Ũsumbĩ wa Ngai Ũkeanĩsya Kyaũ?
Ũndũ Mbivilia yaasya
Ũsumbĩ wa Ngai ũkavetanga mosumbĩ ma andũ na ũisumbĩka nthĩ yonthe. (Ndanieli 2:44; Ũvuanʼyo 16:14) Ĩtina wa ũu, Ũsumbĩ wa Ngai ũkeeka maũndũ aa maatĩĩe . . .
Ũkaananga ala athũku, ala nũndũ wa kwĩyenda maũmĩĩtye andũ aingĩ. “Ala athũku makavetwa kuma ĩ nthĩ.”—Nthimo 2:22.
Ũkamina makaũ. “[Ngai] nũtumaa makaũ mathela kũvika kĩtulu kya nthĩ.”—Savuli 46:9.
Ũkaete maendeeo na mũuo ĩũlũ wa nthĩ. “Makekalaa kĩla mũndũ ĩtina wa mũsavivũ wake na ĩtina wa mũkũyũ wake; na vati ũmwe ũkatuma makĩa.”—Mika 4:4.
Ũkaalyũla nthĩ ĩno ĩtwʼĩke valatiso. “Weũ na nthĩ nyũmũ ikatana; na yalata yĩkatana, na kũlaũka ta ĩlaa ya lose.”—Isaia 35:1
Ũkanenga kĩla mũndũ wĩa mũseo na wa kũtanĩthya. “Anyuve ma [Ngai] makatanĩaa wĩa wa moko moo ĩvinda yĩasa. Matikathĩnĩa wĩa mana.”—Isaia 65:21-23.
Ũkamina mowau. “Ũla ũtwĩe kwʼo ndakasya, Nyie nĩ mũwau.”—Isaia 33:24.
Ũkatũvetangĩa ũkũũ. “Mwĩĩ wake ũkeethĩwa mwololo kwĩ wa kana; nũsyokaa mĩthenyanĩ ya wana wake.”—Yovu 33:25.
Ũkathayũũkya akwʼũ. “Onthe ala me mbũanĩ makeewʼa wasya wa [Yesũ], namo makauma.”—Yoana 5:28, 29.
No Wendeewʼe Nĩ Ii
MOSŨNGĨO MA MAKŨLYO MA MBIVILIA
Nĩ Kyaũ Kĩkaete Mũuo Ĩũlũ wa Nthĩ?
Ĩmanyĩsye ũndũ Ngai wathanĩte kũete mũuo ĩũlũ wa nthĩ kwĩsĩla Ũsumbĩ wake.
MOMANYĨSYO MA VATA MA MBIVILIA
Ũsumbĩ wa Ngai Nĩ Kyaũ?
Ĩla Yesũ waĩ ĩũlũ wa nthĩ, amanyĩisye ĩũlũ wa Ũsumbĩ wa Ngai kwĩ ũvoo ũngĩ o na wĩva. Kwa myaka maana maingĩ, andũ methĩĩtwe maivoya Ũsumbĩ ũsu wũke.
MŨSYAĨĨSYA
Ũsumbĩ wa Ngai Ũkeanĩsya Maũndũ Meva?
Yesũ nĩweesĩ kana no Ũsumbĩ wa Ngai ũtonya kũmina mathĩna ala me ĩũlũ wa nthĩ. Nĩ maũndũ meva ala Ũsumbĩ ũsu wĩkĩte meũtũĩkĩĩthya ũu?
MŨSYAĨĨSYA
Ũsumbĩ wa Ngai nĩ Silikalĩ Ndĩkĩĩku
Maũndũ thanthatũ ala matũĩkĩĩthasya kana Ũsumbĩ wa Ngai ndũkethĩwa na ũlũsani
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.