Keɣa 139:1-24
Hendu teyaa ñʋʋdʋ. Daviid hendu.
139 Oo Yehowa, ŋtazɩ man-taa, nɛ ŋsɩmɩ-m.+
2 Ŋsɩm alɩwaatʋ ndʋ mancakɩ yɔ nɛ alɩwaatʋ ndʋ mankʋyʋʋ yɔ.+
Ŋsɩm ma-lɩmaɣza nɛ ɖooo poliŋ taa.+
3 Ŋcɔŋnɩ-m* alɩwaatʋ ndʋ mɔnɖɔŋ nʋmɔʋ yɔ nɛ alɩwaatʋ ndʋ mahɩnɩɣ yɔ;Ŋsɩm ma-nʋmɔŋ tɩŋa camɩyɛ.+
4 Pʋcɔ nɛ tɔm natʋyʋ kpa mɔ-nɔɔ taa lɛ,Oo Yehowa! Ña ñɛtɛm-tʋ sɩm tete.+
5 Ŋcɔ-m nɛ ŋta, mɛ-ɛsɩndaa nɛ ma-wayɩ;Ŋlaɣyɩ ñe-nesi mɔ-yɔɔ.
6 Ŋsɩmɩ-m sɩm mbʋ yɔ, pɩcɛzɩ mbʋ manpɩzɩɣ nɛ manɩɩ pɩ-taa yɔ.*
Pɩkɩlɩ-m kʋyʋʋ, maapɩzɩɣ nɛ mehiɣ-pʋ.*+
7 Le manpɩzɩɣ nɛ mense ñe-fezuu nɛ mowolo,Nɛ le manpɩzɩɣ nɛ mense mɛnɖɛɛ nɛ ŋŋnaɣ-m?*+
8 Ye mankpa ɛsɔdaa yɔ, ŋkaɣ wɛʋ peeɖe,Nɛ ye mɔnpɔ ma-ñalʋʋ Pɩlaʋ* taa yɔ, na, ŋkaɣ wɛʋ peeɖe.+
9 Paa mankʋyɩnɩ tɛbɩyɛ keŋ nɛ mɛnɖɛɛNɛ mancaɣ teŋgu ŋgʋ kɩkɩlɩ posuu yɔ kɩ-nɔɔ yɔ,
10 Halɩ peeɖe ɖɔɖɔ, ñe-nesi kaɣ-m ɖiyuuNɛ ñe-nesi kɩbanzɩ kaɣ-m ɖɔkʋʋ.+
11 Ye mɔntɔm se: «Pɩtʋʋ fɛyɩ se cɩkpɛndʋʋ kaɣ mɔ-yɔɔ huuzuu!» yɔ,Cɩkpɛndʋʋ ŋgʋ kɩcɔ-m nɛ kɩta yɔ, kɩpɩsɩɣ ñalɩmɩyɛ.
12 Halɩ ñɛ-ɛsɩndaa lɛ, cɩkpɛndʋʋ ɛɛkaɣ kɛʋ cɩkpɛndʋʋ,Ɛlɛ ɖoo kaɣ wɛʋ ñamm ɛzɩ wɩsɩ taa yɔ;+Ñɛ-ɛsɩndaa lɛ, cɩkpɛndʋʋ wɛ ɖɔɖɔ ɛzɩ ñalɩmɩyɛ yɔ.+
13 Mbʋ pʋyɔɔ yɔ ñalabɩnɩ man-kataŋgayɩsɩ;Ñekendini mɔ-yɔɔ* mon-ɖoo lotu taa.+
14 Mansaŋɩ-ŋ, mbʋ pʋyɔɔ yɔ ŋma-m maʋ mbʋ yɔ, pɩcaɣ sɔɔndʋ nɛ pɩwɛ piti kpem.+
Ña-tʋma wɛ piti kpem,+Mansɩm* tɔm ndʋ camɩyɛ.
