Andũ aingĩ mũno ĩũlũ wa nthĩ maĩkĩĩaa kana ngelany’o nĩyo ĩmanyĩthanasya Mũklĩsto. Ĩndĩ o na kau ithyĩ Ngũsĩ sya Yeova twĩ Aklĩsto, tũitũmĩaa ngelany’o. Nĩkĩ?

Kĩtumi kĩmwe nũndũ Mbivilia nĩyonanĩtye kana Yesũ ndaambwa ngelany’onĩ ĩndĩ ambiwe mũtĩnĩ. Na ũndũ ũngĩ nĩ kana Mbivilia nĩkanĩtye Aklĩsto vyũ ĩkamea ‘nĩmakĩe ũthaithi wa mĩvw’anano.’ Nzĩa ĩmwe ya kwĩka ũu nĩ kũlea vyũ kũtũmĩa ngelany’o ĩla tũũthaitha.​—1 Akolintho 10:14; 1 Yoana 5:​21.

Kĩla kya vata nĩ kana Yesũ aisye: “Kwondũ wa ũu andũ onthe makamanya kana mwĩ amanyĩw’a makwa, ethĩwa mwĩthĩwa na wendo ĩnyw’ĩ kwa inyw’ĩ.” (Yoana 13:34, 35) Kwa ndeto isu, Yesũ oonanisye nesa kana wendo wa w’o na wa kuma ngoonĩ nĩw’o ũkatuma andũ mamanya naaũ aatĩĩi make ma w’o, ĩndĩ ti ngelany’o kana mũvw’anano ũngĩ o na wĩva.