Keɣa 72:1-20
Keɣa ŋga kotukuuni Salomɔɔ yɔ.
72 Hayɩ Ɛsɔ, cɛlɩ wiyaʋ ñɔ-tɔm hʋʋ paɣtʋ,Ha wiyaʋ pɩyalʋ ñe-siɣsiɣ wɛtʋ.+
2 Ɛlʋ ña-samaɣ yɔɔ nɛ siɣsiɣ wɛtʋ,Nɛ ɛhʋʋ ña-ajamaa tɔm siɣsiɣ.+
3 Pʋŋ ɩkɔnɩ samaɣ laŋhɛzɩyɛ,Nɛ piyisi kɔnɩ siɣsiɣ wɛtʋ.
4 Ɛlʋ samaɣ taa ajamaa yɔɔ,*Ɛya kʋñɔndʋ pɩyalaa ñʋʋ,Nɛ ɛtɔyɩtɩ weyi emuluu lalaa yɔ.+
5 Pakaɣ-ŋ seu sɔɔndʋ alɩwaatʋ ndʋ payɩ wɩsɩ wɛɣ yɔNɛ alɩwaatʋ ndʋ payɩ fenaɣ wɛɣ yɔ,Kpaɣnɩ kpaɖʋʋ nɛ piwolo kpaɖʋʋ.+
6 Ɛkaɣ wɛʋ ɛzɩ tɛʋ ŋgʋ kɩnɩɣ ñɩtʋ ndʋ pɛcɛbɩ-tʋ yɔ tɩ-yɔɔ yɔ,Ɛzɩ tɛʋ sɔsɔʋ ŋgʋ kiniɣdiɣ tɛtʋ yɔ.+
7 Ɛ-kɩyakɩŋ taa lɛ, ɛyaa siɣsiɣ tɩnaa kaɣ nɛɣdʋʋ,*+Nɛ laŋhɛzɩyɛ kaɣ tɔyʋʋ+ nɛ pɩkɔɔ nɛ pɩsɩɩnɩ alɩwaatʋ ndʋ fenaɣ ɛɛtasɩɣ wɛʋ yɔ.
8 Mba pɔ-yɔɔ ɛtɔkɩ kewiyitu yɔ, pakaɣ wɛʋ* kpaɣnɩ teŋgu nɛ piwolo pɩtalɩ teŋguNɛ kpaɣnɩ Pɔɔ* nɛ piwolo pɩtalɩ tɛtʋ kamasɩ yɔɔ.+
9 Kañɩmbusuu taa mba kaɣ luŋuu ɛ-ɛsɩndaa,Nɛ e-koyindinaa kaɣ nezuu mʋzʋʋ.+
10 Tarɩsiisi awiya nɛ lɩm hɛkʋ taa tɛtʋ awiya kaɣ-ɩ hɛyʋʋ lambuu.+
Seeba awiya nɛ Seba awiya kaɣ-ɩ kɔnʋʋ kʋjɔŋ.+
11 Awiya kpeekpe kaɣ luŋuu ɛ-ɛsɩndaa,Nɛ ajɛɛ kpeekpe kaɣ-ɩ ɖʋʋ lɩm.
12 Mbʋ pʋyɔɔ yɔ ɛkaɣ holuu kʋñɔndʋ weyi ekou se pasɩnɩ-ɩ yɔ,Nɛ ɛkaɣ holuu ɖɔɖɔ ɛjam nɛ weyi ɛfɛyɩnɩ sɩnɩyʋ nɔɔyʋ yɔ.
13 Ɛkaɣ naʋ ɛjam nɛ kʋñɔndʋ pa-pʋtɔdɩyɛ,Nɛ ɛkaɣ yabʋ kʋñɔndɩnaa weziŋ* ñʋʋ.
14 Ɛkaɣ-wɛ holuu* nazɩm nɛ puuyaɣ lakasɩ taa,Nɛ pa-calɩm kaɣ mʋʋ ñɩm ɛ-ɛsɩndaa.
15 Ɛwɛɛ wezuu nɛ pɛcɛlɩ-ɩ Seeba+ sika.
Tɛtɛ nɛ patɩmɩ ɛ-yɔɔ paa ɛzɩmtaa,Nɛ pawazɩ-ɩ evemiye kpeekpe.
16 Tɔɔnaɣ pee kaɣ tɔyʋʋ tɛtʋ yɔɔ;+Akaɣ wadʋʋ pʋŋ ñʋŋ taa.
Ɛ-hayɩm kaɣ lʋlʋʋ tɔɔnaɣ sakɩyɛ ɛzɩ Libaŋ+ taa yɔ,Nɛ ɛyaa kaɣ nɛɣdʋʋ tɛtʋ taa ɛzɩ mbʋ pɩñɔʋnɩ tɛtɛɛ yɔ.+
17 Ɛ-hɩɖɛ ɛwɛɛ tam,+Ðɩwɛɛ tam ɛzɩ wɩsɩ yɔ.
Ɛyaa ihiɣ wazaɣ pɩtɩŋnɩ ɛ-yɔɔ;+Ajɛɛ kpeekpe ɩyaa-ɩ se koboyaɣ tʋ.
18 Pasa Ɛsɔ Yehowa, Izrayɛɛlɩ tɛ Ɛsɔ,+Ɛnʋ weyi e-ɖeke ɛlakɩ piti tʋma yɔ.+
19 Pasa ɛ-hɩɖɛ sɔsɔɖɛ tam,+Nɛ ɛ-samtʋ esu tɛtʋ kpeekpe yɔɔ.+
Amɛn, Amɛn.
20 Cɩnɛ Yesee pɩyalʋ Daviid adɩma sɩnaa.+
Pɩ-tɛɛ tɔm
^ Piye piye, «Ɛhʋʋ samaɣ taa ajamaa tɔm.»
^ Piye piye, «ñɔʋ.»
^ Yaa «Ɛkaɣ tɔɔʋ kewiyitu.»
^ Pʋ-tɔbʋʋ se Efraatɩ.
^ Yaa «kalɩzasɩ.»
^ Yaa «Ɛkaɣ yabʋ pa-kalɩzasɩ ñʋʋ.»
