Kĩla ũthi ũvoonĩ ũla wĩ vo

Ngũsĩ sya Yeova

Nyuva kĩthyomo Kikamba

Asomi Nĩmaĩkĩĩaa Kana Yesũ Aĩ Kw’o?

Asomi Nĩmaĩkĩĩaa Kana Yesũ Aĩ Kw’o?

Asomi nĩmethĩawa na kĩtumi kĩseo kya kũĩkĩĩa kana Yesũ aĩ kw’o. Yĩineenea maũndũ ala maandĩkiwe nĩ asomi ĩũlũ wa Yesũ na Aklĩsto ma ĩvinda ya atũmwa, ĩvuku yĩtawa Encyclopædia Britannica, ya mwaka wa 2002, yaĩtye: “Maũndũ aa maandĩkiwe nĩ andũ matendeeasya ngalĩ o na ĩmwe monanasya kana o na andũ ala maleaa Ũklĩsto nĩmeesĩ nesa vyũ kana Yesũ aĩ kw’o. Kwa ĩvinda ya mbee, mũthyanĩ wa myaka ya 1700, myakanĩ ya 1800, na mwambĩĩonĩ wa myaka ya 1900, andũ amwe nĩmaambĩĩie kwasya kana Yesũ ndaĩ kw’o, ĩndĩ mate na itumi mbĩanĩu.

Mwakanĩ wa 2006, ĩvuku yĩtawa Jesus and Archaeology yaisye: “Ũmũnthĩ vai mũsomi wa w’o wĩthĩawa na nzika kana ve Mũyuti weetawa Yesũ mwana wa Yosevu waĩ kw’o; aingĩ nĩmetĩkĩlaa kana nĩtwĩsĩ maũndũ maingĩ mũno ĩũlũ wa maũndũ ala weekie na momanyĩsyo make.

Mbivilia yonanasya kana Yesũ nĩ mũndũ waĩ kw’o. Nĩwetaa masyĩtwa ma mosyaanĩo make na masyĩtwa ma andũ ma mũsyĩ wake. (Mathayo 1:1; 13:55) O na ĩngĩ, nĩwetaa masyĩtwa ma asumbĩ me nguma ala masumbĩkĩte ĩvinda yake. (Luka 3:1, 2) Maũndũ ta asu nĩmatetheeasya asomi kũmanya ũw’o wa maũndũ ala maandĩkĩtwe Mbivilianĩ.