Aduwa 6:1-35
6 Man-pɩyalʋ, ye ŋlabɩ tamaɣ* se ŋhɛyɩɣ kɩmɩyɛ nɖɩ ɛyʋ lɛlʋ tɔwaa yɔ,+Ye ña nɛ ɛgɔm ɩnɩnɩ ɖama tɔm natʋyʋ yɔɔ nɛ ŋha-ɩ nesi yɔ,+
2 Ye ŋtɔlɩ tamaɣ ŋga ŋlaba yɔ ka-kpaca taa yɔ,Ye ŋtɔlɩ ñɔ-nɔɔ taa tɔm kaamʋʋ taa yɔ,+
3 Man-pɩyalʋ, la ɛzʋnɔ nɛ ŋholi ña-tɩ,Mbʋ pʋyɔɔ yɔ, ŋtɔlɩ ño-koobu nesi taa:
Wolo nɛ ŋluzi ña-tɩ ño-koobu tɛɛ nɛ ŋtendi-i kpɛdɛyɛ.*+
4 Taaɖoo,Nɛ taakpɩtɩ ɛsɩyɛ.
5 Holi ña-tɩ e-nesi tɛɛ ɛzɩ nɛnzɛm lɩɣʋ ɛgbam nesi tɛɛ yɔ,Ɛzɩ sumaɣ lɩɣʋ sumasɩ kpayʋ nesi tɛɛ yɔ.
6 Feendu tʋ ña, wolo nɛ ŋcɔnɩ kayɩmaɣ;+Cɔnɩ ka-lakasɩ nɛ ŋpɩsɩ lɔŋsɩnɖʋ.
7 Paa kɛfɛyɩnɩ paɣtʋ ɖʋyʋ, tʋma yɔɔ cɔnɩyʋ, yaa ɖiyiyu yɔ,
8 Kɔñɔɔzʋʋ kɔ-tɔɔnaɣ,Nɛ kekpeɣliɣ-kɛ kʋmtʋ alɩwaatʋ taa.+
9 Feendu tʋ ña, ŋhɩnɩɣ mbʋ nɛ pɩkɔɔ nɛ pɩsɩɩnɩ ɖooye?
Ɛzɩmtaa ŋkaɣ kʋyɩnʋʋ ɖom yɔɔ?
10 Ðoo pazɩ, lili pazɩ,Kpɛkɩ ñe-nesi nɛ ŋhɛzɩ pazɩ,+
11 Nɛ ña-kʋñɔndʋtʋ kaɣ kɔm ɛzɩ mɩlʋ sɔsɔ yɔ,Nɛ ña-tanɩm kaɣ kɔm ɛzɩ ɛyʋ weyi ɛɖɔkɩ you wonuu yɔ.+
12 Ɛyʋ weyi ɛɛwazɩɣ pʋyʋ nɛ ɛkɛ kañatʋ tʋ yɔ, eyotuu nɛ ɛyɔɔdʋʋ cɛtɩm tɔm;+
13 Ɛcɩbɩyɩɣ ɛyaa ɛsa,+ ɛlakɩ yʋsasɩ nɛ ɛ-nɩŋgbanzɩ, nɛ ɛlakɩ yʋsasɩ ɖɔɖɔ nɛ e-niwee.
14 Ɛ-laŋɩyɛ kɛ kɩdɛkɛdɩyɛ,Nɛ paa ɛzɩmtaa lɛ, ɛtaŋ tamasɩ kɩdɛkɛdɩsɩ,+ nɛ ɛkɔŋnɩ ñaɖʋʋ ɛyaa hɛkʋ taa.+
15 Pʋyɔɔ lɛ, asɛyʋʋ kaɣ-ɩ talʋʋ tuda;Pakaɣ-ɩ tɔyɩtʋʋ alɩwaatʋ kʋɖʋmtʋ taa nɛ paapɩzɩɣ nɛ pawaa-ɩ.+
16 Yehowa paɖɩɣ lakasɩ 6;Ɛɛɛ, ɛɛnaɣ* lakasɩ 7 nɛ ɛsɩyɛ:
17 Ɛsa wena akpazɩɣ a-tɩ yɔ,+ nzʋlʋmɩyɛ nɖɩ ɖɩcɛtɩɣ yɔ,+ nesi nzɩ sɩkpɛdɩɣ calɩm ɖulum yɔ,+
