Tɔm ndʋ Bibl cosuu yɔ

 Paa Bibl ɛtɩyɔɔdɩ looteri tɔʋ tɔm tete yɔ, Bibl paɣtʋ kila pɩzɩɣ nɛ asɩnɩ-ɖʋ nɛ ɖɩna se Ɛsɔ ɛsɩndaa lɛ pɩkɛ kɩdɛkɛdɩm.—Efɛɛzɩ mba 5:17. a

•   Ɛsa naɣ naɣ tuyuuni ɛyaa nɛ pɔtɔʋ looteri; nɛ Ɛsɔ paɖɩɣ wɛtʋ ndʋ. (1 Kɔrɛntɩ mba 6:9, 10; Efɛɛzɩ mba 5:3, 5) Weyi ɛtɔʋ looteri yɔ ɛɖaŋɩɣ se lalaa ɩtaatɔɔ ɛlɛ ɛnʋ ɛtɔɔna nɛ pɛcɛlɩ-ɩ pe-liidiye. Bibl wɩlɩɣ se pɩtɩpɔzɩ se nɔɔyʋ liu tɛɛ ɛkɔtɩnɩ ɛyʋ lɛlʋ pʋyʋ.—Ejipiti Lɩʋ 20:17; Roma mba 7:7; 13:9, 10.

•   Paa ɖɩbazɩyɛ taa lɛ liidiye pazɩ yem ɛyʋ ɛkpakɩɣ nɛ ɛtɔʋnɩ looteri yɔ, pazɩ pazɩ lɛ ɛkɔŋ nɛ ɛpaɣzɩ liidiye sɔɔlʋʋ nɛ pɩkɔnɩ-ɩ kaɖɛ.—1 Timootee 6:9, 10.

•   Ðoŋ ɖoŋ lɛ, mba pɔtɔʋ looteri yɔ pataɣ liu ñʋʋ leleŋ. Ɛlɛ Ɛsɔ ɛsɩndaa lɛ, wɛtʋ ndʋ tɩkɛ sɩɩnaa latʋ, nɛ tɩɩlakɩ nɔɔ kʋɖʋmaɣ nɛ ɛzɩma ɛsɔɔlaa se pɛsɛɛ-ɩ yɔ.—Izaayii 65:11.

•   Bibl eeseɣtiɣ-ɖʋ se ɖɩtɩŋnɩ nʋmɔŋ weyi ɩɩpɔzʋʋ pana ñaɣʋ yɔ ɩ-yɔɔ nɛ ɖɩwɛɛnɩ ñɩm, ɛlɛ kiseɣtiɣ-ɖʋ se ɖɩla tʋmɩyɛ ɖoŋ ñɩnɖɛ, ɖɩla tʋmɩyɛ nɛ kpekpeka. (Eklezɩyasɩtɩ 2:24; Efɛɛzɩ mba 4:28) Mba pɔɖɔŋ Bibl lɔŋ tasʋʋ mbʋ pɩ-yɔɔ yɔ ‘pɔtɔkɩ tɔɔnaɣ ŋga pa-maɣmaɣ pehiɣaa yɔ.’—2 Tesalooniiki mba 3:10, 12.

•   Looteri tɔʋ pɩzɩɣ piyele nɛ ɛyaa lʋkɩnɩ ɖama, nɛ pɩkɛ wɛtʋ ndʋ Bibl paɖɩɣ yɔ.—Galaatii mba 5:26.