Keɣa 119:1-176
-
Ɛnɩ leleŋ Ɛsɔ tɔm ndʋ tɩmʋ ñɩm yɔ tɩ-yɔɔ
א [Alɛf]
119 Koboyaɣ tɩnaa kɛlɛ mba kɩdɛkɛdɩm nabʋyʋ fɛyɩ* pɔ-ɖɔnɛ taa yɔ,Mba pɔɖɔŋ Yehowa paɣtʋ yɔɔ yɔ.+
2 Koboyaɣ tɩnaa kɛlɛ mba pɔɖɔŋ ɛ-tɔm kɩtɔzɩtʋ* yɔɔ yɔ,+Mba pañɩnɩɣ-ɩ nɛ pa-laŋɩyɛ pilim yɔ.+
3 Paalakɩ mbʋ pɩtɩtʋʋzɩ yɔ;Pɔɖɔŋ ɛ-nʋmɔŋ taa.+
4 Ŋɖʋ paɣtʋSe pɔɖɔ ña-kpalɩtʋ yɔɔ ɖeyi ɖeyi.+
5 Ye maapɩzaɣ se mɔnɖɔkɩ kpam*+Nɛ mɔnɖɔ ña-paɣtʋ yɔɔ!
6 Ðɩnɛ ɛlɛ, fɛyɛ ɛɛkaɣ-m kpaʋ+Alɩwaatʋ ndʋ mantazɩɣ ña-paɣtʋ kpeekpe taa yɔ.
7 Laŋɩyɛ nɖɩ ɖɩtʋʋzaa yɔ, nɖɩ mankaɣ-ŋ samnʋʋAlɩwaatʋ ndʋ mantɩlɩɣ ñɔ-tɔm hʋʋ siɣsiɣ ñɩmbʋ yɔ.
8 Mankaɣ ɖɔm ña-paɣtʋ yɔɔ.
Taalɔ-m caɣ caɣ kpa.
ב [Bɛtɩ]
9 Ɛzɩma evebu pɩzɩɣ nɛ ɛla nɛ ɛ-nʋmɔʋ wɛɛ kele kele?
Pɩwɛɛ se ɛkpa ɛ-tɩ camɩyɛ nɛ ɛɖɔ ñɔ-tɔm yɔɔ.+
10 Mañɩnɩɣ-ŋ nɛ ma-laŋɩyɛ kpeekpe.
Taayele nɛ monposini ña-paɣtʋ.+
11 Mansɩɣ ñɔ-tɔm ma-laŋɩyɛ taa camɩyɛ+Se pɩtaakɛdɩ nɛ mayʋsɩnɩ-ŋ.+
12 Tɛtɛ nɛ pasamɩ-ŋ, Oo Yehowa;Wɩlɩ-m ña-paɣtʋ.
13 Monsusuuni mɔ-nɔɔTɔm hʋʋ mbʋ payɩ pɩlɩnɩ ñɔ-nɔɔ taa yɔ.
14 Man-taa lakɩ leleŋ nɛ ña-paɣtʋ ndʋ ŋtɔzʋʋ-m yɔ+Nɛ pɩkɩlɩ wondu lɛɛtʋ ndʋ payɩ tɩmʋ ñɩm yɔ.+
15 Mankaɣ maɣzʋʋ ña-paɣtʋ yɔɔ*+Nɛ mɛ-ɛsa wɛɛ ña-nʋmɔŋ taa.+
16 Mɔnsɔɔlɩ ña-paɣtʋ kpem.
Maakaɣ sɔʋ ñɔ-tɔm yɔɔ.+
ג [Gimɛl]
17 La ña-lɩmɖʋyʋ kɩbandʋ,Nɛ manpɩzɩ nɛ mancaɣ wezuu nɛ mɔnɖɔ ñɔ-tɔm yɔɔ.+
18 Kuli mɛ-ɛsa nɛ manpɩzɩ nɛ manaPiti tɔm ndʋ tɩwɛ ña-paɣtʋ taa yɔ kpayɩ kpayɩ.
19 Ɛgɔm yem mɛnkɛ ɛjaɖɛ taa.+
Taamɛsɩ-m ña-paɣtʋ.
20 Paa ɛzɩmtaa lɛ,Me-liu* wɛ ñɔ-tɔm hʋʋ paɣtʋ pɩŋŋ.
21 Ŋkalɩɣ tɩ kpazɩyaa,Mba pɔlɔ pɔ-yɔɔ nɔɔ kɩdɛkɛdaɣ nɛ poposuuni ña-paɣtʋ yɔ.+
22 Ðɛnɩ* mɔ-yɔɔ fɛyɛ nɛ nimtu,Mbʋ pʋyɔɔ yɔ mɔnɖɔm ñɔ-tɔm kɩtɔzɩtʋ yɔɔ.
23 Halɩ alɩwaatʋ ndʋ awumbiya cakɩ nɛ pɔyɔɔdʋʋ mɔ-yɔɔ tɔm kɩdɛkɛdɩtʋ yɔ,Ma ña-lɩmɖʋyʋ lɛ, mamaɣzɩɣ ña-paɣtʋ yɔɔ.*
24 Mɔnsɔɔlɩ ñɔ-tɔm kɩtɔzɩtʋ siŋŋ;+Ndʋ tasɩɣnɩ-m lɔŋ.+
ד [Dalɛtɩ]
25 Mahɩnɩ* mʋzʋʋ taa.+
Yele nɛ mɛwɛɛ wezuu ɛzɩ ŋyɔɔdʋʋ yɔ.+
26 Mɛnkɛdɩ-ŋ mɔn-ɖɔnɛ, nɛ ŋcosi-m;Wɩlɩ-m ña-paɣtʋ.+
27 Yele nɛ manɩɩ ña-paɣtʋ tɔbʋʋ,Nɛ manpɩzɩ nɛ mamaɣzɩ ñe-piti tʋma yɔɔ.*+
28 Ma-laŋwɛɛkɩyɛ yeba nɛ mañɩnɩ ɖom nɛ mawɩɩ.*
Kpazɩ-m ɖoŋ ɛzɩ ŋyɔɔdʋʋ yɔ.
