Aduwa 31:1-31
31 Wiyaʋ Lemuwɛɛlɩ tɔm yɔ, tɔm kɩcɛyɩtʋ ndʋ e-ɖoo heyi-i se ɛwɩlɩnɩ-ɩ tɔm yɔ:+
2 Hayɩ man-pɩyalʋ, ndʋ meheyiɣ-ŋ?
Ña, mo-lotu taa pɩɣa, ndʋ meheyiɣ-ŋ?
Ña, mon-ɖuutu pɩyalʋ, ndʋ meheyiɣ-ŋ?+
3 Taacɛlɩ ño-ɖoŋ halaa,+Nɛ taatɩŋ nʋmɔŋ weyi ɩɖɩzɩɣ awiya yɔ.+
4 Hayɩ Lemuwɛɛlɩ, pɩtɩmʋna se awiya ɩñɔɔ vɛɛ,Pɩtɩmʋnɩ-yɛ;Nɛ pɩtɩmʋna ɖɔɖɔ se ɖiyiyaa ɩpɔzɩ se: «Le man-sʋlʋm wɛɛ?»+
5 Se pɩtaakɛdɩ nɛ pɔñɔɔ-pʋ nɛ pɔsɔɔ paɣtʋ yɔɔNɛ pekizini ajamaa pa-wala.
6 Cɛlɩ sʋlʋm mba peɖiɣni tɛŋɩlʋʋ yɔ,+Cɛlɩ vɛɛ mba pɛwɛ laŋwɛɛkɩyɛ sɔsɔyɛ taa yɔ.*+
7 Pɔñɔɔ nɛ pɔsɔɔ pa-kʋñɔndʋtʋ yɔɔ,Nɛ pataatasɩ tɔzʋʋ pa-kʋñɔmɩŋ yɔɔ.
8 Yɔɔdɩ nɛ ŋlʋ mba pɛkɛ kaayɔɔdasɩ yɔ pɔ-yɔɔ;Lʋ mba peɖiɣni tɛŋɩlʋʋ yɔ pa-tɩŋa pa-wala yɔɔ.+
9 Yɔɔdɩ nɛ ŋhʋʋ tɔm siɣsiɣ;Lʋ ajamaa nɛ kʋñɔndɩnaa pa-wala yɔɔ.+
א [Alɛf]
10 Apɩzɩɣ nɛ ehiɣ halʋ kɩbanʋ?+
Ɛmʋ ñɩm kpem nɛ pɩkɩlɩ ñɩɣlɩm.*
ב [Bɛtɩ]
11 Ɛ-walʋ taɣ-ɩ liu nɛ ɛ-laŋɩyɛ pilim,Mbʋ pɩmʋ ñɩm yɔ pɩ-taa nabʋyʋ ɛɛtɛɖɩɣ ɛ-walʋ.
ג [Gimɛl]
12 Halʋ ɛnʋ, e-wezuu caɣʋ kɩyakɩŋ kpeekpe taa lɛ,Kɩbam ɛhɛyɩɣnɩ ɛ-walʋ, pɩtɩkɛ kɩdɛkɛdɩm.
ד [Dalɛtɩ]
13 Ɛñɩnɩɣ heŋ hʋndʋ nɛ pɩsatʋ;*Ɛsɔɔlɩ tʋmɩyɛ labʋ nɛ e-nesi.+
ה [He]
14 Ɛwɛ ɛzɩ tadɩyɛ laɖʋ mɛlɛnaa yɔ,+Ðooo poliŋ taa ɛkpakɩɣnɩ ɛ-tɔɔnaɣ.
ו [Vav]
15 Pɩtasɩ lɛ, efeŋ alɩwaatʋ ndʋ pɩtɩñandɩta yɔ,Nɛ ɛhaɣ ɛ-ɖɩɣa taa mba tɔɔnaɣNɛ ɛcɛlɩɣ ɛ-lɩmɖʋyaa halɩñɩma ɖɔɖɔ pe-ɖeɖe.+
ז [Zayin]
16 Ɛkam ɛ-lɩmaɣza hayɩm nabʋyʋ yɔɔ nɛ ɛyabɩ-pʋ;Ɛ-maɣmaɣ ɛlabɩ tʋmɩyɛ nɛ ɛsɔ viiñi tɩŋ.*
ח [Hɛɛtɩ]
17 Ɛñɔɔzʋʋ ɛ-tɩ nɛ ɛlakɩ tʋma ɖoŋ ñɩna,*+Nɛ ɛkpazɩɣ ɖoŋ e-nesi.
ט [Tetɩ]
18 Ɛnaɣ se ɛ-tadɩyɛ kɔŋnɩ-ɩ kɛzɛsɩ;Ɛ-kanɖʋ eeɖeŋ ɖoo taa.
