Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Twĩkaa Ata Ĩla Tũũmanyĩsya Mũndũ Mbivilia?

Twĩkaa Ata Ĩla Tũũmanyĩsya Mũndũ Mbivilia?

Ngũsĩ sya Yeova nĩmeyumasya mamanyĩsye andũ Mbivilia. Ĩla mekwĩmanyĩsya namo nĩmaneeneeaa makũlyo maingĩ, kwa ngelekany’o:

  • Ngai Nũũ?

  • We Ngai Nũnthĩnĩkĩaa?

  • Ndonya kwĩka ata nĩseũvye mũtwaano wakwa?

  • Ndonya kwĩka ata nĩkale na ũtanu?

Vaa ĩtheo ve mosũngĩo ma makũlyo andũ makothaa kũkũlya ĩũlũ wa mũvango witũ wa kũmanyĩsya andũ.

Twĩkaa ata ĩla tũũmanyĩsya mũndũ Mbivilia? Tũneeneea maũndũ ta “Ngai” kana “mũtwaano” na tũisisya maandĩko me kĩvathũkany’o ala mawetete maũndũ asu. Nĩtũsiasya ũndũ maandĩko asu mosanĩte, na tweeka ũu nĩtũmanyaa kĩla Mbivilia ĩmanyĩasya ĩũlũ wa kĩu tũũneenea. Kwa nzĩa ĩsu twĩthĩawa twaeka Mbivilia yĩyĩelesye neyo mwene.

Nĩtũtũmĩaa ĩvuku yĩtawa Mbivilia Yo Ĩmanyĩasya Ata? nĩ kana yĩtũtetheesye kwĩmanyĩsya Mbivilia. Ĩvuku yĩu yĩwetete sanzũ momanyĩsyo maingĩ ala me Mbivilianĩ. Kwa ngelekany’o, nĩyĩwetete kĩla Mbivilia ĩmanyĩasya ĩũlũ wa Ngai, Yesũ, na ĩvinda yĩla yũkĩte.

Mũndũ aĩvaa mbesa iana nĩ kana amanyĩw’e Mbivilia? Kũmanyĩw’a nĩ mana, na ndũteeawa ĩvuku yĩla ũũnengwa.

Mũkuaa ĩvinda yĩana ata kwa mũthenya? Andũ aingĩ methĩawa mavangĩte tũmamanyĩsye Mbivilia kwa vakuvĩ ĩsaa kĩla kyumwa. Ĩndĩ ti lasima tũkatũmĩa ĩvinda yĩana ũu. Tũkakua ĩvinda yĩla ũkatũtavya.

Nĩ kyaũ kĩkekĩka ĩla ngakũlya nĩmanyĩw’e Mbivilia? Wakũlya ũmanyĩw’e Mbivilia, ũmwe wa Ngũsĩ sya Yeova akakomanĩa naku vala we ũkwenda na saa ila ũkwenda. Mũtanambĩĩa akamba kwosa ndatĩka nini akwony’e ũndũ twĩmanyĩasya na andũ. Na ĩndĩ wendeew’a, no mũendeesye mũvango wenyu.

Ĩla ngetĩkĩla nĩmanyĩw’e Mbivilia ngeethĩwa natw’ĩka wa Ngũsĩ sya Yeova? Aiee. Ngũsĩ sya Yeova nĩsyendete mũno kũmanyĩsya andũ Mbivilia, ĩndĩ tũyĩsaa kũingĩĩsya mũndũ atw’ĩke ũmwe witũ. Vandũ va kũmũingĩĩsya, tũmonasya na ndaĩa kĩla Mbivilia ĩmanyĩasya, nũndũ nĩtwĩsĩ kana kĩla mũndũ e na ũthasyo wa kũĩkĩĩa kĩla ũkwenda.—1 Vetelo 3:15.