29 Posi-m nɛ cɛtɩm nʋmɔʋ,+Na man-pʋtɔdɩyɛ nɛ ŋwɩlɩ-m ña-paɣtʋ.
30 Siɣsiɣ wɛtʋ nʋmɔʋ malɩzaa.+
Menɖiɣzinaa se ñɔ-tɔm hʋʋ tʋʋzaa.
31 Mɔñɔnɩ ñɔ-tɔm kɩtɔzɩtʋ.+
Hayɩ Yehowa, taayele nɛ fɛyɛ kpa-m.*+
32 Mankaɣ tɩŋʋʋ ña-paɣtʋ nʋmɔʋ nɛ kpekpeka*Mbʋ pʋyɔɔ yɔ ŋñɔɔzʋʋ-kʋ lone ma-laŋɩyɛ taa.*
ה [He]
33 Hayɩ Yehowa, wɩlɩ-m+ ña-paɣtʋ nʋmɔʋ,Mankaɣ-kʋ tɩŋʋʋ nɛ pɩtalɩ tɩnaɣ yɔɔ.+
34 Ha-m tɔm taa nɩʋ lɛɣtʋ,Nɛ manpɩzɩ nɛ mɔnɖɔ ña-paɣtʋ yɔɔNɛ mɔnɖɔkɩ-tʋ nɛ ma-laŋɩyɛ kpeekpe.
35 Ðiyi-m* ña-paɣtʋ nʋmɔʋ taa,+Mbʋ pʋyɔɔ yɔ kɩ-tɔm kɛdɩnɩ-m.
36 Kpili ma-laŋɩyɛ nɛ ñɔ-tɔm kɩtɔzɩtʋ yɔɔ,Pɩtaakɛnɩ piɖeni men-ɖeke kɛzɛɣa yɔɔ.+
37 Kɛzɩ mɛ-ɛsa nɛ ataacɔnɩ mbʋ pɩɩwazɩɣ pʋyʋ yɔ;+Yele nɛ mɛwɛɛ wezuu ña-nʋmɔʋ taa.
38 Ðɔ tamaɣ ŋga ŋlabɩ* ña-lɩmɖʋyʋ yɔ kɔ-yɔɔ,Nɛ piyele nɛ pese-ŋ sɔɔndʋ.*
39 Ðɛnɩ poliŋ fɛyɛ nɖɩ sɔɔndʋ kpaɣnɩ-m yɔ,Mbʋ pʋyɔɔ yɔ tɔm ndʋ ŋhʋʋ yɔ tɩwɛ ɖeu.+
40 Na ɛzɩma me-liu wɛ ña-paɣtʋ pɩŋŋ yɔ.
Yele nɛ mɛwɛɛ wezuu ñe-siɣsiɣ wɛtʋ taa.
ו [Vav]
41 Hayɩ Yehowa, wɩlɩ-m ñɔ-sɔɔlɩm siɣsiɣ ñɩmbʋ,+Ya ma-ñʋʋ ɛzɩ ŋlabʋ tamaɣ yɔ;*+
42 Ðɩnɛ ɛlɛ mankaɣ cosuu weyi ɛcaɣ-m tɔm yɔ,Mbʋ pʋyɔɔ yɔ mantaɣ ñɔ-tɔm liu.
43 Taalɩzɩ toovenim tɔm mɔ-nɔɔ taa,Mbʋ pʋyɔɔ yɔ mantaɣ liu* ñɔ-tɔm hʋʋ.
44 Mankaɣ ɖɔkʋʋ ña-paɣtʋ paa ɛzɩmtaa,Mankaɣ-tʋ ɖɔkʋʋ tam.+
45 Mankaɣ yɛlʋʋ lone nɖɩ ɖɩ-taa kaɖɛ naɖɩyɛ ɛɛtalɩɣ-m yɔ* ɖɩ-taa,+Mbʋ pʋyɔɔ yɔ mañɩnɩɣ ña-paɣtʋ.
46 Mankaɣ yɔɔdʋʋ ña-paɣtʋ tɔm awiya ɛsɩndaa,Nɛ fɛyɛ ɛɛkaɣ-m kpaʋ.+
47 Ña-paɣtʋ tɔm kɛdɩnɩ-m kpem,Ɛɛɛ, mɔnsɔɔlɩ-tʋ.+
48 Mankaɣ kpazʋʋ me-nesi nɛ ña-paɣtʋ ndʋ mɔnsɔɔlɩ-tʋ yɔ tɩ-cɔlɔ kiŋ,+Nɛ mankaɣ maɣzʋʋ ña-kpalɩtʋ yɔɔ.*+
ז [Zayin]