י [Yod]
19 E-nesi ɖɔkʋʋ tɔyaɣ,*E-nesi ɖɔkʋʋ pɩsaŋ lʋyʋ pɩsatʋ kpeɖe.*+
כ [Kaf]
20 Eseziɣ e-nesi nɛ ɛsɩɣnɩ ajamaa,Nɛ ekuluu e-nikpiɖe kʋñɔndɩnaa.+
ל [Lamɛd]
21 Ɛ-laŋɩyɛ ɛɛtɔʋ se nikaɣ* kaakʋ ɛ-ɖɩɣa taa mba,Mbʋ pʋyɔɔ yɔ ɛ-ɖɩɣa taa mba tɩŋa su nikaɣ tokonaa.*
מ [Mem]
22 Ɛ-maɣmaɣ ɛlʋʋnɩ kuntunaa mba ɛpɔʋ ñalʋʋ yɔɔ yɔ.
E-wondu kususutu kɛ pɩsatʋ* wondu nɛ heŋ hʋndʋ kɩsɛɛmtʋ wondu.
נ [Nuuni]
23 Pasɩm ɛ-walʋ camɩyɛ tɛtʋ nɔnɔsɩ taa,+Ðenɖe ɛcakɩ tɛtʋ taa ɛzʋtʋyaa hɛkʋ taa yɔ.
ס [Samɛk]
24 Ɛlʋʋ pɩsatʋ* tokonaa* nɛ ɛpɛdɩɣ,Nɛ tadɩyɛ laɖaa mʋʋ tambala ɛ-cɔlɔ.
ע [Ayin]
25 Esu ɖoŋ nɛ keɖeɣa,Ɛɖaŋ cee wayɩ nɛ lidaʋ.*
פ [Pe]
26 Ekuluu ɛ-nɔɔ nɛ lɔŋsɩnɖɛ;+Camɩyɛ lakasɩ paɣtʋ wɛ* ɛ-nzʋlʋmɩyɛ yɔɔ.
צ [Cade]
27 Ɛcɔŋnɩ ɛ-ɖɩɣa taa mba tʋma yɔɔ,Nɛ ɛɛtɔkɩ feendu tɔɔnaɣ.+
ק [Kof]
28 E-piya kʋyʋʋ nɛ sɩtɔŋ se ɛkɛ koboyaɣ tʋ;Nɛ ɛ-walʋ kʋyʋʋ nɛ ɛsaŋɩ-ɩ.
ר [Resɩ]
29 Halaa kɩbama sakɩyɛ wɛɛ,Ɛlɛ ña lɛ, ŋkpaɖɩ pa-tɩŋa.
ש [Sin]
30 Ðetu pɩzɩɣ nɛ tipeɣzi, nɛ pɩpɩzɩɣ pɩla se keɖeɣa eeleɖiɣ,*+Ɛlɛ halʋ weyi eseɣ Yehowa sɔɔndʋ yɔ, pakaɣ-ɩ sam.+
ת [Tav]
31 Cɛlɩ-ɩ ɛ-kɩhɛyʋʋ mbʋ ɛlaba yɔ pɩ-yɔɔ,*+Tɛtɛ nɛ ɛ-tʋma samɩ-ɩ tɛtʋ nɔnɔsɩ taa.+
Pɩ-tɛɛ tɔm
^ Yaa «mba pa-kalɩzasɩ wɛ ñaŋ taa yɔ.»
^ Cɔnɩ Tɔm pee sɔsɔna tɔbʋʋ lɩzʋʋ.
^ Yaa «pɩsatʋ ndʋ payaɣ se lɛɛ yɔ.» Lɛɛ kɛ ñɩtʋ ndʋ pahayaɣ-tʋ ɖooo caanaʋ taa nɛ palakɩnɩ-tʋ tʋmɩyɛ nɛ palʋʋnɩ wondu kususutu yɔ.
^ Yaa «Ɛ-naŋgbacaɣlanaa ɛsɔʋnɩ viiñi tɩŋ.»
^ Piye piye, «Ɛkpakɩɣ ɖoŋ nɛ ɛtaŋnɩ ɛ-tɩnaɣ taa.»
^ Tɔyaɣ nɛ pɩsaŋ lʋyʋ pɩsatʋ kpeɖe kaakɛnɩ ɖaŋ weyi ɩ-yɔɔ pɔcɔzaɣ yaa palʋwaɣ pɩsatʋ yɔ.
^ Tɔyaɣ kɛnɩ pʋdʋ weyi pɔtɔʋnɩ pɩsatʋ nɛ pɔhɔkʋʋ-tʋ kpeɖe yɔɔ yɔ.
^ Yaa «ɖɔmbɛɛ.»
^ Piye piye, «su tokonaa tokonaa yɔɔ.»
^ Cɔnɩ kalɩtʋ 13 tɛ pɩ-tɛɛ tɔm.
^ Cɔnɩ kalɩtʋ 13 tɛ pɩ-tɛɛ tɔm.
^ Yaa «pɩ-tɛɛ tokonaa.»
^ Yaa «Ehoŋuu avema wena awɛnɩ ɛsɩndaa yɔ.»
^ Yaa «Wɩlɩtʋ ndʋ tɩ-taa sɔɔlɩm wɛɛ yɔ tɩwɛ; Sɔɔlɩm siɣsiɣ ñɩmbʋ paɣtʋ wɛ.»
^ Yaa «kɛ falaa.»
^ Piye piye, «Cɛlɩ-ɩ piye nɖɩ e-nesi lʋlʋʋ yɔ.»
