Aduwa 22:1-29
22 Pɩwɛ weewee se ɛyʋ ɛlɩzɩ se ɛwɛɣnɩ hɩɖɛ kɩbanɖɛ* nɛ pɩkɩlɩ se ɛwɛɛnɩ ñɩm sakɩyɛ;+Pɩwɛ weewee se ɛyʋ yɔɔ ɛwɛɛ ñamtʋ nɛ pɩkɩlɩ se ɛwɛɛnɩ liidiye nɛ sika.
2 Nɔɔ kʋɖʋmaɣ ŋga kɛwɛ kʋñɔndʋ nɛ ñɩm tʋ pɛ-hɛkʋ taa yɔ,Ŋga lɛ se Yehowa manɩ pa-naalɛ.+
3 Lɔŋsɩnɖʋ naɣ kaɖɛ nɛ ɛmɛlɩɣ,Ɛlɛ weyi ɛfɛyɩnɩ lɛɣtʋ yɔ, ɛwɛɣ ɖɛʋ yɔɔ yem nɛ ehikiɣ ɖɩ-kɛzɛɣa.*
4 Mbʋ tɩ luzuu nɛ Yehowa sɔɔndʋ seu kɔŋna yɔMbʋ lɛ ñɩm, samtʋ nɛ wezuu.+
5 Sɔɔ nɛ kaamɩŋ wɛ pɩ-tɛɛ nɛ pɩ-yɔɔ tʋ nʋmɔʋ taa,Ɛlɛ weyi eeleɣyiɣni e-wezuu* yɔ, eposuu ɛ-tɩ nɛ sɔɔ nɛ kaamɩŋ ɛnɩ.+
6 Kpɛlɩkɩ pɩɣa* nʋmɔʋ ŋgʋ pɩpɔzʋʋ se katɩŋ yɔ;+Halɩ kɔkɔŋ nɛ kapaɣlɩ lɛ, kaakaɣ lɩʋ kɩ-taa.+
7 Ñɩm tʋ tɔkɩ sɔsɔtʋ kʋñɔndʋ yɔɔ,Nɛ kɩndɔɔyʋ pɩsɩɣ weyi ɛkɩndɩ-ɩ yɔ e-yom.+
8 Weyi eɖuu mbʋ pɩfɛyɩ siɣsiɣ yɔ, ɛkaɣ kʋm asɛyʋʋ,+Nɛ ɛ-pana ɖaʋ tɔm kaɣ tɛm.+
9 Pakaɣ wazʋʋ kʋjɔʋ tʋ,*Mbʋ pʋyɔɔ yɔ ɛhaɣ ɛ-tɔɔnaɣ kʋñɔndɩnaa.+
10 Ðɔɔnɩ weyi eniŋ ɛyaa yɔ;Ðɩnɛ ɛlɛ ñaɖʋʋ labʋ kaɣ tɛm;Nɛ you* nɛ tʋtʋ kaɣ sɩʋ tɩnaɣ.
11 Weyi ɛ-laŋɩyɛ wɛ kele kele nɛ ɛ-yɔɔdaɣ wɛ leleŋ yɔ,Wiyaʋ kaɣnɩ kɛʋ ɛ-taabalʋ.+
12 Yehowa ɛsa kandɩyɩɣ sɩmtʋ yɔɔ,Ɛlɛ ɛpɩsɩɣ agutaaku tɩnaa tɔm tuluŋa.+
13 Feendu tʋ tɔŋ se: «Mʋʋzʋʋ wɛ awayɩ!
Kɩkaɣ-m kʋʋ samaɣ kadaɣ taa!»+
14 Halaa acɛyɛ tɩnaa* nɔsɩ kɛ pɔʋ cukaŋ ñɩŋgʋ.+
Weyi Yehowa kʋ ɛ-tɔm yɔ ɛtɔlʋʋ kɩ-taa.