49 Tɔzɩ tɔm ndʋ ŋheyi* ma ña-lɩmɖʋyʋ yɔ tɩ-yɔɔ,Ndʋ ŋhanɩ-m lidaʋ yɔ.*
50 Mbʋ pɩhɛzɩɣ ma-laŋɩyɛ man-kʋñɔŋ taa lɛ lɛ,+Mbʋ pʋyɔɔ yɔ ñɔ-tɔm ɖɔkɩnɩ me-wezuu.
51 Tɩ kpazɩyaa woŋuu-m kpem,Ɛlɛ maaposuuni ña-paɣtʋ.+
52 Hayɩ Yehowa, mɔntɔzʋʋ tɔm ndʋ ŋhʋ ɖooo caanaʋ taa yɔ tɩ-yɔɔ,+Nɛ tɩhɛzɩɣ ma-laŋɩyɛ.+
53 Kañatʋ tɩnaa mba pɔlɔʋ ña-paɣtʋ yɔ pɔ-yɔɔ lɛ,Man-taa wɩɣ kpem.+
54 Paa le mantɩɩwɛɛ yɔ,*Ña-paɣtʋ pɩsɩnɩ-m hendu nɛ menteɣ.
55 Hayɩ Yehowa, mɔntɔzʋʋ ña-hɩɖɛ yɔɔ ɖoo taa+Se manpɩzɩ nɛ mɔnɖɔkɩ ña-paɣtʋ.
56 Pɩmalɩnɩ-m
Mbʋ pʋyɔɔ yɔ mɔnɖɔm ña-paɣtʋ yɔɔ.
ח [Hɛɛtɩ]
57 Yehowa kɛnɩ men-ɖeɖe;+Malabɩ tamaɣ se mɔnɖɔŋ ñɔ-tɔm yɔɔ.+
58 Mentendiɣ-ŋ* nɛ ma-laŋɩyɛ kpeekpe;+Na man-pʋtɔdɩyɛ+ ɛzɩ ŋlabʋ tamaɣ yɔ.*
59 Mantazɩ mɔn-ɖɔnɛ taa,Se pɩsa nɛ manpɩsɩnɩ ma-nɩŋgbanzɩ ñɔ-tɔm kɩtɔzɩtʋ taa.+
60 Mɔnɖɔŋ ña-paɣtʋ yɔɔ lɛɛ lɛɛ,Maalakɩ ninika.+
61 Kañatʋ tɩnaa nimee cɔ-m nɛ ata,Ɛlɛ maasɔʋ ña-paɣtʋ yɔɔ.+
62 Mankʋyʋʋ ɖoo hɛkʋ taa se mɛnsɛ-ŋ se ŋlabaɣ lɛ+Ñɔ-tɔm hʋʋ siɣsiɣ ñɩmbʋ yɔɔ.
63 Mɛnkɛ mba payɩ peseɣ-ŋ sɔɔndʋNɛ mba pɔɖɔŋ ña-paɣtʋ yɔɔ yɔ pa-taabalʋ.+
64 Hayɩ Yehowa, ñɔ-sɔɔlɩm siɣsiɣ ñɩmbʋ su tɛtʋ yɔɔ;+Wɩlɩ-m ña-paɣtʋ.
ט [Tetɩ]
65 Hayɩ Yehowa, ŋlabɩ camɩyɛ lakasɩMa ña-lɩmɖʋyʋ, ɛzɩ ŋyɔɔdʋʋ yɔ.
66 Kpɛlɩkɩ-m lɛɣtʋ nɛ ŋha-m sɩmtʋ,+Mbʋ pʋyɔɔ yɔ mantaɣ ña-paɣtʋ liu.
67 Melekaɣ* pʋcɔ nɛ mansʋʋ kʋñɔŋ taa,Ɛlɛ lɛɛlɛɛyɔ lɛ, mañaŋ ñɔ-tɔm.+
68 Ŋwɛ ɖeu+ nɛ ña-tʋma ɖɔɖɔ wɛ ɖeu.
Wɩlɩ-m ña-paɣtʋ.+
69 Tɩ kpazɩyaa pɔʋ mɔ-yɔɔ cɛtɩm tɔm,Ɛlɛ mɔnɖɔŋ ña-paɣtʋ yɔɔ nɛ ma-laŋɩyɛ kpeekpe.
70 Pa-laŋa sʋ kpɩzɩŋ,*+Ɛlɛ ma lɛ, mɔnsɔɔlɩ ña-paɣtʋ kpem.+
71 Pɩlabɩ ɖeu se mɔntɔɔ kʋñɔŋ+Nɛ manpɩzɩ mɛnkpɛlɩkɩ ña-paɣtʋ.
72 Paɣtʋ ndʋ ŋsusaa yɔ tɩwɛ-m ɖeu,+Tɩwɛ-m ɖeu kpem nɛ pɩkɩlɩ sika nɛ liidiye pɔɔyɩsɩ kudokiŋ sakɩyɛ.+
י [Yod]
73 Ñe-nesi labɩnɩ-m nɛ nzɩ manɩ-m.
