Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Ngai Nĩ Vinya Wĩthĩawa Vandũ?

Ngai Nĩ Vinya Wĩthĩawa Vandũ?

Ũndũ Mbivilia yaasya

Ngai e vinya mwingĩ mũno ũla ũtũmĩaa kũtongoesya syĩndũ ila woombie, ĩũlũ wa nthĩ na ĩtunĩ. Yĩineenea ĩũlũ wa ũndũ woombie ndata mbilioni mbingĩ, Mbivilia yaĩtye atĩĩ: “Ũkĩlyai metho menyu ĩũlũ, mũsisye ũla wombie ii, ũla wumĩlasya nguthu yasyo kwa kũtala; [Ngai] nũsyĩtaa syonthe na masyĩtwa; kwondũ wa ũnene wa vinya wake, na nũndũ e na vinya ũtonyinĩ, vati ĩmwe ĩte vo.”—Isaia 40:25, 26.

Ĩndĩ Ngai ti o vinya mũna mwingĩ wĩ vandũ. Mbivilia yaasya kana Ngai nũtonya kwenda na kũmena. (Savuli 11:5; Yoana 3:16) O na ĩngĩ nĩyonanasya kana meko maitũ nĩmatumaa atana kana akew’a woo.—Savuli 78:40, 41.