15 Mɔ-mɔɔ taawɛ-ŋ mɛsaɣ tɛɛAlɩwaatʋ ndʋ ŋma-m mɛsaɣ tɛɛ yɔ,Alɩwaatʋ ndʋ ŋlʋ-m tɛtʋ cukaŋ taa yɔ.+
16 Halɩ ñɛ-ɛsa na-m alɩwaatʋ ndʋ maakɛ calɩm tootoye* yɔ;Ŋŋma ɖɩ-hɔɔlɩŋ tɩŋa ña-takayaɣ taaPɩkpɛndɩnɩ kɩyakɩŋ weyi ŋkaɣaɣ lɩzʋʋ hɔɔlɩŋ ɛnɩ yɔ,Pʋcɔ nɛ paa hɔɔlʋʋ ŋgʋ lɛ kɩwɛɣ.
17 Pʋyɔɔ lɛ, ña-lɩmaɣza mʋ ñɩm pɩŋŋ mɛ-ɛsɩndaa!+
Oo Ɛsɔ, aɖɔ mbʋ suwe!+
18 Ye mañaɣ pana se mankalɩɣ-yɛ yɔ, akɩlɩ kañɩŋa pee ɖɔʋ.+
Menfeŋ lɛ, mɛnkpɛndɩ mɛwɛ ñɔ-cɔlɔ.*+
19 Hayɩ Ɛsɔ, ye ŋŋkʋwaɣ kañatʋ tʋ!+
Ɛzʋnɔ puuyaɣ tɩnaa* kaaɖɛ mɔn-cɔlɔ,
20 Mba pɔyɔɔdʋʋ ñɔ-tɔm nɛ lɩmaɣza kɩdɛkɛda yɔ;*Pɛkɛ ño-koyindinaa mba palakɩnɩ ña-hɩɖɛ tʋmɩyɛ ɛzɩma pɩtɩpɔzɩ yɔ.+
21 Hayɩ Yehowa, ɛzɩ maapaɖɩɣ mba papaɖɩɣ-ŋ yɔ?+
Nɛ mba pakaɖɩɣnɩ-ŋ yɔ, patɩcaɣ-m kiniŋ na?+
22 Manpaɖɩɣ-wɛ pɩdɩɩfɛyɩ;+Papɩsɩ-m koyindinaa siŋŋ.
23 Hayɩ Ɛsɔ, tazɩ man-taa nɛ ŋtɩlɩ ma-laŋɩyɛ.+
Wili-m nɛ ŋtɩlɩ ma-nɩɣzɛ.*+
24 Cɔna nɛ ŋna se nʋmɔʋ kɩdɛkɛdʋʋ nakʋyʋ wɛ man-taa yaa we,+Nɛ ŋɖiyi-m+ tamtam nʋmɔʋ taa.
Pɩ-tɛɛ tɔm
^ Piye piye, «Ŋmaɣzɩɣ-m.»
^ Yaa «pɩwɛ-m piti kpem.»
^ Yaa «Maapɩzɩɣ nɛ manɩɩ pɩ-taa.»
^ Yaa «mense ñɛ-ɛsɩndaa nɛ mɛnɖɛɛ.»
^ Yaa «Sewɔɔlɩ,» pʋ-tɔbʋʋ se ɛyaa tɩŋa pɩlaʋ. Cɔnɩ Tɔm pee sɔsɔna tɔbʋʋ lɩzʋʋ.
^ Pɩpɩzɩɣ pɩkɛ, «Ñalʋnɩ-m.»
^ Yaa «Man-kalɩzaɣ sɩm.»
^ Yaa «maakɛ sogolaɣ.»
^ Pɩpɩzɩɣ pɩkɛ, «mɛwɛ a-kalʋʋ yɔɔ.»
^ Yaa «calɩm kpɛdɩyaa.»
^ Yaa «Mba pɔyɔɔdʋʋ ñɔ-tɔm ɛzɩ pamaɣzʋʋ yɔ.»
^ Yaa «ŋtɩlɩ mbʋ pɩhaɣ-m lɩmaɣza yɔ.»