Ha-m tɔm taa nɩʋ lɛɣtʋNɛ manpɩzɩ mɛnkpɛlɩkɩ ña-paɣtʋ.+
74 Mba peseɣ-ŋ sɔɔndʋ yɔ, panaɣ-m lɛ, pa-taa lakɩ leleŋ,Mbʋ pʋyɔɔ yɔ ñɔ-tɔm kɛnɩ me-lidaʋ.*+
75 Hayɩ Yehowa, manawa se ñɔ-tɔm hʋʋ wɛ siɣsiɣ,+Nɛ manawa ɖɔɖɔ se ñe-siɣsiɣ wɛtʋ yɔɔ ŋyeba nɛ mɔntɔɔ kʋñɔŋ.+
76 Hayɩ mentendi-ŋ, ñɔ-sɔɔlɩm siɣsiɣ ñɩmbʋ+ ɛhɛzɩ ma-laŋɩyɛ,Ɛzɩ ŋlabʋ tamaɣ* ma ña-lɩmɖʋyʋ yɔ.
77 Na man-pʋtɔdɩyɛ nɛ mɛwɛɛ wezuu,+Mbʋ pʋyɔɔ yɔ mɔnsɔɔlɩ ña-paɣtʋ kpem.+
78 Fɛyɛ ɛkpa tɩ kpazɩyaa,Mbʋ pʋyɔɔ yɔ palakɩ-m kɩdɛkɛdɩm ɖulum.*
Ɛlɛ ma lɛ, mankaɣ maɣzʋʋ ña-paɣtʋ yɔɔ.*+
79 Yele nɛ mba peseɣ-ŋ sɔɔndʋ yɔ, papɩsɩ mɔn-cɔlɔ,Mba pasɩm ñɔ-tɔm kɩtɔzɩtʋ yɔ.
80 Ma-laŋɩyɛ ɛɖɔkɩ ña-paɣtʋ nɛ ɖɩtaawɛɛnɩ kɩwɛɛkɩtʋ natʋyʋ+Nɛ fɛyɛ ɛtaakpa-m.+
כ [Kaf]
81 Manɖaŋ kpam* se ŋya ma-ñʋʋ,+Mbʋ pʋyɔɔ yɔ ñɔ-tɔm kɛnɩ me-lidaʋ.*
82 Mɛ-ɛsa ɖaŋ ñɔ-tɔm kpam,+Nɛ mɔnpɔzʋʋ se: «Ɛzɩmtaa ŋkaɣ ma-laŋɩyɛ hɛzʋʋ?»+
83 Mbʋ pʋyɔɔ yɔ mɛwɛ ɛzɩ tɔnɛ kokoɖe nɖɩ miŋ ñɔsɩ yeba nɛ ɖɩwɩlɩ yɔ,Ɛlɛ maasɔʋ ña-paɣtʋ yɔɔ.+
84 Kɩyakɩŋ ɛzɩma pɩwɛɛ se ña-lɩmɖʋyʋ ɛɖaŋ?
Ɛzɩmtaa ŋkaɣ tɔm hʋnʋʋ mba panazɩɣ-m yɔ?+
85 Tɩ kpazɩyaa nɛ mba pakaɖɩɣnɩ ña-paɣtʋ yɔ,Pohuyuu pɔŋ se mɔntɔlɩ ɩ-taa.
86 Ña-paɣtʋ tɩŋa mʋnaa se pataa-tʋ liu.
Ɛyaa nazɩɣ-m ɖulum; sɩnɩ-m!+
87 Pɩkazɩ pazɩ yem, paɖɩzaɣ-m tɛtʋ yɔɔ,Ɛlɛ mantɩlɔ ña-paɣtʋ.
88 Ñɔ-sɔɔlɩm siɣsiɣ ñɩmbʋ yɔɔ lɛ, yele nɛ mɛwɛɛ wezuu,Nɛ manpɩzɩ nɛ mɔnɖɔkɩ tɔm kɩtɔzɩtʋ ndʋ tɩlɩnɩ ñɔ-nɔɔ taa yɔ.
ל [Lamɛd]
89 Oo Yehowa,Ñɔ-tɔm wɛɣ ɛsɔdaa tam.+
90 Ñe-siɣsiɣ wɛtʋ wɛ kpaɣnɩ kpaɖʋʋ nɛ piwolo kpaɖʋʋ.+
Ŋcaɣzɩ tɛtʋ camɩyɛ se tɩwɛɛ ti-lone taa tam.+
91 Ña-paɣtʋ yɔɔ pɩtɩŋa* pɩwɛ halɩ nɛ sɔnɔ,Mbʋ pʋyɔɔ yɔ pɩtɩŋa pɩɖʋʋ-ŋ lɩm.
92 Ye mantaasɔɔlɩ ña-paɣtʋ kpem yɔ,Ɛzʋnɔ maatɛm sɩbʋ man-kʋñɔŋ taa.+
93 Maakaɣ sɔʋ ña-paɣtʋ yɔɔ kpa,Mbʋ pʋyɔɔ yɔ tɩ-yɔɔ ŋtɩŋnaa nɛ ŋɖɔkɩ me-wezuu.+
94 Ñatɩnɩ-m; ya ma-ñʋʋ,+Mbʋ pʋyɔɔ yɔ mañɩnɩ ña-paɣtʋ.+
95 Kañatʋ tɩnaa ɖaŋaa se paɖɩzɩ-m,Ɛlɛ mewelisiɣni ñɔ-tɔm kɩtɔzɩtʋ camɩyɛ.
96 Manawa se mbʋ payɩ pɩtalɩ pilim yɔ, pɩwɛnɩ kamaɣ,Ɛlɛ ña-paɣtʋ ñɛfɛyɩnɩ kamaɣ.*
מ [Mem]
97 Mɔnsɔɔlɩ ña-paɣtʋ mbʋ suwe!+
Mamaɣzɩɣ tɩ-yɔɔ* evemiye kpeekpe.+
98 Ña-paɣtʋ yeki nɛ mankpaɖɩɣ mon-koyindinaa lɔŋ,+Mbʋ pʋyɔɔ yɔ tɩwɛ mɔn-cɔlɔ tam.
99 Mɛwɛ lɛɣtʋ nɛ pɩkɩlɩ ma-wɩlɩyaa kpeekpe,+Mbʋ pʋyɔɔ yɔ mamaɣzɩɣ ñɔ-tɔm kɩtɔzɩtʋ yɔɔ.*
100 Mɛwɛnɩ tɔm taa nɩʋ lɛɣtʋ nɛ pɩkɩlɩ akpadɩyaa,Mbʋ pʋyɔɔ yɔ mɔnɖɔŋ ña-paɣtʋ yɔɔ.
101 Menkizaa se maaɖɔŋ nʋmɔʋ kɩdɛkɛdʋʋ nakʋyʋ taa,+Se pɩsa nɛ mɔnɖɔ ñɔ-tɔm yɔɔ.
102 Maaposuuni ñɔ-tɔm hʋʋ,Mbʋ pʋyɔɔ yɔ ñawɩlɩnɩ-m tɔm.
103 Ñɔ-tɔm wɛ leleŋ mɔ-nɔɔ taa mbʋ suwe!
