Ũndũ Mbivilia yaasya

Mũmbi witũ nĩwaumisye mĩao ya kũtongoesya mũtwaano o na silikalĩ sya andũ itaaumya mwĩao o na ũmwe. Ĩvuku ya mbee ya Mbivilia yĩtwĩĩte atĩĩ: “Mũndũ mũũme akatia ĩthe na nyinyia, na akalũman’ya na mũka wake: nao makeethĩwa mwĩĩ ũmwe.” (Mwambĩlĩlyo 2:24) Kwosana na ĩvuku yĩtawa Vine’s Expository Dictionary of Biblical Words, ndeto ya Kĩevelania ĩla yĩalyũlawa mũka “yonanasya mũndũ mũka.” Yesũ nĩwoonanisye ũu ĩla waisye ala maĩle kũtwaana nĩ “mũndũ mũũme na mũndũ mũka.”—Mathayo 19:4.

Kwoou Ngai endaa mũtwaano wĩthĩwe ngwatanĩo ya kũtũaa katĩ wa mũndũ mũũme na mũndũ mũka. Mũndũũme na mũndũ mũka moombiwe nĩ kana matetheanĩsye na mayĩanĩsya mavata ma kĩla ũmwe ma ngoonĩ, wendi wa mũndũũme kũkoma na mũndũ mũka, na vata wa kwĩthĩwa na syana.