Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Syo Ngũsĩ sya Yeova Itavanasya Nyũmba na Nyũmba Nĩ Kana Syĩĩvwa kwa Kũtangĩĩwa?

Syo Ngũsĩ sya Yeova Itavanasya Nyũmba na Nyũmba Nĩ Kana Syĩĩvwa kwa Kũtangĩĩwa?

Aiee. Nĩtũtavanasya nyũmba na nyũmba ĩndĩ tũiĩkĩĩaa atĩ tũkatangĩĩwa nũndũ wa kwĩka ũu. (Aeveso 2:8) Nĩkĩ?

Kwasũanĩa ngelekany’o ĩno: Twasye mũndũ ũmwe mũlau nĩwathanĩte kana mũndũ ũla ũkavika vandũ vana mũthenya mũna nũkũmũnenga mũthĩnzĩo. Ethĩwa nũmũĩkĩĩe mũndũ ũsu tyo ũatĩĩe maũndũ ala ũkũũtavya? Ndũlea kũatĩĩa. O na eka ũu, no kwĩthĩwa ũtonya kũtavya anyanyau na andũ ma mũsyĩ ĩũlũ wa mũvango ũsu nĩ kana o namo matetheke nĩw’o. Ĩndĩ o na ũu wĩ o va ndũũnewa mũthĩnzĩo ũsu aĩ nũndũ nĩwathũkũma. Ũsu no mũthĩnzĩo.

O ta ũu, Ngũsĩ sya Yeova nĩsyĩĩkĩĩaa kana Ngai nĩwathĩte ala mamwĩw’aa thayũ ũtathela. (Alomi 6:23) Tũtataa tũelesye angĩ ĩũlũ wa mũĩkĩĩo witũ nĩ kana ethĩwa nĩvatonyeka o namo mekwata moathimo ala Ngai wathanĩte. Ĩndĩ ithyĩ tũyĩĩkĩĩaa kana ũtangĩĩo ũkwatĩkanaa aĩ nũndũ nĩtwaũthũkũmĩa ĩla tũũtavany’a. (Alomi 1:17; 3:28) Vai mũndũ wĩka ũndũ wĩanene na ũathimo ũsu Ngai ũkanenga andũ. Mbivilia yaĩtye atĩĩ: “Ti kwondũ wa meko ma ũlũngalu, ala ithyĩ tweekie, ĩndĩ kwĩanana na tei wake nĩwatũtangĩĩe.”—Tito 3:5.