Ejipiti Lɩʋ 31:1-18
31 Yehowa wolo pɩ-yɔɔ nɛ ɛyɔɔdɩnɩ Moyizi nɛ eheyi-i se:
2 «Na, malɩzɩ* Bezaalɛɛlɩ,+ Uri pɩyalʋ, weyi ɛlɛ kɛ Yuuda cejewiye taa tʋ Huuri pɩyalʋ yɔ.+
3 Mankaɣ yebu nɛ Ɛsɔ fezuu su ɛ-taa, nɛ maha-ɩ lɔŋsɩnɖɛ, tɔm taa nɩʋ lɛɣtʋ, nɛ sɩmtʋ ndʋ tiyeki se ɛwɛɛ niye nesi tɛɛ tʋma ndɩ ndɩ labʋ taa yɔ,
4 se ɛla lɛɣtʋ tʋma ndɩ ndɩ camɩyɛ, se ɛla tʋmɩyɛ sika yɔɔ, liidiye ñɩɣtʋ yɔɔ, nɛ ñɩɣyʋʋ kɩsɛɛmʋʋ yɔɔ,
5 se ɛsaɣ pɛɛ nɛ a-ɖɩɖʋyɛ,+ nɛ ɛsaɣ tɩŋ nɛ ɛlabɩnɩ wondu ndɩ ndɩ.+
6 Pɩtasɩ lɛ, malɩzɩ Oholiyaabɩ,+ Ahisamaakɩ pɩyalʋ weyi ɛkɛ Daanɩ cejewiye taa tʋ yɔ se ɛsɩnɩ-ɩ; nɛ manɖʋʋ lɔŋsɩnɖɛ mba payɩ pɛwɛ niye yɔ* pa-laŋa taa, se pɩsa nɛ papɩzɩ nɛ pala mbʋ payɩ mɔnpɔzɩ-ŋ se ŋla yɔ:+
7 kediɣzaɣ kizinziku,+ Aseɣɖe Lɩzʋʋ aɖakaɣ+ nɛ sulaɣ+ ŋga kɛwɛ kɔ-yɔɔ yɔ, kizinziku tɛɛ wondu kpeekpe,
8 taabɩlɩ+ nɛ kɩ-yɔɔ wondu, sika kele kele ñɩŋga kanɖʋnaa ɖɩzɩyɛ nɛ ɖɩ-yɔɔ wondu tɩŋa,+ ŋgee tɩlaaɖɩ altaaru,+
9 kɩlaʋ kɩñaɣzʋʋ altaaru+ nɛ kɩ-yɔɔ wondu tɩŋa, ñanaɣ sɔsɔɔ nɛ ka-ɖɩdɩnɩyɛ,+
10 wondu kususutu ndʋ palʋ-tʋ camɩyɛ yɔ, cɔjɔ Aarɔɔnɩ wondu kususutu kiɖeɖetu, ɛ-pɩyalaa wondu ndʋ posuu se pala cɔjɔtʋ tʋmɩyɛ yɔ,+
11 ŋgee num, nɛ kooka kiɖeɖeɣa taa ŋgee sɔzɩŋ tɩlaaɖɩ.+ Pakaɣ labʋ mbʋ payɩ mɔnpɔzɩ-ŋ se ŋla yɔ.»
12 Yehowa tasɩ heyuu Moyizi se:
13 «Yɔɔdɩnɩ Izrayɛɛlɩ mba nɛ ŋheyi-wɛ se: “Kɔzɩ kɔzɩ lɛ, pɩwɛɛ se ɩña man-sabaatɩwaa,+ mbʋ pʋyɔɔ yɔ pɩkɛ yʋsaɣ ma nɛ mɩ ɖɛ-hɛkʋ taa mɩ-kpaɖɩŋ taa, se pɩsa nɛ ɩtɩlɩ se ma Yehowa, manpɩsɩɣ-mɩ kiɖeɖema.
14 Pɩwɛɛ se ɩña Sabaatɩ, mbʋ pʋyɔɔ yɔ kɩkɛ-mɩ pʋyʋ kiɖeɖeu.+ Weyi episiɣ-kʋ yɔ pɩwɛɛ se pakʋ-ɩ. Ye nɔɔyʋ ɛlabɩ tʋmɩyɛ naɖɩyɛ ki-wiye yɔ, ɛyʋ* ɛnʋ pɩwɛɛ se palɩzɩ-ɩ* ɛ-samaɣ taa.+
15 Kɩyakɩŋ 6 papɩzɩɣ nɛ pala tʋmɩyɛ, ɛlɛ kɩyakʋ 7 ñɩŋgʋ wiye lɛ pɩkɛ hɛzʋʋ kiya sabaatɩ.+ Kɩkɛ pʋyʋ kiɖeɖeu Yehowa. Ye nɔɔyʋ ɛlabɩ tʋmɩyɛ Sabaatɩ wiye yɔ, pɩwɛɛ se pakʋ-ɩ.
16 Pɩwɛɛ se Izrayɛɛlɩ mba ɩña Sabaatɩ; pɩwɛɛ se pɔɖɔ Sabaatɩ paɣtʋ yɔɔ pa-kpaɖɩŋ kpeekpe taa. Pɩkɛ tamtam ɛgbɛyɛ.
17 Pɩkɛ tamtam yʋsaɣ ma nɛ Izrayɛɛlɩ samaɣ ɖɛ-hɛkʋ taa,+ mbʋ pʋyɔɔ yɔ kɩyakɩŋ 6 Yehowa labɩnɩ ɛsɔdaa nɛ tɛtʋ nɛ kɩyakʋ 7 ñɩŋgʋ wiye lɛ, eyele tʋmɩyɛ labʋ nɛ ɛpaɣzɩ hɛzʋʋ.”»+
18 Nɛ ɛtɩɩtɛm Moyizi yɔɔdɩnʋʋ Sinayii Pʋʋ yɔɔ lɛ, ɛcɛlɩ-ɩ Aseɣɖe Lɩzʋʋ pɩtaahalanzɩ 2,+ pɩtaahalanzɩ nzɩ sɩ-yɔɔ Ɛsɔ niye ma tɔm yɔ.+
Pɩ-tɛɛ tɔm
^ Piye piye, «mayanɩ ɛ-hɩɖɛ.»
^ Piye piye, «mba pɛwɛnɩ laŋɩyɛ nɖɩ ɖɩwɛ lɔŋ yɔ.»
^ Yaa «kalɩzaɣ.»
^ Yaa «pakʋ-ɩ.»
