Aduwa 21:1-31
21 Wiyaʋ laŋɩyɛ wɛ ɛzɩ lemisi yɔ Yehowa nesi taa.+
Eɖiyiɣ-ɖɩ nɛ ewokini ɖenɖe ɛsɔɔlaa yɔ.+
2 Ɛyʋ ɛsɩndaa lɛ, ɛ-nʋmɔŋ tɩŋa tʋʋzaa;+Ɛlɛ Yehowa tazɩɣ laŋa taa.*+
3 Mbʋ pɩwɛ siɣsiɣ nɛ mbʋ pɩtʋʋzaa yɔPɩ-labʋ kɛdɩɣnɩ Yehowa nɛ pɩkɩlɩ kɩlaʋ.+
4 Kanɖʋ ŋgʋ kiɖiyiɣ kañatʋ tɩnaa yɔ,Ŋgʋ lɛ ɛsa wena akpazɩɣ a-tɩ yɔ nɛ laŋɩyɛ nɖɩ ɖɩkʋndʋʋ yɔ, nɛ pɩkɛ kɩwɛɛkɩm.+
5 Paa pɩɩlabɩ ɛzɩma yɔ, ɛyʋ kpekpeka tʋ ɖʋtʋ ɖɔŋnɩ-ɩ camɩyɛ,*+Ɛlɛ mba payɩ pekpedisiɣ yɔ, paa pɩɩlabɩ ɛzɩma yɔ pakaɣ sʋʋ kʋñɔndʋtʋ taa.+
6 Ñɩm mbʋ ɛyʋ cɛtɩɣ nɛ ehiɣ-pʋ yɔPɩwɛ ɛzɩ hohou ŋgʋ kɩkʋyʋʋ yɔ, pɩwɛ ɛzɩ sɩm kpaca yɔ.*+
7 Kañatʋ tɩnaa puuyaɣ lakasɩ kaɣ-wɛ hazʋʋ nɛ pɩɖɛna,+Mbʋ pʋyɔɔ yɔ pekizaa se paalakɩ siɣsiɣ lakasɩ.
8 Weyi ɛlakɩ kɩwɛɛkɩm yɔ, ɛ-nʋmɔʋ tɩtʋʋzɩ;Ɛlɛ ɛyʋ weyi ɛwɛ kele kele yɔ, ɛ-lakasɩ tʋʋzaa.+
9 Pɩwɛ weewee se ɛyʋ ɛwɛɛ kuduyuu ñʋʋ taa kʋlɔmʋʋ nakʋyʋ taaNɛ pɩkɩlɩ se ɛ nɛ halʋ ñaɖʋʋ tʋ* pɛwɛɛ ɖɩɣa kʋɖʋmaɣ taa.+
10 Kañatʋ tʋ* liu wɛ mbʋ pɩfɛyɩ ɖeu yɔ kpem;+Ɛɛnaɣ ɛyʋ lɛlʋ pʋtɔdɩyɛ.+
11 Pɔhɔŋ ɛyaa woŋiyu nɩŋgbaŋʋʋ lɛ, weyi ɛfɛyɩnɩ lɛɣtʋ yɔ ɛsɩŋ lɔŋ nɛ pɩkɩlɩ;Nɛ lɔŋsɩnɖʋ hikiɣ lɛɣtʋ lɛ, ɛsɩŋ mbʋ pɩwɛɛ se ɛla yɔ.*+
12 Ɛsɔ siɣsiɣ tʋ naɣ kañatʋ tʋ ɖɩɣa,Ɛlakɩ nɛ kañatʋ tʋ tɔlʋʋ asɛyʋʋ taa.+
13 Weyi ɛɖɩkɩ ɛ-nɩŋgbaŋʋʋ se ɛtaanɩɩ ɛjam kubuka yɔ,Ɛ-maɣmaɣ ɛkaɣ kubuka mabʋ ɛlɛ nɔɔyʋ ɛɛkaɣ-ɩ cosuu.+
14 Haɖɛ nɖɩ palakɩ mɛsaɣ tɛɛ yɔ, ɖɩhɛzɩɣ pana;+Nɛ kʋjɔʋ ŋgʋ palakɩ ɛyʋ mɛsaɣ tɛɛ se pataanɩ ɛ-nɔɔ num yɔ,* kɩhɛzɩɣ hɔpɩsɩyɛ.