15 Kɩmɛlɛndʋ hɔkɩ pɩɣa* laŋɩyɛ yɔɔ,+Ɛlɛ lɔŋ sɩɣzʋʋ ɖaʋ hɛɖɩɣ-tʋ nɛ kiposi-tʋ nɛ kɛ.+
16 Weyi emuluu kʋñɔndʋ se ɛ-ñɩm ehuu yɔ,+Yaa weyi ɛlakɩ kʋjɔŋ ñɩm tʋ yɔƐkaɣ sʋʋ kʋñɔndʋtʋ taa.
17 Kʋ nɩŋgbaŋʋʋ nɛ ŋwelisi lɔŋsɩnɖaa tɔm,+Nɛ ŋmʋ man-sɩmtʋ nɛ ña-laŋɩyɛ pilim,+
18 Mbʋ pʋyɔɔ yɔ pɩwɛ ɖeu se ŋsɩɩ pɩtɩŋa mbʋ yɔ ɖooo ña-taa;+Se pɩsa nɛ paa ɛzɩmtaa lɛ, pɩtɩŋa mbʋ yɔ pɩwɛɛ ño-ndomee yɔɔ.+
19 Mahaɣ-ŋ sɩmtʋ sɔnɔSe pɩsa nɛ ŋɖʋ ñe-lidaʋ Yehowa yɔɔ.
20 Ɛzɩ mantɩtɛmɩ-ŋ tɔm maʋNɛ mantasɩnɩ-ŋ lɔŋ nɛ maha-ŋ sɩmtʋ,
21 Se mawɩlɩnɩ-ŋ toovenim tɔm nɛ tɔm ndʋ papɩzɩɣ nɛ pataa-tʋ liu yɔSe pɩsa nɛ weyi etiyi-ŋ yɔ ŋpɩsɩ ɛ-cɔlɔ nɛ ŋkɛdɩ-ɩ tɔm ndʋ tɩwɛ ti-ɖeɖe yɔ?
22 Taamɩlɩ kʋñɔndʋ wondu ɛ-kʋñɔndʋtʋ yɔɔ,+Nɛ taatɔyɩtɩ ɛjam tɛtʋ nɔnɔɔ taa;+
23 Mbʋ pʋyɔɔ yɔ Yehowa maɣmaɣ kaɣ lʋbʋ pɔ-yɔɔ+Nɛ ɛkaɣ lɩzʋʋ mba pomuluu ɛyaa mba yɔ pe-wezuu.
24 Taaɖʋ taabalɩyɛ nɛ weyi ɛkɔʋ pana lɛɛ lɛɛ yɔ,Weyi ɛ-hɔyɛ ɛɛlaɣzɩɣ pɩsʋʋ yɔ, ña nɛ ɩ ɩtaakaa pʋyʋ,
25 Ðɩnɛ ɛlɛ ŋŋkaɣ ɛ-ɖɔnɛ kpɛlɩkʋʋ kpaNɛ ŋŋkaɣ ña-tɩ* ñɩbʋ kpaca.+
26 Taawɛɛ ɛyaa mba palakɩ lalaa tamasɩ nɛ pahaɣ-wɛ nesi yɔ pa-taa,Mba palakɩ tamaɣ se pɛhɛyɩɣ kɩmɩyɛ nɖɩ lalaa tɔwaa yɔ.+
27 Ye ŋfɛyɩnɩ nabʋyʋ se ŋhɛyɩnɩ-ɖɩ yɔ,Pakaɣ kpɛʋ ña-ñalʋʋ ñɛ-tɛɛ!
28 Taalɛɣzɩ lone kamaɣŊga ñɔ-cɔzɔnaa kaasiɣ ɖooo lɔndaa yɔ.+
29 Ŋna ɛyʋ weyi ɛwɛ niye ɛ-tʋmɩyɛ labʋ taa yɔ?
Awiya ɛsɩndaa ɛkaɣ sɩŋʋʋ;+Ɛɛkaɣ sɩŋʋʋ ɛyaa yemwaa ɛsɩndaa.
Pɩ-tɛɛ tɔm
^ Piye piye, «ɛwɛɣnɩ hɩɖɛ.»
^ Yaa «nɛ ɛnɩɣ ɖi-siziŋ.»
^ Yaa «ɛ-kalɩzaɣ.»
^ Yaa «abalɩbɩɣa; evebu.»
^ Piye piye, «wazʋʋ weyi ɛkɛ ɛsɩyɛ kɩbanɖɛ tʋ yɔ.»
^ Yaa «tɔm yaʋ wiyaʋ tɛ.»
^ Yaa «abalɩbɩɣa, evebu.»
^ Yaa «ña-kalɩzaɣ.»