Tɩwɛ leleŋ kpem nɛ pɩkɩlɩ tʋŋ num mɔ-nɔɔ taa.+
104 Ña-paɣtʋ yeki nɛ mɛwɛɣnɩ tɔm taa nɩʋ lɛɣtʋ.+
Pʋyɔɔ manpaɖɩɣ cɛtɩm nʋmɔŋ kpeekpe.+
נ [Nuuni]
105 Ñɔ-tɔm kɛ kanɖʋ ma-nɩŋgbanzɩ tɛɛ,Nɛ tɩkɛ ñalɩmɩyɛ ma-nʋmɔʋ taa.+
106 Monɖuu ɖuutu se mañaŋ ñɔ-tɔm hʋʋ mbʋ pɩwɛ siɣsiɣ yɔ,Nɛ mankaɣ tɩ-yɔɔ ɖɔm.
107 Mɔntɔɔ kʋñɔŋ kpem.+
Hayɩ Yehowa, yele nɛ mɛwɛɛ wezuu ɛzɩ ŋyɔɔdʋʋ yɔ.+
108 Hayɩ Yehowa, mentendi-ŋ, yele nɛ samtʋ haɖɛ nɖɩ malakɩ-ŋ faaa yɔ,* ɖɩkɛdɩnɩ-ŋ,+Wɩlɩ-m ña-paɣtʋ.+
109 Me-wezuu wɛ kaɖɛ taa tam,*Ɛlɛ mantɩsɔɔ ña-paɣtʋ yɔɔ.+
110 Kañatʋ tɩnaa ñɩbɩ-m kpaca,Ɛlɛ mantiposini ña-paɣtʋ.+
111 Mankpakɩɣ ñɔ-tɔm kɩtɔzɩtʋ ɛzɩ ma-ñɩm mbʋ pɩwɛ tam yɔ,Mbʋ pʋyɔɔ yɔ ndʋ kɛnɩ ma-laŋɩyɛ leleŋ.+
112 Mɛntɛm man-taa* se mañaŋ ña-paɣtʋAlɩwaatʋ kpeekpe, piwolo pɩtalɩ tɩnaɣ yɔɔ.
ס [Samɛk]
113 Manpaɖɩɣ mba pa-laŋa taa tayaa yɔ,+Ɛlɛ mɔnsɔɔlɩ ña-paɣtʋ.+
114 Ñɛkɛnɩ man-ɖɩjɔzɩyɛ nɛ man-kpayʋʋ,+Mbʋ pʋyɔɔ yɔ ñɔ-tɔm kɛnɩ me-lidaʋ.*+
115 Ɛyaa kɩdɛkɛdaa mɩ, ɩtaañɔtɩnɩ-m,+Nɛ manpɩzɩ nɛ mɔnɖɔ mɛ-Ɛsɔ paɣtʋ yɔɔ.
116 Sɩnɩ-m ɛzɩ ŋlabʋ tamaɣ yɔ*+Nɛ mantaasɩ;
Taayele nɛ me-lidaʋ pɩsɩ fɛyɛ.*+
117 Sɩnɩ-m nɛ manpɩzɩ mehiɣ ñʋʋ yabʋ;+Ðɩnɛ ɛlɛ mankaɣ kam ñʋʋ nɛ ña-paɣtʋ tam.+
118 Ŋlɔʋ mba payɩ poposuuni ña-paɣtʋ yɔ,+Mbʋ pʋyɔɔ yɔ pɛfɛyɩ toovenim nɛ pɛkɛ peɣziyaa.
119 Ŋlɔʋ tɛtʋ yɔɔ kañatʋ tɩnaa kpeekpe ɛzɩ kʋzɔɔtʋ ndʋ poyolusuu ñɩɣtʋ nɛ tɩlɩɣ yɔ.+
Pʋyɔɔ mɔnsɔɔlɩ ñɔ-tɔm kɩtɔzɩtʋ.
120 Ŋcaɣ sɔɔndʋ, pʋyɔɔ lɛ piyeki nɛ menseliɣ;*Menseɣ ñɔ-tɔm hʋʋ sɔɔndʋ.
ע [Ayin]
121 Malabɩ mbʋ pɩtʋʋzaa nɛ pɩwɛɛ siɣsiɣ yɔ.
Taayebi-m ma-nazɩyaa nesi tɛɛ!
122 La ma ña-lɩmɖʋyʋ tamaɣ se pɩɖɔŋnɩ-m camɩyɛ;Tɛtɛ nɛ tɩ kpazɩyaa ɩtaanazɩ-m.
123 Pɩnɩ mɛ-ɛsa nɛ ñʋʋ yabʋ mbʋ pɩlɩɣnɩ ñɔ-cɔlɔ yɔ pɩ-ɖaŋʋʋ+Pɩnɩ mɛ-ɛsa ɖɔɖɔ nɛ ña-tamaɣ siɣsiɣ ñɩŋga* ɖaŋʋʋ.+
124 Wɩlɩ ma ña-lɩmɖʋyʋ ñɔ-sɔɔlɩm siɣsiɣ ñɩmbʋ,+Nɛ ŋwɩlɩ-m ña-paɣtʋ.+
125 Mɛnkɛ ña-lɩmɖʋyʋ; ha-m tɔm taa nɩʋ lɛɣtʋ+Nɛ manpɩzɩ nɛ mantɩlɩ ñɔ-tɔm kɩtɔzɩtʋ.
126 Oo Yehowa, alɩwaatʋ talaa se ŋla nabʋyʋ,+Mbʋ pʋyɔɔ yɔ pamanɩ ña-paɣtʋ yɔɔ.
127 Pʋyɔɔ mɔnsɔɔlɩ ña-paɣtʋNɛ pɩkɩlɩ sika, halɩ pɩkɩlɩ sika kɩbaŋa.*+
128 Pʋyɔɔ lɛ, wɩlɩtʋ* ndʋ payɩ tɩlɩɣnɩ ñɔ-cɔlɔ yɔ, mankpakɩɣ-tʋ se tɩtʋʋzaa;+Manpaɖɩɣ cɛtɩm nʋmɔŋ kpeekpe.+
פ [Pe]
129 Ñɔ-tɔm kɩtɔzɩtʋ wayɩ fɛyɩ.
