Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Nĩkĩ Ngũsĩ sya Yeova Iendaa kwa Ala me na Ĩ Ndĩni Yoo?

Nĩkĩ Ngũsĩ sya Yeova Iendaa kwa Ala me na Ĩ Ndĩni Yoo?

Nĩtwĩsĩte kwĩthĩa kana andũ ma ndĩni nĩmendete kũneenea maũndũ ala me Mbivilianĩ. Ĩndĩ tũivũthĩĩasya mũĩkĩĩo wa mũndũ o na ethĩwa wĩ kĩvathũkany’o na witũ, na tũilasimĩthasya andũ matwĩthukĩĩsye.

Ĩla tũũneenea ndĩni na mũndũ nĩtũtataa tũatĩĩe ũtao ũla wĩ Mbivilianĩ waĩtye kana nĩtũneene na andũ twĩ “auu” na twĩ na “w’ĩa.” (1 Vetelo 3:15) Nĩtwĩsĩ kana amwe maiketĩkĩlaa ũvoo ũla tũũmatavya. (Mathayo 10:14) Ĩndĩ tũyĩsa kũmanya naaũ mekwĩtĩkĩla na naaũ meũlea tũtambĩte kũneena namo. O na ĩngĩ nĩtwĩsĩ kana maũndũ ma mũndũ nĩmaalyũkaa.

Kwa ngelekany’o, mũndũ nũtonya kwĩthĩwa akwatene ũmũnthĩ ũkethĩa nde na mwanya wa kũneena naitũ, ĩndĩ twamũthokea mũthenya ũngĩ nĩtũtonya kwĩthĩa e na mwanya na ũyĩthĩa nũkũtana mũno kũea ngewa naitũ. Na ũndũ ũngĩ nĩ kana andũ no makwatwe nĩ mathĩna mateeĩ namo kana o maũndũ moo makavĩndũka vyũ, na kĩu no kĩtume menda kũmanya kĩla Mbivilia ĩmanyĩasya. Kyu nĩkyo kĩtumi twĩthĩawa na wendi wa kũthokea andũ mavinda maingĩ.