15 Pɩkɛnɩ taa leleŋ ɛyʋ siɣsiɣ tʋ se ɛla siɣsiɣ lakasɩ,+Ɛlɛ mba palakɩ kɩdɛkɛdɩm yɔ, papaɖɩɣ siɣsiɣ lakasɩ kpem.
16 Weyi eposuu ɛ-tɩ nɛ lɛɣtʋ nʋmɔʋ yɔ,Ɛ nɛ mba pasɩba nɛ pɛfɛyɩnɩ ɖoŋ nɩɩyɩ yɔ pakaɣnɩ hɛzʋʋ.+
17 Weyi ɛsɔɔlɩ aleɣya* yɔ, ɛkaɣ sʋʋ kʋñɔndʋtʋ taa;+Weyi ɛsɔɔlɩ vɛɛ nɛ num yɔ, ɛɛkaɣ wɛnʋʋ ñɩm.
18 Kañatʋ tʋ pakaɣ kpaɣʋ nɛ pɛhɛyɩ ɛyʋ siɣsiɣ tʋ ñʋʋ taa,Nɛ pakaɣ kpaɣʋ pɩ-tɛɛ nɛ pɩ-yɔɔ tʋ ɛyʋ siɣsiɣ tʋ lone taa.+
19 Pɩwɛ weewee se ɛyʋ ɛwɛɛ kañɩmbusuu taaNɛ pɩkɩlɩ se ɛ nɛ halʋ ñaɖʋʋ tʋ* yaa halʋ weyi ɛkɔʋ pana lɛɛ lɛɛ yɔ* pɛwɛɛ.+
20 Panaɣ lɔŋsɩnɖʋ ɖɩɣa taa ñɩm nɛ num,+Ɛlɛ kɩmɛlɛŋ wɛɛkɩɣ* mbʋ kɩwɛna yɔ.+
21 Weyi ɛñɩnɩɣ siɣsiɣ wɛtʋ nɛ sɔɔlɩm siɣsiɣ ñɩmbʋ yɔƐkaɣ hiɣu wezuu, siɣsiɣ wɛtʋ nɛ samtʋ.+
22 Lɔŋsɩnɖʋ pɩzɩɣ nɛ ɛmaanɩ ɖoŋ tɩnaa tɛtʋ koloŋa*Nɛ ɛcamɩ ɖoŋ weyi pataɣ liu yɔ.+
23 Weyi ɛɖɔkʋʋ ɛ-nɔɔ nɛ ɛ-nzʋlʋmɩyɛ yɔƐfɛɣ* kʋñɔmɩŋ.+
24 Tɩ kpazɩyʋ, abɛlɛɛ tʋ weyi ɛwɛ agʋnda yɔ,Mbʋ payaɣ weyi ɛlakɩ tɩ kpazʋʋ lakasɩ nɛ ɛ-paa fɛyɩ yɔ.+
25 Mbʋ feendu tʋ liu wɛɛ yɔ, mbʋ kaɣnɩ-ɩ kʋʋ,Mbʋ pʋyɔɔ yɔ e-nesi kizi tʋmɩyɛ labʋ.+
26 Evemiye kpeekpe taa, e-liu wɛ wondu sakɩyɛ;Ɛlɛ ɛyʋ siɣsiɣ tʋ haɣ, eekpiikiɣ e-nikpiɖe nabʋyʋ yɔɔ.+
27 Kañatʋ tʋ kɩlaʋ caɣ kiniŋ,+Ye mbʋ, alɩwaatʋ ndʋ ɛlaɣ-kʋ nɛ lɩmaɣza kɩdɛkɛda yɔ* paacazɩɣ yɔɔdʋʋ.
28 Aseɣɖe tʋ cɛtɩyʋ kaɣ sɩbʋ,+Ɛlɛ weyi ɛkʋŋ nɩŋgbaŋʋʋ yɔ, ɛkaɣ aseɣɖe lɩzʋʋ camɩyɛ.*
29 Kañatʋ tʋ lakɩ ɛzɩ ɛwɛ abalɩtʋ yɔ,+Ɛlɛ ɛyʋ siɣsiɣ tʋ nʋmɔʋ ɛɛcɛtɩɣna.*+
30 Lɔŋsɩnɖɛ, lɛɣtʋ, yaa lɔŋ tasʋʋ nabʋyʋ fɛyɩ se pɩpɩzɩɣ nɛ pɩkaɖɩnɩ Yehowa.+
31 Pɔñɔɔzʋʋ kpaŋnʋ nɛ paɖaŋnɩ you evemiye,+Ɛlɛ Yehowa cɔlɔ ñʋʋ yabʋ lɩɣna.+
Pɩ-tɛɛ tɔm
^ Yaa «tazɩɣ mbʋ piseɣtiɣ ɛyʋ yɔ pɩ-taa.»
^ Yaa «ɖʋtʋ kɔŋnɩ-ɩ kɛzɛɣa.»
^ Pɩpɩzɩɣ pɩkɛ, «ŋgʋ kɩkʋyʋʋ yɔ mba pañɩnɩɣ sɩm yɔ.»
^ Yaa «halʋ weyi ɛhɔŋ tɔm tam yɔ.»
^ Yaa «Kañatʋ tʋ kalɩzaɣ.»
^ Yaa «ɛwɛɣnɩ sɩmtʋ.»
^ Piye piye, «mulum kʋjɔʋ ŋgʋ paɖʋʋ laŋɩyɛ taa yɔ.»
^ Yaa «leleŋ nɩʋ.»
^ Yaa «halʋ weyi ɛhɔŋ tɔm tam yɔ.»
^ Yaa «halʋ weyi ɛɖʋʋ ɖɩwɩzɩyɛ yɔ.»
^ Piye piye, «liki.»
^ Yaa «nɛ ɛwa ɖoŋ tɩnaa tɛtʋ.»
^ Yaa «Ɛ-kalɩzaɣ fɛɣ.»
^ Yaa «ɛlaɣ-kʋ ɛlɛ eɖiɣni labʋ fɛyɛ lakasɩ yɔ.»
^ Piye piye, «ɛkaɣ yɔɔdʋʋ tam.»
^ Yaa «ɛyʋ siɣsiɣ tʋ lakɩna nɛ ɛ-nʋmɔʋ tʋʋzʋʋ.»