Pʋyɔɔ mɔnɖɔŋ* tɩ-yɔɔ.
130 Ñɔ-tɔm yɔɔ kuluu kɔŋnɩ ñalɩmɩyɛ,+Pɩhaɣ tɔm taa nɩʋ lɛɣtʋ mba pɛfɛyɩnɩ lɛɣtʋ yɔ.+
131 Mahaɣ mɔ-nɔɔ haaa nɛ mentisiɣ fezuu,*Mbʋ pʋyɔɔ yɔ me-liu wɛ ña-paɣtʋ pɩŋŋ.+
132 Pɩsɩnɩ mɔ-yɔɔ nɛ ŋna man-pʋtɔdɩyɛ,+Ɛzɩ ŋɖʋʋ ña-taa se ŋlakɩ mba pɔsɔɔlɩ ña-hɩɖɛ yɔ.+
133 Tɩŋnɩ ñɔ-tɔm yɔɔ nɛ ŋɖiyi ma-nɩŋgbanzɩ nɛ kaɖɛ naɖɩyɛ ɛtaatalɩ-sɩ;*Kɩdɛkɛdɩm nabʋyʋ ɛtaawabɩ-m.+
134 Holi-m* nazɩyaa nesi tɛɛ,Nɛ mɔnɖɔ ña-paɣtʋ yɔɔ.
135 Yele nɛ ñɛ-ɛsɩndaa ñandɩ ma ña-lɩmɖʋyʋ mɔ-yɔɔ,*+Nɛ ŋwɩlɩ-m ña-paɣtʋ.
136 Ɛsɩtɛɣlɩm kpeŋ mɛ-ɛsɩndaaMbʋ pʋyɔɔ yɔ ɛyaa ɩɩɖɔŋ ña-paɣtʋ yɔɔ.+
צ [Cade]
137 Hayɩ Yehowa, ŋwɛ siɣsiɣ,+Nɛ ñɔ-tɔm hʋʋ tʋʋzaa.+
138 Ñɔ-tɔm kɩtɔzɩtʋ wɛ siɣsiɣNɛ tɩmʋnaa se pataa-tʋ liu kiya.
139 Men-kpekpeka selitiɣ-m,+Mbʋ pʋyɔɔ yɔ mon-koyindinaa sɔ ñɔ-tɔm yɔɔ.
140 Ñɔ-tɔm wɛ kele kele kpem,+Nɛ ña-lɩmɖʋyʋ sɔɔlɩ-tʋ.+
141 Mantɩlɩɩ pʋyʋ, nɛ peniŋi-m;+Ɛlɛ mantɩsɔɔ ña-paɣtʋ yɔɔ.
142 Ñe-siɣsiɣ wɛtʋ kɛ tamtam siɣsiɣ wɛtʋ,+Nɛ ña-paɣtʋ kɛ toovenim.+
143 Paa mɔntɔkɩ kʋñɔŋ nɛ mankatɩɣ tɩlasɩ yɔ,Mɔnsɔɔlɩ ña-paɣtʋ mbʋ.
144 Ñɔ-tɔm kɩtɔzɩtʋ wɛ siɣsiɣ tam.
Ha-m tɔm taa nɩʋ lɛɣtʋ+ nɛ mantaasɩ.
ק [Kof]
145 Mayaɣ-ŋ nɛ ma-laŋɩyɛ kpeekpe. Hayɩ Yehowa, cosi-m.
Mankaɣ ɖɔm ña-paɣtʋ yɔɔ.
146 Mayaɣ-ŋ; ya ma-ñʋʋ!
Mankaɣ ɖɔkʋʋ ñɔ-tɔm kɩtɔzɩtʋ.
147 Menfema pʋcɔ nɛ pɩpaɣzɩ ñandʋʋ* se mama kubusi nɛ ŋsɩnɩ-m,+Mbʋ pʋyɔɔ yɔ ñɔ-tɔm kɛnɩ me-lidaʋ.*
148 Monkuluu mɛ-ɛsa pʋcɔ nɛ ɖoo taa feŋuu alɩwaatʋ paɣzɩɣ,Se manpɩzɩ nɛ mamaɣzɩ ñɔ-tɔm yɔɔ.*+
149 Ñɔ-sɔɔlɩm siɣsiɣ ñɩmbʋ yɔɔ lɛ, welisi mɔ-nɔɔ.+
Hayɩ Yehowa, yele nɛ mɛwɛɛ wezuu ɛzɩ ñe-siɣsiɣ wɛtʋ pɔzʋʋ yɔ.
