Aduwa 5:1-23
5 Man-pɩyalʋ, kemsini mɔ-lɔŋsɩnɖɛ.
Welisini mɛ-lɛɣtʋ camɩyɛ,*+
2 Se pɩsa nɛ ŋkandɩyɩ lɛɣtʋ ndʋ ŋwɛna se ŋmaɣzɩ camɩyɛ yɔ tɩ-yɔɔNɛ paa ɛzɩmtaa lɛ, ŋyɔɔdɩ tɔm ndʋ tɩlakɩ nɔɔ kʋɖʋmaɣ nɛ toovenim sɩmtʋ yɔ.+
3 Mbʋ pʋyɔɔ yɔ halʋ acɛyɛ tʋ* ndomee wɛ ɛzɩ sɛŋɛlɛtʋ ndʋ tiluluu tʋŋ num yɔ,+Ɛ-nɔɔ taa tɔm peɣziɣ.*+
4 Ɛlɛ toovenim taa lɛ, ɛwɛ ñaŋ ɛzɩ tɩʋ ŋgʋ kɩwɛ ñaŋ yɔ+Nɛ ɛwɛ lɔŋ ɛzɩ sɩɣa ŋga kɛwɛ lɔŋ ceemenje yɔ.+
5 Ɛ-nɩŋgbanzɩ tiki sɩm taa.
Nɩŋgbanzɩ nzɩ ɛkpɛzɩɣ yɔ, siwokini Pɩlaʋ* taa kpaagbaa.
6 Eekeŋni wezuu nʋmɔʋ.
Eyotuu yem, ɛlɛ ɛɛsɩŋ ɖenɖe ewoki yɔ.
7 Lɛɛlɛɛyɔ, man-pɩyalaa, iwelisini-mNɛ ɩtaaha siɣye tɔm ndʋ mɔyɔɔdʋʋ yɔ.
8 Posini-i siŋŋ;Taañɔtɩnɩ ɛ-ɖɩɣa nɔnɔɔ,+
9 Ðɩnɛ ɛlɛ, ŋŋkpakɩɣ ñamtʋ ndʋ tɩwɛ ñɔ-yɔɔ yɔ nɛ ŋcɛlɩ lalaa+Nɛ ŋŋkaɣ kʋm ɖɔɖɔ siziŋ nɩʋ pɩnzɩ sakɩyɛ;+
10 Nɛ agɔma ɩɩtɛŋ mbʋ ŋwɛna yɔ*+Nɛ mbʋ ŋlabɩ kʋñɔŋ nɛ ŋhiɣ yɔ, pɩɩɖɛɣ agbaaɣdaa tʋ ɖɩɣa taa.
11 Pɩtɩkɛ mbʋ yɔ, alɩwaatʋ ndʋ ña-nandʋ nɛ ño-tomnaɣ ɖoŋ tɛŋ yɔ,Ŋkaɣ mɔlʋʋ ñe-wezuu ɖɩdɛnɖɛ taa+
12 Nɛ ŋyɔɔdɩ se: «Manpaɖɩ lɔŋ sɩɣzʋʋ mbʋ suwe!
Ma-laŋɩyɛ nim nɩŋgbaŋʋʋ hɔmtʋ mbʋ suwe!
13 Mantiwelisi ma-wɩlɩyaa nɔɔ taa tɔmNɛ mantikemsini mba pawɩlɩɣ-m tɔm yɔ.
14 Mawɩzɩ tɔlʋʋ asɛyʋʋ sɔsɔʋ taaƐsɔ samaɣ kpeekpe ɛsɩndaa.»*+
15 Ñɔɔ ña-maɣmaɣ ñɔ-lɔkɔ taa lɩmNɛ lɩm mbʋ pɩlɩɣnɩ ña-maɣmaɣ ña-lɩm hiɖe taa nɛ pikpeŋ yɔ.*+
16 Ɛbɛ yɔɔ pɩwɛɛ se ñe-hila taa lɩm ɛmɩzɩnɩ awayɩ,Nɛ ñe-lemisi taa lɩm mɩzɩnɩ samaɣ kadasɩ taa?+
17 Yele nɛ pɩkɛ ñe-ɖeke ña-pʋyʋ,Nɛ ña nɛ agɔma ɩtaakaa-pʋ.+
18 Tɛtɛ nɛ pawazɩ ñe-hiɖe,*Nɩɩ leleŋ, ña nɛ ñe-evebitu taa halʋ,+
19 Nam kʋsɔɔlʋ, pʋŋ taa pʋnʋ* weyi ɛwɛ kajʋka yɔ.+
Paa ɛzɩmtaa lɛ, ñe-liu ɛsɩbɩnɩ ɛ-hɩla.*
Paa ɛzɩmtaa lɛ, ɛ-sɔɔlɩm ɛkɛdɩnɩ-ŋ siŋŋ.+
20 Ye mbʋ, man-pɩyalʋ, ɛbɛ yɔɔ pɩwɛɛ se ñe-liu tɛɛ ɛkɔtɩnɩ halʋ acɛyɛ tʋ?*
Yaa ɛbɛ yɔɔ pɩwɛɛ se ŋkpi halʋ weyi ɛcakɩ wezuu kɩdɛkɛdʋʋ yɔ* ɛ-hɩla?+
21 Mbʋ pʋyɔɔ yɔ ɛyʋ nʋmɔŋ wɛ Yehowa ɛsɩndaa;Ɛtazɩɣ ɛyʋ nʋmɔsɔkasɩ kpeekpe taa.+
22 Kañatʋ tʋ tɔlʋʋ ɛ-maɣmaɣ ɛ-kɩdɛkɛdɩm kpaca taa,Nɛ ɛ-maɣmaɣ ɛ-kɩwɛɛkɩm nimee kaɣnɩ-ɩ hɔkʋʋ.+
23 Ɛkaɣ sɩbʋ, mbʋ pʋyɔɔ yɔ ɛtɩmʋ lɔŋ sɩɣzʋʋNɛ ɛkaɣ lebu, mbʋ pʋyɔɔ yɔ ɛkɩlɩ kɩmɛlɛndʋ.
Pɩ-tɛɛ tɔm
^ Piye piye, «Kʋ nɩŋgbaŋʋʋ nɛ mɛ-lɛɣtʋ.»
^ Yaa «Ɛ-nɔɔ taa tɔm lozaa nɛ pɩkɩlɩ num.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Yaa «ɩɩtɛŋ ño-ɖoŋ.»
^ Piye piye, «Samaɣ nɛ ɛgbɛyɛ hɛkʋ taa.»
^ Yaa «Nɛ lɩm kɩbam ña-maɣmaɣ ña-lɩm ɖiluye.»
^ Yaa «ña-lɩm hiɖe.»
^ Yaa «tɛyɛ pʋnʋ.»
^ Yaa «ɛ-hɩla iyele nɛ ña-taa wɛɛ leleŋ siŋŋ.»
