Aduwa 23:1-35
23 Ye ŋcaɣaa se ña nɛ wiyaʋ ɩtɔɔ tɔɔnaɣ yɔ,Maɣzɩ mbʋ pasɩ ñɛ-ɛsɩndaa yɔ pɩ-yɔɔ camɩyɛ;
2 Ye ŋwɛ hiluu yɔ,*Ðʋ sɩɣa ñe-liu tɛɛ.*
3 Ñe-liu tɛɛ ɛtaakɔtɩnɩ ɛ-tɔɔnaɣ leleŋ ñɩŋga,Mbʋ pʋyɔɔ yɔ kɛkɛ cɛtɩm tɔɔnaɣ.
4 Taayɔkɩ ña-ñʋʋ se ŋpɩsɩ ñɩm tʋ.+
Yele ña-ñʋʋ yɔkʋʋ, wɩlɩ se ŋwɛnɩ tɔm taa nɩʋ lɛɣtʋ.*
5 Ŋŋkʋsʋʋ ñɛ-ɛsa se ŋcɔnɩ-pʋ lɛ, pɩtɛm ɖɛʋ;+Mbʋ pʋyɔɔ yɔ pɩtʋʋ fɛyɩ se pɩkaɣ ñɔʋ keŋ ɛzɩ kpeluu yɔ, nɛ pɩkʋyɩ ɛsɔdaa nɛ pɩɖɛɛ.+
6 Taatɔɔ lɛɣʋ tʋ tɔɔnaɣ;*Ñe-liu tɛɛ ɛtaakɔtɩnɩ ɛ-tɔɔnaɣ leleŋ ñɩŋga,
7 Mbʋ pʋyɔɔ yɔ ɛwɛ ɛzɩ weyi ɛlakɩ mbʋ payɩ ŋtɔkɩ yɔ pɩ-tɛ akɔnta yɔ.*
Eheyiɣ-ŋ se: «Tɔɔ nɛ ŋñɔɔ,» ɛlɛ pɩtɩlɩɩnɩ ɛ-laŋɩyɛ taa.*
8 Ŋkaɣ tɔɔnaɣ ŋga ŋtɔwaa yɔ hoou nɛ ŋtɔ;Ŋwɛɛkɩ ñɔ-nɔɔ nɛ ŋsamnɩ-ɩ falaa yem.
9 Taayɔɔdɩ tɔm natʋyʋ kɩmɛlɛŋ nɩŋgbaaŋ taa,+Mbʋ pʋyɔɔ yɔ kɩkaɣ nim lɔŋsɩnɖɛ nɖɩ ɖɩwɛ ñɔ-tɔm taa yɔ.+
10 Taalɛɣzɩ lone kamaɣ ŋga paasiɣ ɖooo lɔndaa yɔ,+Nɛ taawɛɛ nɛ ŋmʋʋ mba pɛfɛyɩ caa yɔ pɛ-tɛtʋ pazɩ pazɩ.
11 Mbʋ pʋyɔɔ yɔ Weyi ɛlʋkɩ pɔ-yɔɔ yɔ ɛwɛ ɖoŋ;Ɛkaɣ-ŋ kaɖɩnʋʋ nɛ ɛlʋ pɔ-yɔɔ.+
12 Mʋ lɔŋ sɩɣzʋʋ nɛ ña-laŋɩyɛ pilimNɛ ŋkʋ nɩŋgbaŋʋʋ nɛ ŋwelisi sɩmtʋ tɔm.
13 Taakizi pɩɣa* nɩŋgbaŋʋʋ hɔm.+
Ye ŋmabɩ-kɛ nɛ ɖaʋ yɔ, kaakaɣ sɩbʋ.
14 Pɩwɛɛ se ŋmabɩ-kɛ nɛ ɖaʋ,Nɛ ŋpɩzɩ nɛ ŋya ka-ñʋʋ* nɛ Pɩlaʋ* taa.
15 Man-pɩyalʋ, ye ŋpɩsɩ* lɔŋsɩnɖʋ yɔ,Man-taa kaɣ labʋ leleŋ.+
16 Mankaɣ nɩʋ leleŋ ɖooo ma-laŋɩyɛ taa*Alɩwaatʋ ndʋ ñɔ-nɔɔ yɔɔdʋʋ tɔm ndʋ tɩtʋʋzaa yɔ.
17 Taaɖʋ* ɛsɩyɛ kɩwɛɛkɩm laɖaa yɔɔ,+Ɛlɛ wɛɛ Yehowa sɔɔndʋ seu yɔɔ evemiye kpeekpe,+
18 Ðɩnɛ ɛlɛ pɩkaɣ-ŋ ɖenuu cee wayɩ+Nɛ ñe-lidaʋ ɛɛkaɣ ɖʋʋ lɩm.
