaakpa-ŋ, ña sonzooye ɛjam* Yakɔɔb,+Mɩ Izrayɛɛlɩ mba, mankaɣ-mɩ sɩnʋʋ,» Yehowa yɔɔdʋʋna, Ɛnʋ weyi ɛɖaɣnɩ-mɩ yabʋ yɔ,+ Izrayɛɛlɩ tɛ Kiɖeɖeu.
15 «Na! Meyeba nɛ ŋkɛ kɛɛkɛɛ ŋgʋ pamakɩnɩ tɔɔnaɣ yɔ,+Tɔɔnaɣ mabʋ wonuu kɩfalʋʋ ŋgʋ kɩwɛnɩ kela wena awɛ lɔŋ ceemenje yɔ.
Ŋkaɣ fɛyʋʋ pʋŋ nɛ ŋnaŋɩ-ɩNɛ ŋla nɛ piyisi wɛɛ ɛzɩ lɔtʋ yɔ.
16 Ŋkaɣ-wɛ falʋʋ,Nɛ helim kaɣ-wɛ kpaɣʋ nɛ pɩɖɛna;Helim sɔsɔm kaɣ-wɛ mɩzʋʋ.
Ña-taa kaɣ labʋ leleŋ nɛ Yehowa,+Nɛ ŋkaɣ kʋndɩnʋʋ Izrayɛɛlɩ tɛ Kiɖeɖeu.»+
17 «Mba pɛwɛ kɩcɛyɩm taa yɔ nɛ kʋñɔndɩnaa pɛwɛɛ nɛ pañɩnɩɣ lɩm, ɛlɛ lɩm nabʋyʋ fɛyɩ.
Lɔkɔtʋ yeba nɛ pa-nzʋlʋmɩyɛ yɔɔ wɩlɩ.+
Ma Yehowa, mankaɣ-wɛ cosuu.+
Ma Izrayɛɛlɩ tɛ Ɛsɔ, maakaɣ-wɛ lɔʋ.+
18 Mankaɣ yebu nɛ piyisi nzɩ sɩ-yɔɔ wɛ kpɛɖɛ yɔ, pɔsɩ kpeŋ sɩ-yɔɔ+Nɛ lɩm hila wɛɛ fɛɛŋ taa.+
Mankaɣ yebu nɛ kañɩmbusuu pɩsɩ kañɩŋgbayɩsɩ lɩŋgamʋʋ.
Nɛ ɛjaɖɛ nɖɩ ɖɩ-taa lɩm fɛyɩ yɔ ɖɩpɩsɩ lɩm hila.+
19 Kañɩmbusuu taa lɛ, mankaɣ sɔʋ sɛɛdrɩ tɩʋ,Akasɩya tɩʋ nɛ mirɩtɩ tɩʋ nɛ pɛɛnɩ tɩʋ.+
Kañɩmbusuu kɛdɛɛŋa taa lɛ, mankaɣ sɔʋ jenevriyee tɩʋ,Pɩkpɛndɩnɩ frɛɛnɩ tɩʋ nɛ siprɛɛ tɩʋ,+
20 Se pɩsa nɛ ɛyaa tɩŋa pɩzɩ pana nɛ patɩlɩNɛ pekemsi nɛ panɩɩ pʋ-tɔbʋʋSe Yehowa nesi labɩnɩ mbʋ,Nɛ Izrayɛɛlɩ tɛ Kiɖeɖeu lɩzɩnɩ-pʋ.»+
21 «Ɩyɔɔdɩ mɩ-tɔm lɛ,» Yehowa yɔɔdʋʋna.
«Ɩyɔɔdɩ mɩ-tɩ yɔɔ lʋbʋ tɔm,» Yakɔɔb tɛ Wiyaʋ yɔɔdʋʋna.
22 «Ɩyɔɔdɩ mbʋ pɩwɩlɩɣ se ɩwɛnɩ toovenim yɔ nɛ iheyi-ɖʋ mbʋ pɩkaɣ labʋ yɔ.
Iheyi-ɖʋ caanaʋ taa* tɔm,Se pɩsa nɛ ɖɩmaɣzɩ tɩ-yɔɔ* nɛ ɖɩna mbʋ pɩkaɣ lɩʋ pɩ-taa yɔ.
