Maatiyee 1:1-25
1 Yesu Krɩstʋ,* Daviid pɩyalʋ, Abraham pɩyalʋ liɖe yɔɔ tɔm:
2 Abraham lʋlɩ Izaakɩ;Izaakɩ lʋlɩ Yakɔɔb;Yakɔɔb lʋlɩ Yuuda nɛ ɛ-ɖalaa nɛ e-newaa;
3 Yuuda kpaɣ Tamaarɩ nɛ ɛlʋlɩ Peerɛɛtɩ nɛ Zeraa;Peerɛɛtɩ lʋlɩ Ɛsɩrɔɔnɩ;Ɛsɩrɔɔnɩ lʋlɩ Raam;
4 Raam lʋlɩ Aminaadaabɩ;Aminaadaabɩ lʋlɩ Naasɔɔnɩ;Naasɔɔnɩ lʋlɩ Salɩmɔɔnɩ;
5 Salɩmɔɔnɩ kpaɣ Rahaabɩ nɛ ɛlʋlɩ Bowaazɩ;Bowaazɩ kpaɣ Ruti nɛ ɛlʋlɩ Obɛɛdɩ;Obɛɛdɩ lʋlɩ Yesee;
6 Yesee lʋlɩ wiyaʋ Daviid.Daviid kpaɣ Uriya halʋ nɛ ɛlʋlɩ Salomɔɔ;
7 Salomɔɔ lʋlɩ Rehabam;Rehabam lʋlɩ Abiya;Abiya lʋlɩ Aazaa;
8 Aazaa lʋlɩ Yozafaatɩ;Yozafaatɩ lʋlɩ Yehoram;Yehoram lʋlɩ* Uziya;
9 Uziya lʋlɩ Yotam;Yotam lʋlɩ Ahaazɩ;Ahaazɩ lʋlɩ Ezekiyaasɩ;
10 Ezekiyaasɩ lʋlɩ Manaasee;Manaasee lʋlɩ Amɔɔnɩ;Amɔɔnɩ lʋlɩ Yoziyaasɩ;
11 Yoziyaasɩ lʋlɩ* Yekoniya nɛ ɛ-ɖalaa nɛ e-newaa Babilɔɔnɩ yomiye taa wobu alɩwaatʋ taa.
12 Paawɛ Babilɔɔnɩ yomiye taa lɛ, Yekoniya lʋlɩ Seyalɩtɩyɛɛlɩ;Seyalɩtɩyɛɛlɩ lʋlɩ Zorobabɛɛlɩ;
13 Zorobabɛɛlɩ lʋlɩ Abiyudi;Abiyudi lʋlɩ Eliyaakim;Eliyaakim lʋlɩ Azɔɔrɩ;
14 Azɔɔrɩ lʋlɩ Sadɔɔkɩ;Sadɔɔkɩ lʋlɩ Akim;Akim lʋlɩ Eliwuudi;
15 Eliwuudi lʋlɩ Eliyaazaarɩ;Eliyaazaarɩ lʋlɩ Mataanɩ;Mataanɩ lʋlɩ Yakɔɔb;
16 Yakɔɔb lʋlɩ Maarɩɩ walʋ Yosɛɛfʋ, Maarɩɩ ɛnʋ ɛlʋlɩnɩ Yesu weyi payaɣ se Krɩstʋ yɔ.
17 Ye mbʋ, kpaɖɩŋ tɩŋa yɔ: Kpaɣnɩ Abraham nɛ pɩkɔɔ pɩtalɩ Daviid lɛ, kpaɖɩŋ kpɛndɩ 14; kpaɣnɩ Daviid nɛ pɩkɔɔ pɩtalɩ Babilɔɔnɩ yomiye taa wobu lɛ, kpaɖɩŋ kpɛndɩ 14; kpaɣnɩ Babilɔɔnɩ yomiye taa wobu nɛ pɩkɔɔ pɩtalɩ Krɩstʋ lɛ, kpaɖɩŋ kpɛndɩ 14.
18 Ɛlɛ ɛzʋnɔ pɩɖɔma nɛ palʋlɩ Yesu Krɩstʋ. Alɩwaatʋ ndʋ posu e-ɖoo Maarɩɩ se pɛcɛlɩ Yosɛɛfʋ lɛ, Maarɩɩ haɣ hoɣa fezuu kiɖeɖeu* ɖoŋ taa pʋcɔ nɛ pakpaɣ ɖama.