18 Laŋɩyɛ nɖɩ ɖɩtaŋ tamasɩ kɩdɛkɛdɩsɩ yɔ,+ nɩŋgbanzɩ nzɩ siseɣ lɛɛ lɛɛ se sɩla kɩdɛkɛdɩm yɔ,
19 Aseɣɖe tʋ cɛtɩyʋ weyi ɛ-nɔɔ hutuu cɛtɩm tɔm yɔ,+Nɛ weyi ɛkɔŋnɩ ñaɖʋʋ koobiya hɛkʋ taa yɔ.+
20 Man-pɩyalʋ, ña paɣtʋ ndʋ ña-caa ɖʋʋ-ŋ yɔ,Nɛ taalɔ tɔm ndʋ ño-ɖoo wɩlɩɣ-ŋ yɔ.*+
21 Paa ɛzɩmtaa lɛ, hɔkɩ-tʋ nɛ tɩcɔɔ ña-laŋɩyɛ kpɛɛɛ;Tam-tʋ ñe-liu tɛɛ.
22 Ŋŋɖɔŋ lɛ, tɩkaɣ-ŋ ɖiyuu;Tɩkaɣ ñɔ-yɔɔ feŋuu alɩwaatʋ ndʋ ŋhɩnɩɣ yɔ;Nɛ tɩkaɣ-ŋ yɔɔdɩnʋʋ* alɩwaatʋ ndʋ ŋfeŋ yɔ.
23 Mbʋ pʋyɔɔ yɔ kpalɩtʋ kɛnɩ kanɖʋ,+Nɛ paɣtʋ kɛnɩ ñalɩmɩyɛ,+Nɛ lɔŋ weyi pasɩɣzɩɣ ɛyʋ se pɔhɔmnɩ ɛ-nɩŋgbaŋʋʋ yɔ, ɩkɛnɩ wezuu nʋmɔʋ.+
24 Pɩtɩŋa mbʋ yɔ pɩkaɣ ñɔ-yɔɔ kandɩyʋʋ se ŋtaatɔlɩ halʋ kɩdɛkɛdʋ kpaca taa,+Se ŋtaatɔlɩ halʋ weyi ɛcakɩ wezuu kɩdɛkɛdʋʋ yɔ ɛ-nzʋlʋmɩyɛ* nɖɩ ɖipeɣziɣ yɔ ɖɩ-kpaca taa.+
25 Ñe-liu tɛɛ ɛtaakɔtɩnɩ e-keɖeɣa+Nɛ taayele nɛ ɛ-ɛsa ɖetu hɔmɩ-ŋ,
26 Mbʋ pʋyɔɔ yɔ halʋ acɛyɛ tʋ yɔɔ lɛ, kpɔnɔ hɔɔlaɣ ɖeke abalʋ pɩzɩɣ nɛ ɛwɛɛna,+Abalʋ lɛlʋ halʋ ñɩkɩ ɛyʋ kpaca se ɛlɩzɩ e-wezuu* ŋgʋ kɩmʋ ñɩm yɔ.
27 Ɛyʋ pɩzɩɣ nɛ ɛhaa miŋ nɛ ɛɖʋ ɛ-nɔkɔyʋʋ taa nɛ pɩɩñakɩ e-tokonaa na?+
28 Yaa ɛzɩ ɛyʋ pɩzɩɣ nɛ ɛɖɔ miŋ mamala yɔɔ nɛ pɩɩñakɩ-ɩ?
29 Mbʋ ɖɔɖɔ pɩwɛ ɛyʋ weyi ɛsʋʋnɩ ɛyʋ lɛlʋ halʋ yɔ ɛ-hɔɔlʋʋ taa;Ɛyʋ weyi etukuuni ɛyʋ lɛlʋ halʋ yɔ, paa pɩɩla ɛzɩma yɔ pakaɣ ɛ-nɩŋgbaŋʋʋ hɔm.+
30 Ye ñɔɔsɩ ɛwɩɣ mɩlʋ nɛ ɛmɩlɩ se ɛkʋ ɛ-ñɔɔsɩ yɔ*Paaniŋi-i.
31 Paa mbʋ yɔ, pakpa-ɩ yɔ, ɛkaɣ hɛyʋʋ mbʋ ɛmɩlaa yɔ tam 7;Ɛkaɣ cɛlʋʋ ɛ-ɖɩɣa taa ñɩm kpeekpe.+
32 Ɛyʋ weyi ɛ nɛ halʋ nɔɔyʋ palakɩ acɛyɛ yɔ, ɛ-ñʋʋ taa fɛyɩ;*Weyi ɛlakɩ mbʋ yɔ, ɛkɔŋnɩ asɛyʋʋ ɛ-maɣmaɣ ɛ-tɩ yɔɔ.*+
33 Heŋ nɛ fɛyɛ pɩkaɣ-ɩ ɖʋʋ,+Nɛ ɛ-fɛyɛ ɛɛkaɣ tɛm kpa.+
34 Mbʋ pʋyɔɔ yɔ, sʋsɩ lakɩ nɛ walʋ kɔʋ pana siŋŋ;Ɛɛkaɣ naʋ pʋtɔdɩyɛ alɩwaatʋ ndʋ ɛkpaɣ kɩmɩyɛ yɔ.+
35 Ɛɛkaɣ tisuu nɛ ɛmʋ kɩhɛyʋʋ nakʋyʋ;*Paa kʋjɔʋ sɔsɔʋ ŋgʋ ŋtɩɩlabɩ-ɩ yɔ, ɛ-yɔɔ ɛɛkaɣ hɛʋ.