19 Man-pɩyalʋ, welisi, nɛ ŋpɩsɩ lɔŋsɩnɖʋ;Nɛ ŋɖiyi ña-laŋɩyɛ nʋmɔʋ ŋgʋ kɩtʋʋzaa yɔ kɩ-taa.
20 Taawɛɛ mba pɔñɔʋ sʋlʋm* sakɩyɛ yɔ pɛ-hɛkʋ taa,+Taawɛɛ mba paahakɩ nandʋ yɔ pɛ-hɛkʋ taa ɖɔɖɔ,+
21 Mbʋ pʋyɔɔ yɔ sʋlʋm kpaŋɩyʋ nɛ hiluu tʋ pakaɣ sʋʋ kʋñɔndʋtʋ taa,+Nɛ ɖomɖomuu yeki nɛ ɛyʋ suu wondu cɛkɩŋ.
22 Welisini ña-caa weyi ɛlʋlɩ-ŋ yɔNɛ taani ño-ɖoo se ɛkpadɩyaa.+
23 Ya* toovenim nɛ taapɛdɩ-pʋ kpa,+La mbʋ ɖɔɖɔ lɔŋsɩnɖɛ, lɔŋ sɩɣzʋʋ nɛ tɔm taa nɩʋ lɛɣtʋ hɔɔlʋʋ taa.+
24 Pɩtʋʋ fɛyɩ se ɛyʋ siɣsiɣ tʋ caa taa kaɣ labʋ leleŋNɛ weyi ɛlʋlɩ pɩɣa ŋga kasɩm lɔŋ yɔ, ɛ-taa kaɣ-kɛ labɩnʋʋ leleŋ.
25 Ña-caa nɛ ño-ɖoo pa-taa kaɣ labʋ leleŋ,Nɛ halʋ weyi ɛlʋlɩ-ŋ yɔ, ɛ-taa kaɣ hʋlʋmʋʋ.
26 Man-pɩyalʋ, cɛlɩ-m ña-laŋɩyɛ,Nɛ tɛtɛ nɛ ma-nʋmɔŋ tɔm kɛdɩnɩ ñɛ-ɛsa.+
27 Mbʋ pʋyɔɔ yɔ halʋ hayitu laɖʋ kɛ pɔʋ cukaŋ ñɩŋgʋ,Nɛ halʋ weyi ɛcakɩ wezuu kɩdɛkɛdʋʋ yɔ ɛkɛ* lɔkɔ ŋgʋ kɩwɛ kpɩyɩsɔɔ yɔ.+
28 Ɛpabɩɣ nɛ ɛɖaŋɩɣ ɛzɩ mɩlʋ yɔ;+Ɛlakɩ nɛ abalaa mba pɛfɛyɩ siɣsiɣ yɔ pɔɖɔʋ ɖɔʋ yɔɔ.
29 Anɩ asɛyʋʋ talɩɣ? Awɛ nɩɣzɛ taa?
Alakɩ ñaɖʋʋ? Awiɣ kʋñɔŋ?
Amʋʋ heŋ falaa yem? A-ɛsa sɛ cɩɩɩ?*
30 Mba lɛ mba peleɖiɣ sʋlʋm tɛɛ yɔ;+Mba pañɩnɩɣ vɛɛ ŋgʋ pesidi-kʋ yɔ.*
31 Taacɔŋnɩ vɛɛ, ɛzɩma kɩsɛwa yɔ,Ɛzɩma kɩñɩlɩsɩɣ kɔpʋ taa yɔ, nɛ ɛzɩma kitiki camɩyɛ ɛyʋ liu tɛɛ yɔ;
32 Mbʋ pʋyɔɔ yɔ, pɩtɛŋna se kɩñasɩɣ ɛzɩ ɖʋm yɔ,Nɛ kɩtɔʋ sɔtʋ ɛzɩ cakpada yɔ.
33 Ñɛ-ɛsa kaɣ naʋ mbʋ ŋtɩna-pʋ wiɖiyi nɛ ŋna yɔ,Nɛ ña-laŋɩyɛ kaɣ yɔɔdʋʋ ɛzaɣtʋ tɔm.+
34 Nɛ ŋkaɣ wɛʋ ɛzɩ ɛyʋ weyi ɛhɩnɩ teŋgu hɛkʋ taa yɔ,Ɛzɩ weyi ɛhɩnɩ ɖooo mɛlɛ ɖaʋ ñʋʋ taa yɔ.
35 Nɛ ŋkaɣ tɔm se: «Polu-m, ɛlɛ pɩtɩwɩɩ mɔ-yɔɔ.*
Pamabɩ-m, ɛlɛ mantɩna.
Ɛzɩmtaa mankaɣ fem?+
Pɩpɔzʋʋ se mantasɩ ñɔʋ.»*
Pɩ-tɛɛ tɔm
^ Yaa «Ye ña-kalɩzaɣ liu ɛwɛ pɩtɩŋa yɔ.»
^ Yaa «Kpa ña-tɩ.»
^ Pɩpɩzɩɣ pɩkɛ, «Yele ña-maɣzɩm mbʋ.»
^ Yaa «Taatɔɔ weyi ɛwɛnɩ ɛsɩyɛ kɩdɛkɛdɩyɛ yɔ ɛ-tɔɔnaɣ.»
^ Yaa «pɩ-tɛ akɔnta ɛ-laŋɩyɛ taa yɔ.»
^ Piye piye, «ɛlɛ ɛ-laŋɩyɛ fɛyɩ ñɔ-cɔlɔ.»
^ Yaa «abalɩbɩɣa; evebu.»
^ Yaa «ŋya ka-kalɩzaɣ ñʋʋ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Piye piye, «ye ña-laŋɩyɛ ɛpɩsɩ.»
^ Piye piye, «Man-kataŋgayɩsɩ taa kaɣ labʋ leleŋ.»
^ Piye piye, «Ña-laŋɩyɛ ɛtaaɖʋ.»
^ Yaa «vɛɛ.»
^ Yaa «Ñaɣ pana nɛ ŋwɛɛnɩ.»
^ Yaa «A-ɛsa wɛ fiɖiyii.»
^ Yaa «Mba pekpeɣliɣ se paɖɩŋ vɛɛ ŋgʋ pesidaa yɔ.»
^ Yaa «ɛlɛ mantɩnɩɩ siziŋ nɩɩyɩ.»
^ Yaa «Mantasɩɣ-kʋ ñɩnʋʋ.»