19 Ɛlɛ ɛ-walʋ Yosɛɛfʋ kaawɛ siɣsiɣ nɛ ɛtaasɔɔlɩ se ɛɖʋ-ɩ fɛyɛ ɛyaa hɛkʋ taa, nɛ pʋyɔɔ lɛ, ɛɖʋ ɛ-taa se ekiziɣ-i mɛsaɣ tɛɛ.
20 Ɛlɛ ɛmaɣzɩ mbʋ nɛ pɩtɛ lɛ, Yehowa* tiyiyu lɩɩ ɛ-yɔɔ ɖoziye taa nɛ eheyi-i se: “Yosɛɛfʋ, Daviid pɩyalʋ, sɔɔndʋ ɛtaakpa-ŋ se ŋkpaɣ ña-halʋ Maarɩɩ nɛ ŋkpeni ñɛ-tɛ, mbʋ pʋyɔɔ yɔ fezuu kiɖeɖeu yɔɔ pɩtɩŋnaa nɛ ɛhaɣ hoɣa.
21 Ɛkaɣ lʋlʋʋ abalɩbɩɣa nɛ ŋyaa-kɛ se Yesu,* mbʋ pʋyɔɔ yɔ kakaɣ ka-samaɣ ñʋʋ yabʋ ka-kɩwɛɛkɩm taa.”
22 Pɩtɩŋa payɩ mbʋ yɔ, piyeba se tɔm ndʋ Yehowa* tɩŋnɩ ɛ-nayʋ yɔɔ nɛ ɛyɔɔdɩ yɔ tɩla. Ɛyɔɔdaa se:
23 “Ɩna! Pɛlɛ weyi ɛtɩtɩlɩ abalʋ yɔ, ɛkaɣ haɣʋ hoɣa nɛ ɛlʋlɩ abalɩbɩɣa, nɛ pakaɣ-kɛ yaʋ se Emaanʋyɛɛlɩ,” pʋ-tɔbʋʋ lɛ se “Ɛsɔ wɛ ɖɔ-cɔlɔ.”
24 Peeɖe Yosɛɛfʋ femni ɖom yɔɔ nɛ ɛla ɛzɩ Yehowa* tiyiyu kaaheyuu-i yɔ, nɛ ɛkpaɣ ɛ-halʋ nɛ ekpeni ɛ-tɛ.
25 Ɛlɛ ɛ nɛ ɩ patɩsʋʋ nɛ pɩkɔɔ pɩtalɩ alɩwaatʋ ndʋ Maarɩɩ lʋlɩ abalɩbɩɣa yɔ, nɛ ɛyaa-kɛ se Yesu.
Pɩ-tɛɛ tɔm
^ Yaa “Mesiya; Patam Num.”
^ Pɩtɩkɛ Yehoram maɣmaɣ lʋlɩnɩ Uziya, ɛlɛ ɛ-cɔzɔ nɔɔyʋ ɛkɛnaa.
^ Pɩtɩkɛ Yoziyaasɩ maɣmaɣ lʋlɩnɩ-wɛ ɛlɛ pɔ-cɔzɔ nɔɔyʋ ɛkɛnaa.
^ Yaa “ɖoŋ weyi Ɛsɔ lakɩnɩ tʋmɩyɛ yɔ.”
^ Bibl kʋnɛ kɩ-taa, cɩnɛ pacalɩ maʋ Ɛsɔ hɩɖɛ Yehowa Grɛɛkɩ Masɩ taa; nɛ Masɩ nzɩ sɩ-taa lɛ, pama-ɖɩ tam 237. Cɔnɩ Tɔm pee sɔsɔna tɔbʋʋ lɩzʋʋ.
^ Ebree taa lɛ, payaɣ-ɖɩ se Yezuwee yaa Yozuwee nɛ ɖɩ-tɔbʋʋ lɛ se “Yehowa Kɛnɩ Ñʋʋ Yabɩtʋ.”
^ Cɔnɩ Tɔm pee sɔsɔna tɔbʋʋ lɩzʋʋ.
^ Cɔnɩ Tɔm pee sɔsɔna tɔbʋʋ lɩzʋʋ.
