Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Syo Ngũsĩ sya Yeova Iĩkĩĩaa Kana Ngai Oombie Nthĩ na Mĩthenya Thanthatũ, Kĩla Mũthenya wĩ na Masaa 24?

Syo Ngũsĩ sya Yeova Iĩkĩĩaa Kana Ngai Oombie Nthĩ na Mĩthenya Thanthatũ, Kĩla Mũthenya wĩ na Masaa 24?

Aiee. Ngũsĩ sya Yeova niĩkĩĩaa kana Ngai oombie syĩndũ syonthe. Ĩndĩ tũyĩĩkĩĩaa kana Ngai oombie nthĩ na mĩthenya thanthatũ, kĩla mũthenya wĩ na masaa 24. Nĩkĩ? Nũndũ amwe maĩkĩĩaa kĩu mamanyĩasya maũndũ amwe matosanĩte na Mbivilia. Kwasũanĩa momanyĩsyo aa elĩ:

  1. Ũasa wa ĩla mĩthenya thanthatũ ya wũmbi. Amwe maasya kana mũthenya ũmwe wa wũmbi waĩ na masaa 24. Ĩndĩ mavinda angĩ ĩla Mbivilia yatũmĩa ndeto “mũthenya” nĩtonya kwĩthĩwa ĩiweta ĩvinda o ĩasa.Mwambĩlĩlyo 2:4; Savuli 90:4.

  2. Ũkũũ wa nthĩ. Amwe mamanyĩasya kana nthĩ yĩkalĩte o tũkili twĩana ũna twa myaka. Ĩndĩ Mbivilia yonanĩtye kana o na ĩla mĩthenya thanthatũ ya wũmbi ĩtaaĩsa kwambĩĩa, nthĩ na matu syaĩ syoombiwe. (Mwambĩlĩlyo 1:1) Nũndũ wa kĩtumi kĩu, Ngũsĩ sya Yeova iileanaa na livoti ila itonya kwĩkwatw’a andũ ma saenzi mawetaa kana nthĩ ĩno nĩtonya kwĩthĩwa yĩkalĩte myaka mbilioni mbingĩ mũno.

O na kau ithyĩ Ngũsĩ sya Yeova nĩtũĩkĩĩaa kana syĩndũ syeekie kũmbwa, tũileanaa na maũndũ ma saenzi. Tũĩkĩĩaa kana Mbivilia nĩyĩtĩkĩlanĩte na maũndũ ma saenzi ala maminĩte kũĩkĩĩthw’a kana nĩ ma w’o.