Ũndũ Mbivilia yaasya

Ala mamũleaa Yesũ mavangaa atĩ we aasya eanene na Ngai. (Yoana 5:18; 10:30-33) Ĩndĩ Yesũ ndaasya o na ĩmwe kana nĩwĩanene na Ngai Mwene Vinya W’onthe. Aisye: “Asa nĩ mũnene kwĩ nyie.”—Yoana 14:28.

Aatĩĩi ma Yesũ ma tene mayoonaa ta weanene na Ngai Mwene Vinya W’onthe. Kwa ngelekany’o, mũtũmwa Vaulo aandĩkie kana ĩtina wa Yesũ kũthayũũkw’a, Ngai ‘nĩwamũnenevisye mũno.’ Kwoou, Vaulo ndaĩkĩĩaa kana Yesũ nĩ Ngai Mwene Vinya W’onthe. Yo Ngai aĩ atonya kũmũnenevya Yesũ ethĩwa ũ Yesũ aĩ Mwene Vinya W’onthe?—Avilivi 2:9.