Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

We Ngai Akandetheesya Namũvoya?

We Ngai Akandetheesya Namũvoya?

Ũndũ Mbivilia yaasya

Ĩĩ, Ngai nũsũngĩaa ala mavoyaa maũndũ mosanĩte na kwenda kwake. O na ethĩwa ndwaavoya o na ĩmwe, ngelekany’o ila syĩ Mbivilianĩ sya andũ ala mavoyie, “Ndethya, ame Ngai,” no ikwĩkĩe vinya. Kwa ngelekany’o:

  • “Ndethya, ame Yeova Ngai wakwa; ndangĩĩa kwĩanana na ũseo waku wĩ wendo.”—Savuli 109:26.

  • “Nĩ na thĩna na nĩ ngya: Ndethya, ame Ngai.”—Savuli 69:6, kwosana na ũalyũlo wa Mbivilia ya Douay.

Nĩtwĩsĩ nesa kana mũandĩki wa mũsoa ũsu nĩwamũĩkĩĩe Ngai. Ngai nĩwĩthukĩĩasya onthe ala mamũvoyaa me na woni waĩle, ta ala “matũlĩkĩte ngoo” kana “mekwĩlila vevanĩ.”—Savuli 34:18.

Tũyaĩlĩte kwĩw’a Ngai ta wĩ vaasa mũno ũndũ ũtatũthĩnĩkĩa. Mbivilia yaasya: “O na kau Yeova e ĩũlũ, no wonaa ala enyivya; ĩndĩ ũla wĩnenevasya nũmwĩsĩ e kũasa.” (Savuli 138:6) Nĩkyo kĩtumi Yesũ weeie amanyĩw’a make atĩĩ: “Nzw’ĩĩ syonthe sya mĩtwe yenyu nĩ ndale.” (Mathayo 10:30) Kwoou Ngai nĩwonaa maũndũ manini ala ithyĩ tũtamesĩ. Ethĩwa ailyĩ ũu, no nginya ethĩwe atwĩthukĩĩasya ĩla twamũvoya ĩũlũ wa mathĩna maitũ.—1 Vetelo 5:7.