Wolo ɖenɖe tɔm wɛɛ yɔ

Ɛzɩ pɩwɛ ɖeu se abalʋ ɛkpaɣ halaa naalɛ?

Ɛzɩ pɩwɛ ɖeu se abalʋ ɛkpaɣ halaa naalɛ?

Bibl tɔm cosuu

Alɩwaatʋ natʋyʋ taa, Ɛsɔ kaaha abalaa nʋmɔʋ se pakpaɣ halaa naalɛ yaa pɩcɛzɩ mbʋ. (Kiɖe 4:19; 16:1-4; 29:18-29) Ɛlɛ ɖooo kiɖe tɛɛ lɛ, ɛtaaɖʋ se abalʋ ɛkpaɣ halaa sakɩyɛ. Pʋyɔɔ ɛlɩzɩ halʋ kʋɖʋm nɛ ɛcɛlɩ Aɖam.

Ɛsɔ ha Yesu waɖɛ se ɛɖaɣnɩ pɩsɩnʋʋ kiɖe tɛɛ ɖʋtʋ ndʋ ɛɛɖʋwa se abalʋ ɛkpaɣ halʋ kʋɖʋm yɔ. (Yoh. 8:28) Alɩwaatʋ ndʋ pɔpɔzɩ Yesu tɔm nesi ɖɔkʋʋ yɔɔ yɔ, ecosaa se: “Ɛjaɖɛ Lɩzɩyʋ weyi ɛlɩzɩ-wɛ kiɖe tɛɛ yɔ, ɛlɩzɩ-wɛ abalʋ nɛ halʋ nɛ ɛtɔ se mbʋ pɩ-yɔɔ lɛ, pɩwɛnɩ ɛyʋ se eyele ɛ-caa nɛ e-ɖoo nɛ ɛñɔɔnɩ ɛ-halʋ nɛ pa-naalɛ pakaa tomnaɣ kʋyʋmaɣ.”—Maatiyee 19:4, 5.

Pʋwayɩ, fezuu kiɖeɖeu tɩŋnɩ Yesu wayɩ tɩŋɩyʋ nɔɔyʋ yɔɔ nɛ ɛma se: “Paa abalʋ weyi lɛ ɛwɛɛnɩ ɛ-halʋ, nɛ paa halʋ weyi lɛ ɛwɛɛnɩ ɛ-walʋ.” (1 Kɔrɛntɩ 7:2) Bibl tasɩ yɔɔdʋʋ se ye ɛgbɛyɛ taa ɛzʋtʋyaa ɩñɩnɩɣ se paha koobu abalɩñɩnʋ nɔɔyʋ waɖɛ naɖɩyɛ yɔ, pɩwɛɛ se ɛkɛ ɛyʋ weyi ‘ɛkpaɣ halʋ tam kʋɖʋm’ yɔ.—1 Timootee 3:2, 12.