150 Mba palakɩ lakasɩ nzɩ sɩwɛ fɛyɛ* yɔ, peɖiɣni ñɔtʋʋ;Poposini ña-paɣtʋ kpem.
151 Oo Yehowa, ŋfɛyɩ poliŋ,+Nɛ ña-paɣtʋ kpeekpe kɛ toovenim.+
152 Mɛnkpɛlɩkɩ ñɔ-tɔm kɩtɔzɩtʋ yɔɔ tɔm ɖooo lɔŋ,Se ŋɖʋ-tʋ se tɩwɛɛ tam.+
ר [Resɩ]
153 Cɔnɩ man-kʋñɔŋ nɛ ŋholi-m,+Mbʋ pʋyɔɔ yɔ mantɩsɔɔ ña-paɣtʋ yɔɔ.
154 Lʋ mɔ-yɔɔ* nɛ ŋholi-m;+Yele nɛ mɛwɛɛ wezuu ɛzɩ ŋlabʋ tamaɣ yɔ.*
155 Ñʋʋ yabʋ posini kañatʋ tɩnaa kpem,Mbʋ pʋyɔɔ yɔ patɩñɩnɩ ña-paɣtʋ.+
156 Oo Yehowa, ña-pʋtɔdɩyɛ naʋ paɣlaa.+
Yele nɛ mɛwɛɛ wezuu ɛzɩ ñe-siɣsiɣ wɛtʋ pɔzʋʋ yɔ.
157 Ma-nazɩyaa nɛ mon-koyindinaa ɖɔwa;+Ɛlɛ mantiposini ñɔ-tɔm kɩtɔzɩtʋ.
158 Mɔncɔŋnɩ pɩ-tɛɛ nɛ pɩ-yɔɔ tɩnaa nɛ pɩlakɩ-m kiniŋ,Mbʋ pʋyɔɔ yɔ paañaŋ ñɔ-tɔm.+
159 Na ɛzɩma mɔnsɔɔlɩ ña-paɣtʋ yɔ!
Hayɩ Yehowa, ñɔ-sɔɔlɩm siɣsiɣ ñɩmbʋ yɔɔ lɛ, yele nɛ mɛwɛɛ wezuu.+
160 Ñɔ-tɔm tɩŋa kɛ toovenim,+Nɛ ñɔ-tɔm hʋʋ siɣsiɣ ñɩmbʋ tɩŋa wɛ tam.
ש [Sin]
161 Awumbiya nazɩɣ-m+ ɖulum,Ɛlɛ ma-laŋɩyɛ seɣ ñɔ-tɔm sɔɔndʋ.+
162 Manɩɣ leleŋ ñɔ-tɔm yɔɔ+Ɛzɩ ɛyʋ weyi ehiɣ ñɩm sɔsɔm you taa yɔ.
163 Manpaɖɩɣ cɛtɩm, mantɩkatɩ-pʋ,+Mɔnsɔɔlɩ ña-paɣtʋ.+
164 Mansaŋɩ-ŋ tam 7 evemiye taaÑɔ-tɔm hʋʋ siɣsiɣ ñɩmbʋ yɔɔ.
165 Mba pɔsɔɔlɩ ña-paɣtʋ yɔ, pɛwɛ laŋhɛzɩyɛ sɔsɔɖɛ taa;+Nabʋyʋ ɛɛpɩzɩɣ nɛ pituuli-wɛ.*
166 Oo Yehowa, manɖaŋ ña-ñʋʋ yabʋ tʋma,Nɛ mɔnɖɔŋ ña-paɣtʋ yɔɔ.
167 Mɔnɖɔkʋʋ* ñɔ-tɔm kɩtɔzɩtʋ,Mɔnsɔɔlɩ-tʋ kpem.+
168 Mɔnɖɔŋ ña-paɣtʋ nɛ ñɔ-tɔm kɩtɔzɩtʋ yɔɔ,Mbʋ pʋyɔɔ yɔ ŋsɩm mbʋ payɩ malakɩ yɔ.+
ת [Tav]
169 Hayɩ Yehowa, kubusi nzɩ mamakɩ se ŋsɩnɩ-m yɔ, tɛtɛ nɛ sɩtalɩ ñɔ-cɔlɔ.+
Tɩŋnɩ ñɔ-tɔm yɔɔ nɛ ŋsɩnɩ-m nɛ manɩɩ tɔm taa.+
170 Tenduu mbʋ mentendiɣ se ŋna man-pʋtɔdɩyɛ yɔ, tɛtɛ nɛ pɩtalɩ-ŋ.
Ya ma-ñʋʋ ɛzɩ ŋlabʋ tamaɣ yɔ.*
171 Tɛtɛ nɛ samtʋ su mo-ndomee yɔɔ nɛ pɩwadɩ,+Mbʋ pʋyɔɔ yɔ ŋwɩlɩɣ-m ña-paɣtʋ.
172 Yele nɛ ñɔ-tɔm kɛ hendu ma-nzʋlʋmɩyɛ yɔɔ,+Mbʋ pʋyɔɔ yɔ ña-paɣtʋ tɩŋa wɛ siɣsiɣ.
173 Ñe-nesi ɛñɔɔzɩ sɩ-tɩ nɛ sɩɖaŋ se sɩsɩnɩ-m,+Mbʋ pʋyɔɔ yɔ manɖʋwa se mañaŋ ña-paɣtʋ.+
174 Oo Yehowa, manɖaŋ ña-ñʋʋ yabʋ kpam,Mɔnsɔɔlɩ ña-paɣtʋ.+
175 Yele nɛ mɛwɛɛ* wezuu nɛ mansamɩ-ŋ;+Ñɔ-tɔm hʋʋ ɛsɩnɩ-m.
176 Moyotuu ɛzɩ heu kilebu yɔ.+ Ñɩnɩ ña-lɩmɖʋyʋ,Mbʋ pʋyɔɔ yɔ mantɩsɔɔ ña-paɣtʋ yɔɔ.+
Pɩ-tɛɛ tɔm
^ Yaa «mba pɔɖɔkʋʋ pa-cɩŋgɩlɩm wɛtʋ.»
