Ebree mba 2:1-18
2 Pʋyɔɔ pɩcɛyaa se ɖɩka ɖa-lɩmaɣza* camɩyɛ tɔm ndʋ ɖɩnɩwa yɔ tɩ-yɔɔ nɛ pɩkɩlɩ ɛzɩma ɖɩtɩɩlakɩ yɔ,+ nɛ pɩsa nɛ ɖitaale nʋmɔʋ wiɖiyi kaaʋ.+
2 Mbʋ pʋyɔɔ yɔ ye tɔm ndʋ patɩŋnɩ Ɛsɔ tiyiyaa+ yɔɔ nɛ pɔyɔɔdɩ yɔ tɩkɛ toovenim, nɛ ye pɔhɔm paa paɣtʋ yɔɔ mayʋ weyi nɛ paa kaañamtʋ tʋ weyi lɛ ɛ-nɩŋgbaŋʋʋ ɛzɩ siɣsiɣ wɛtʋ pɔzʋʋ yɔ yɔ,+
3 ɛzɩma ɖɩkaɣ lɩʋ pɩ-taa ye ɖinim ñʋʋ yabʋ sɔsɔm mbʋ yɔ?+ Mbʋ pʋyɔɔ yɔ ɖa-Kɩbaɣlʋ calɩnɩ pɩ-tɔm yɔɔdʋʋ+ nɛ mba pewelisini-i yɔ, pawɩlɩ-ɖʋ se pɩkɛ toovenim;
4 nɛ Ɛsɔ tɩŋnɩ yʋsasɩ yɔɔ nɛ piti lakasɩ yɔɔ nɛ maamaaci lakasɩ ndɩ ndɩ yɔɔ+ nɛ fezuu kiɖeɖeu ŋgʋ ɛtayaa ɛzɩ ɛsɔɔlʋʋ yɔ kɩ-yɔɔ,+ nɛ ɛlɩzɩ ɖɔɖɔ aseɣɖe.
5 Mbʋ pʋyɔɔ yɔ pɩtɩkɛ Ɛsɔ tiyiyaa tɛɛ eluzi ɛjaɖɛ* nɖɩ ɖɩkɔŋ yɔ,+ nɖɩ ɖɩ-tɔm ɖiɖiɣni yɔɔdʋʋ yɔ.
6 Ɛlɛ aseɣɖe tʋ nɔɔyʋ yɔɔdɩ ɖoli se: «Ɛyʋ kɛ we nɛ ŋtɔzʋʋ ɛ-yɔɔ, nɛ ɛyʋ pɩyalʋ kɛ we nɛ ŋcɔŋnɩ ɛ-yɔɔ?+
7 Ŋlabɩ-ɩ nɛ Ɛsɔ tiyiyaa kɩlɩ-ɩ pazɩ; ŋpamɩ-ɩ samtʋ nɛ hɩɖɛ ɖʋʋ, nɛ ŋlɩzɩ-ɩ se ɛkɛ ñe-nesi tɛɛ tʋma ñʋʋdʋ.
8 Ŋluzi wondu tɩŋa ɛ-nɩŋgbanzɩ tɛɛ.»+ Alɩwaatʋ ndʋ Ɛsɔ luzi wondu tɩŋa ɛ-tɛɛ yɔ,+ etiyele nabʋyʋ se etiluzi-pʋ ɛ-tɛɛ.+ Ɛlɛ lɛɛlɛɛyɔ lɛ, ɖɩtɩtɩɩnata se wondu tɩŋa luzi tɩ-tɩ ɛ-tɛɛ.+
9 Ɛlɛ ɖɩnaɣ Yesu, weyi poluzi-i Ɛsɔ tiyiyaa tɛɛ pazɩ yɔ,+ lɛɛlɛɛyɔ ɛpamɩ-ɩ samtʋ nɛ ɛɖʋ-ɩ hɩɖɛ, mbʋ pʋyɔɔ yɔ ɛnɩ sɩm siziŋ,+ se Ɛsɔ lootiye yɔɔ lɛ, ɛpɩzɩ nɛ ɛɖɩŋ sɩm paa ɛyʋ weyi lɛ ɛ-yɔɔ.+
10 Weyi ɛ-yɔɔ pɩtɩŋa pɩwɛɛ nɛ pɩtɩŋnɩ ɛ-yɔɔ nɛ pɩtɩŋa pɩwɛɛ yɔ, ewokaɣni pɩyalaa sakɩyɛ samtʋ taa.+ Pʋyɔɔ lɛ, pɩmʋnɩ mbʋ se ɛtɩŋnɩ kʋñɔmɩŋ yɔɔ+ nɛ eyele nɛ Ðiyiyu Sɔsɔ weyi ɛ-yɔɔ pɩtɩŋɩɣna nɛ pehiɣ ñʋʋ yabʋ yɔ+ ɛtalɩ pilim.