Yaa iheyi-ɖʋ mbʋ pɩkaɣ labʋ yɔ.+
23 Iheyi-ɖʋ mbʋ pɩkaɣ labʋ cee wayɩ yɔ,Nɛ pɩsa nɛ ɖɩtɩlɩ se ɩkɛ ɛsɔnaa.+
Ɛɛɛ, ɩla nabʋyʋ, kɩbandʋ yaa kɩdɛkɛdɩtʋ,Nɛ pɩlabɩ-ɖʋ piti alɩwaatʋ ndʋ ɖɩnaɣ-pʋ yɔ.+
24 Ɩna! Ɩkɛ mbʋ pɩfɛyɩ yɔ,Nɛ tʋma wena ɩlaba yɔ atɩkɛ pʋyʋ.+
Weyi ɛlɩzɩɣ-mɩ yɔ ɛkɛ kʋzɔɔtʋ pʋyʋ.+
25 Mankʋsɩ nɔɔyʋ nɛ hayo kiŋ, nɛ ɛkaɣ kɔm,+Ɛlɩnɩ wɩsɩ ɖɩlɩyɛ taa+ nɛ ɛkaɣ yaʋ ma-hɩɖɛ.
Ɛkaɣ fɛyʋʋ ñʋndɩnaa* ɛzɩ cʋʋ pɛkɛnaa yɔ,+Ɛzɩ cʋʋ mayʋ fɛyʋʋ cʋʋ ŋgʋ kɩ nɛ kɩ-lɩm yɔ.
26 Ayɔɔdɩ pɩ-tɔm kpaɣnɩ kiɖe tɛɛ, se ɖɩpɩzɩ nɛ ɖɩtɩlɩ,Yaa kpaɣnɩ alɩwaatʋ ndʋ tɩɖɛwa yɔ tɩ-taa, se ɖɩpɩzɩ nɛ ɖɩyɔɔdɩ se: “Ɛwɛnɩ toovenim”?+
Toovenim taa lɛ, nɔɔyʋ tisusi-tʋ!
Nɔɔyʋ tɩyɔɔdɩ-tʋ!
Nɔɔyʋ tɩnɩɩ natʋyʋ mɩ-cɔlɔ!»+
27 Macalɩnɩ heyuu Siyɔŋ se: «Na! Mba yɔ!»+
Nɛ mankaɣ tiyinuu Yeruzalɛm tɔm kɩbandʋ susuyu.+
28 Ɛlɛ maawɛ cɔnʋʋ yɔɔ, nɛ nɔɔyʋ taawɛɛ;Nɔɔyʋ taawɛɛ pɛ-hɛkʋ taa se ɛtasɩ lɔŋ.
Nɛ maawɛɛ nɛ mɔnpɔzʋʋ-wɛ se pocosi.
29 Ɩna! Pa-tɩŋa pɛkɛ falaa pʋyʋ.*
Pa-tʋma tɩkɛ pʋyʋ.
Pa-ñɩɣtʋ sɩʋ kpelisi* kɛ helim nɛ mbʋ pɩkɛ falaa pʋyʋ yɔ.+
Pɩ-tɛɛ tɔm
^ Yaa «Isu tamɩyɛ mɛ-ɛsɩndaa.»
^ Piye piye, «se ɛlɛ ɛkɔɔ ɛ-nɩŋgbanzɩ tɛɛ.»
^ Piye piye, «Abraham ɖomaɣ.»
^ Pʋ-tɔbʋʋ se ɛɛpɩzɩɣ nɛ ɛkandɩyɩ ɛ-tɩ yɔɔ nɛ ɛkɛ ɛjam.
^ Piye piye, «kajalaɣ.»
^ Yaa «ɖɩsɩɩ-tʋ ɖa-laŋa taa.»
^ Yaa «kaɖɩsɩ.»
^ Yaa «pɛkɛ mbʋ pɩfɛyɩ yɔ.»
^ Yaa «Pa-sɩʋ kpelisi nzɩ poyolisi ñɩɣtʋ nɛ polubina yɔ.»