^ Ebree tɔm piye nɖɩ pɛɖɛzɩ-ɖɩ se tɔm kɩtɔzɩtʋ yɔ, ɖɩ-tɔbʋʋ pɩzɩɣ nɛ pɩkɛ paɣtʋ ndʋ Ɛsɔ ɖʋʋ ɛ-samaɣ yɔ yaa paɣʋ mbʋ ɛpakɩ-kɛ yɔ.
^ Piye piye, «Tɛtɛ ma-nʋmɔŋ kaakam camɩyɛ.»
^ Yaa «Mankaɣ kpɛlɩkʋʋ ña-paɣtʋ.»
^ Yaa «Man-kalɩzaɣ liu.»
^ Piye piye, «Pilisi nɛ ŋɖɛnɩ.»
^ Yaa «mɛnkpɛlɩkɩɣ ña-paɣtʋ.»
^ Yaa «Man-kalɩzaɣ hɩnɩ.»
^ Yaa «nɛ mɛnkpɛlɩkɩ ñe-piti tʋma.»
^ Yaa «nɛ man-kalɩzaɣ ñɩnɩ ɖom nɛ kawɩɩ.»
^ Yaa «nɛ pitibi-m yɔɔɔ.»
^ Piye piye, «Mankaɣ seu kiseu ña-paɣtʋ nʋmɔʋ taa.»
^ Pɩpɩzɩɣ pɩkɛ, «ŋlakɩ nɛ ma-laŋɩyɛ ɛɛmaɣ.»
^ Yaa «Yele nɛ mɔnɖɔ.»
^ Yaa «tɔm ndʋ ŋheyi.»
^ Pɩpɩzɩɣ pɩkɛ, «Ŋga ŋlabɩ mba peseɣ-ŋ sɔɔndʋ yɔ.»
^ Yaa «ɛzɩ ŋyɔɔdʋʋ yɔ.»
^ Yaa «manɖaŋ.»
^ Yaa «lone nɖɩ ɖɩwalaa yɔ.»
^ Yaa «kpɛlɩkʋʋ ña-kpalɩtʋ.»
^ Yaa «tamaɣ ŋga ŋlabɩ.»
^ Yaa «Ndʋ ŋyeba nɛ manɖaŋ yɔ.»
^ Yaa «Mɛ-ɛgɔndʋ ɖɩɣa taa.»
^ Yaa «Mañɩnɩɣ se mana ñɛ-ɛsɩndaa amʋʋya.»
^ Yaa «ɛzɩ ŋyɔɔdʋʋ yɔ.»
^ Yaa «Picoɖaɣ-m nɛ malakɩ kɩdɛkɛdɩm.»
^ Piye piye, «sʋ kpɩzɩŋ ɛzɩ num yɔ.»
^ Yaa «manɖaŋ ñɔ-tɔm.»
^ Yaa «Ɛzɩ ŋheyuu.»
^ Pɩpɩzɩɣ pɩkɛ, «pakpakɩɣ cɛtɩm nɛ palakɩnɩ-m kɩdɛkɛdɩm.»
^ Yaa «mankaɣ kpɛlɩkʋʋ ña-paɣtʋ.»
^ Yaa «Man-kalɩzaɣ liu wɛ kpem.»
^ Yaa «manɖaŋ ñɔ-tɔm.»
^ Pʋ-tɔbʋʋ se mbʋ payɩ ɛlɩzaa yɔ.
^ Piye piye, «walɩ yem.»
^ Yaa «Mɛnkpɛlɩkɩɣ-tʋ.»
^ Yaa «mɛnkpɛlɩkɩɣ ñɔ-tɔm kɩtɔzɩtʋ.»
^ Piye piye, «mɔ-nɔɔ sɔɔlɩm haɖɛ.»
^ Yaa «Man-kalɩzaɣ wɛ me-nesi taa tam.»
^ Yaa «Menkpili ma-laŋɩyɛ.»
^ Yaa «manɖaŋ ñɔ-tɔm.»
^ Yaa «ɛzɩ ŋyɔɔdʋʋ yɔ.»
^ Yaa «pɩsɩ mbʋ piyeki nɛ pitibi-m yɔɔɔ yɔ.»
^ Piye piye, «ma-nandʋ seliɣ.»
^ Yaa «ñɔ-tɔm siɣsiɣ ñɩndʋ.»
^ Yaa «sika ŋga pekelisi-kɛ yɔ.»
^ Yaa «paɣtʋ.»
^ Yaa «man-kalɩzaɣ ɖɔŋ.»
^ Piye piye, «nɛ menfeziɣ faka faka.»
^ Yaa «nɛ ŋla nɛ ma-nɩŋgbanzɩ ka camɩyɛ.»
^ Piye piye, «Ya ma-ñʋʋ.»
^ Yaa «Mʋʋyɩnɩ ma ña-lɩmɖʋyʋ.»
^ Yaa «Menfem tɛbɩyɛ tɛɛ.»
^ Yaa «manɖaŋ ñɔ-tɔm.»
^ Yaa «nɛ mɛnkpɛlɩkɩ ñɔ-tɔm.»
^ Yaa «kʋzɔɔtʋ.»
^ Yaa «Lʋ mɔ-yɔɔ tɔm ndʋ mɛwɛna se pahʋ-m yɔ tɩ-taa.»
^ Yaa «ɛzɩ ŋyɔɔdʋʋ yɔ.»
^ Yaa «Nabʋyʋ fɛyɩ se pituuluu-wɛ.»
^ Yaa «Man-kalɩzaɣ ɖɔkʋʋ.»
^ Yaa «ɛzɩ ŋyɔɔdʋʋ yɔ.»
^ Yaa «man-kalɩzaɣ wɛɛ.»
