Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Nĩ Ũndũ Waĩle Aklĩsto Kũtũmĩa Nzĩa sya Kũsiĩĩa Mũndũ Mũka Kũitava?

Nĩ Ũndũ Waĩle Aklĩsto Kũtũmĩa Nzĩa sya Kũsiĩĩa Mũndũ Mũka Kũitava?

Ũndũ Mbivilia yaasya

Yesũ ndaatavya amanyĩw’a methĩwe na syana kana maikethĩwe nasyo. O na vai ũmwe wa amanyĩw’a make waaneenea ũndũ ũsu. Vai vandũ o na vamwe Mbivilia ĩneenete ĩũlũ wa kũsiĩĩa mũndũ mũka ndakaitave. Ĩndĩ ũndũnĩ ũsu, mwolooto ũla wĩ ĩandĩkonĩ ya Alomi 14:12 no ũtũmĩke: “Kĩla ũmwe waitũ akaumya ũvoo wake mbee wa Ngai.

Kwoou, nĩ ĩũlũ wa andũ matwaanĩte matw’e ethĩwa nĩmekwĩthĩwa na syana kana mayĩĩthĩwa nasyo. O na nomo maĩle kwĩtw’ĩĩa ũndũ makethĩwa na syana syĩana, na makeethĩwa nasyo ĩndĩĩ. Ethĩwa andũ matwaanĩte nĩmatw’a kũtũmĩa nzĩa ya kũsiĩĩa kũitava, ũsu nĩ ũtwi woo, na vai mũndũ waĩle kũmasilĩla. Nzĩa ĩsu ĩyaĩle kũaa kana kaminĩte kũitavwa.—Alomi 14:4, 10-13.