11 Mbʋ pʋyɔɔ yɔ weyi ɛlakɩ nɛ ɛyaa pɩsɩɣ kiɖeɖema yɔ, nɛ mba peɖiɣni-wɛ pɩsʋʋ kiɖeɖema yɔ,+ pa-tɩŋa palɩnɩ caa kʋɖʋm taa;+ nɛ pʋyɔɔ lɛ, fɛyɛ tɩkpa-ɩ se ɛyaa-wɛ se «koobiya»,+
12 alɩwaatʋ ndʋ ɛyɔɔdaa se: «Mankaɣ susuu mon-koobiya ña-hɩɖɛ; mankaɣ-ŋ teu samtʋ hendu samaɣ hɛkʋ taa» yɔ.+
13 Nɛ ɛtasɩ yɔɔdʋʋ se: «Mankaɣ ɖʋʋ me-lidaʋ ɛ-yɔɔ.»+ Nɛ ɛtasɩ yɔɔdʋʋ ɖɔɖɔ se: «Na! Ma nɛ piya cikpesi nzɩ Yehowa* ha-m yɔ.»+
14 Ye mbʋ, «piya cikpesi» kɛnɩ calɩm nɛ tomnaɣ; pʋyɔɔ lɛ, ɛnʋ ɖɔɖɔ ɛpɩsɩ calɩm nɛ tomnaɣ,+ se pɩsa nɛ ɛtɩŋnɩ ɛ-sɩm yɔɔ nɛ ɛɖɩzɩ weyi ɛwɛnɩ ɖoŋ se ɛkɔnɩ sɩm yɔ,+ pʋ-tɔbʋʋ se Eleeu;+
15 nɛ ɛpɩzɩ ɖɔɖɔ nɛ eholi mba payɩ sɩm sɔɔndʋ seu kaapɩsɩ-wɛ yomaa pe-wezuu caɣʋ kpeekpe taa yɔ.+
16 Mbʋ pʋyɔɔ yɔ toovenim taa lɛ, pɩtɩkɛ Ɛsɔ tiyiyaa eɖiɣni sɩnʋʋ, ɛlɛ Abraham lʋlʋʋ taa mba*+ eɖiɣni sɩnʋʋ.
17 Pʋyɔɔ lɛ, pɩɩwɛɛ se ɛpɩsɩ ɛzɩ «e-koobiya» yɔ hɔɔlɩŋ tɩŋa taa,+ nɛ ɛpɩzɩ nɛ ɛpɩsɩ cɔjɔ kɩlɩm weyi ɛnaɣ pʋtɔdɩyɛ nɛ ɛwɛ siɣsiɣ Ɛsɔ tʋmɩyɛ taa yɔ, se pɩsa nɛ ɛlaa ceɣu kɩlaʋ*+ ɛyaa kɩwɛɛkɩm yɔɔ.+
18 Ɛ-maɣmaɣ ɛɛtɔɔ kʋñɔŋ alɩwaatʋ ndʋ pɩtakɩ-ɩ yɔ+ nɛ pʋyɔɔ lɛ, ɛpɩzɩɣ nɛ ɛsɩnɩ mba piɖiɣni-wɛ takʋʋ yɔ.+
