Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Nĩkĩ Yesũ Wĩtawa Mwana wa Ngai

Nĩkĩ Yesũ Wĩtawa Mwana wa Ngai

Ũndũ Mbivilia yaasya

Ngai nde kĩveti kĩtonya kũmũsyaĩa syana. Ĩndĩ nĩwe Mũmbi wa syĩndũ syonthe. (Ũvuan’yo 4:11) Kwoou, mũndũ wa mbee ũla Ngai wombie, Atamu, etawa “mwana wa Ngai.” (Luka 3:38)

O ta ũu, Mbivilia ĩmanyĩasya kana Yesũ ombiwe nĩ Ngai. Kwoou Yesũ etawa “Mwana wa Ngai.”—Yoana 1:49.

Ngai oombie Yesũ atambĩte kũmba Atamu. Mũtũmwa Vaulo aandĩkie ũũ ĩũlũ wa Yesũ: “Nake nĩ mũvw’ano wa Ngai ũtonekaa, mũsyawa ũla wĩ mbee wa syũmbe syonthe.” (Akolosai 1:15) Yesũ aĩ kw’o atambĩte kũsyaĩwa mũvalatĩnĩ Mbethelemu. Mbivilia yaĩtye kana “kumĩla kwake nĩ kuma ĩvinda ya tene, kuma tene tene.” (Mika 5:2) Nũndũ nĩwe mũsyawa wa mbee wa Ngai, Yesũ aĩ ĩtunĩ e kyũmbe kya veva atambĩte kũsyawa kũũ nthĩ. Yesũ mwene aisye kana atheeie “kuma ĩtunĩ.”—Yoana 6:38; 8:23.