Timootee takayaɣ kajalaɣ ñɩŋga 6:1-21
6 Mba pɛwɛ yomiye sʋʋtʋ ɖaʋ tɛɛ yɔ, powolo pɩ-yɔɔ nɛ pakpaɣ pa-ñʋndɩnaa se pamʋnɩ hɩɖɛ ɖʋʋ siŋŋ,+ se pɩsa nɛ pataayɔɔdɩ tɔm kɩdɛkɛdɩtʋ Ɛsɔ hɩɖɛ yɔɔ nɛ wɩlɩtʋ yɔɔ kpa.+
2 Pɩtasɩ lɛ, yomaa mba pa-ñʋndɩnaa kɛ Krɩstʋ mba yɔ, pataawɛɛnɩ kaañamtʋ pɔ-yɔɔ se pɛkɛ koobiya. Ɛlɛ pɩmʋnaa se pala tʋmɩyɛ nɛ laŋhʋlʋmɩyɛ nɛ pɩkɩlɩ, mbʋ pʋyɔɔ yɔ mba pehikiɣ wazaɣ pa-tʋmɩyɛ kɩbanɖɛ taa yɔ pɛkɛ Krɩstʋ mba nɛ koobiya kʋsɔɔlaa.
Wolo pɩ-yɔɔ nɛ ŋwɩlɩ tɔm ndʋ nɛ ŋtasɩ lɔŋ ɛnɩ.
3 Ye nɔɔyʋ ɛwɩlɩɣ tɔm ndʋ tɩwɛ ndɩ nɛ eetisiɣ wɩlɩtʋ kɩbandʋ*+ ndʋ tɩlɩnɩ ɖa-Kɩbaɣlʋ Yesu Krɩstʋ cɔlɔ, yaa wɩlɩtʋ ndʋ tɩlabɩ nɔɔ kʋɖʋmaɣ nɛ Ɛsɔ ñɔnʋʋ yɔ tɩ-yɔɔ kɔyɔ,+
4 tɩ kpazʋʋ su ɛ-taa nɛ ɛɛnɩɣ natʋyʋ taa.+ Tɔm hɔm nɛ tɔm pee yɔɔ you yɔɔ ɛ-lɩmaɣza wɛ tam.+ Pɩkɔŋnɩ ɛsɩsɛmɩyɛ, you, kɔlɔmɔtʋ,* ɖama yɔɔ lɩmaɣza kɩdɛkɛda wɛnʋʋ;
5 nɛ piyeki nɛ ɛyaa mba pa-lɩmaɣza wɛɛkaa+ nɛ pɛfɛyɩnɩ toovenim yɔ, poyou tɔm ndʋ tɩtɩlɩɩ pʋyʋ yɔ tɩ-yɔɔ tam, nɛ pamaɣzɩɣ se Ɛsɔ ñɔnʋʋ kɛ nʋmɔʋ ŋgʋ kɩ-yɔɔ papɩzɩɣ patɩŋna nɛ pehiɣ kɛzɛɣa yɔ.+
6 Toovenim taa lɛ, Ɛsɔ ñɔnʋʋ wɛ wazaɣ siŋŋ,+ ye ɛyʋ liu ɛsɩbɩnɩ mbʋ ɛwɛna yɔ.
7 Mbʋ pʋyɔɔ yɔ, ɖɩtɩkɔnɩ nabʋyʋ ɛjaɖɛ yɔɔ, nɛ ɖɩɩpɩzɩɣ ɖɔɖɔ nɛ ɖɩkpɛndɩnɩ nabʋyʋ nɛ ɖɩɖɛna.+
8 Pʋyɔɔ lɛ, ye ɖɩwɛnɩ tɔɔnaɣ* nɛ wondu kususutu* yɔ, ɖe-liu kaɣ-pʋ sɩbɩnʋʋ.+
9 Ɛlɛ mba pɛtɛm pa-taa se papɩsɩɣ ñɩm tɩnaa yɔ, pɔtɔlʋʋ takɩm taa nɛ kpaca taa+ nɛ kɩmɛlɛndʋ kɔɖɛyɩ nɛ kɔɖɛyɩ ŋgʋ kɩkɔŋnɩ ɛyʋ kaɖɛ nɛ kiwokini ɛyaa ɖɩzʋʋ nɛ asɛyʋʋ taa yɔ pa-taa.+
10 Mbʋ pʋyɔɔ yɔ liidiye sɔɔlʋʋ kɛ lakasɩ kɩdɛkɛdɩsɩ ndɩ ndɩ liɖe, nabɛyɛ tɔlɩ sɔɔlɩm mbʋ pɩ-taa nɛ poposini tisuu, nɛ wɩzasɩ sakɩyɛ tʋlɩ-wɛ pɔŋ paa le.+
11 Ɛlɛ, Ɛsɔ ɛyʋ ña, se pɩtɩŋa mbʋ yɔ. Ɛlɛ ñɩnɩ siɣsiɣ wɛtʋ, Ɛsɔ ñɔnʋʋ, tisuu, sɔɔlɩm, laŋɩyɛ ɖɔkʋʋ nɛ hɛɛɛ wɛtʋ.+
12 Yoo tisuu you kɩbaŋʋ; ɖɔkɩ wezuu maatɛŋ kpam, ŋgʋ kɩ-yɔɔ paya-ŋ nɛ ŋyɔɔdɩ camɩyɛ kaɣlaa aseɣɖe tɩnaa sakɩyɛ ɛsɩndaa yɔ.
13 Manɖʋʋ-ŋ paɣtʋ Ɛsɔ weyi eyeki se wondu tɩŋa ɩwɛɛ wezuu yɔ ɛ-ɛsɩndaa, nɛ Krɩstʋ Yesu ɛsɩndaa, ɛnʋ weyi ɛlɩzɩ aseɣɖe kɩbanɖɛ kaɣlaa Pɔɔnsɩ Pilaatɩ ɛsɩndaa yɔ,+
14 se ŋɖɔ paɣtʋ yɔɔ kele kele wɛtʋ taa nɛ ŋtaawɛɛnɩ kɩwɛɛkɩtʋ natʋyʋ pɩkɔɔ nɛ pɩtalɩ alɩwaatʋ ndʋ pakaɣ kuluu ɖa-Kɩbaɣlʋ Yesu Krɩstʋ yɔɔ nɛ pawɩlɩ yɔ;+
15 kuluu mbʋ koboyaɣ tʋ nɛ weyi e-ɖeke ɛkɛ Kɩlɩm yɔ ɛkaɣ wɩlʋʋ pɩ-alɩwaatʋ taa yɔ. Ɛnʋ kɛnɩ awiya taa Wiyaʋ nɛ kɩbaɣlaa taa Kɩbaɣlʋ,+
16 e-ɖeke ɛwɛnɩnɩ maasɩkɩ wɛtʋ,+ ɛnʋ weyi ɛ-ɖɩjaɣyɛ wɛ ñalɩmɩyɛ nɖɩ paapɩzɩɣ nɛ pɔñɔtɩna yɔ ɖɩ-taa yɔ,+ weyi ɛyʋ nɔɔyʋ tɩna wiɖiyi yaa ɛɛpɩzɩɣ nɛ ɛna-ɩ yɔ.+ Ɛnʋ tɩnɩ hɩɖɛ ɖʋʋ nɛ tamtam ɖoŋ. Amɛn.
17 Paɣ* mba pɛwɛnɩ ñɩm ɛjaɖɛ ɖɩnɛ* ɖɩ-taa yɔ se pataakpazɩ pa-tɩ, nɛ pataaɖʋ pe-lidaʋ ñɩm mbʋ paapɩzɩɣ nɛ pataa-pʋ liu yɔ pɩ-yɔɔ;+ ɛlɛ paɖʋ pe-lidaʋ Ɛsɔ yɔɔ, ɛnʋ weyi ɛhaɣ-ɖʋ pɩtɩŋa sakɩyɛ se ɖa-taa ɛlabɩ-pʋ nɛ leleŋ yɔ.+
18 Heyi-wɛ se pala kɩbandʋ, pɛkɛ ñɩm tɩnaa tʋma kɩbana labʋ taa, pɛwɛɛ kʋjɔʋ, pɔsɔɔlɩ tayʋʋ,+
19 pacazɩɣ pa-tɩ ñɩm nɛ pekpeɣli lone kɩbanɖɛ taa nɛ pɩkɛ cee wayɩ tigiɖe kɩbanɖɛ,+ se pɩsa nɛ pɔɖɔkɩ wezuu siŋŋ.+
20 Timootee, ɖɔkɩ mbʋ paɖʋzɩ ñe-nesi tɛɛ yɔ kpam,+ nɛ ŋha siɣye tɔm ndʋ tɩɩwazɩɣ pʋyʋ nɛ tipisiɣ wondu kiɖeɖetu yɔ nɛ tɔm hɔm mbʋ pɛcɛtɩɣ nɛ payaɣ se «sɩmtʋ» yɔ.+
21 Nabɛyɛ kpazɩ pa-tɩ se pɛwɛnɩ sɩmtʋ ndʋ, piyeba nɛ poposini tisuu.
Tɛtɛ nɛ Ɛsɔ labɩ-mɩ lootiye.
