Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Ngai Nĩwe Woombie Ndevili?

Ngai Nĩwe Woombie Ndevili?

Ũndũ Mbivilia yaasya

Mbivilia yonanasya kana Ngai ndaaũmba Ndevili. Ĩndĩ oombie kyũmbe kĩla kyesie kũtw’ĩka Ndevili. Mbivilia yaĩtye ũũ ĩũlũ wa Ngai: “Wĩa wake nĩ mwĩanĩu; nũndũ nzĩa syake syonthe nĩ ndũngalu: Ngai wa kĩthito na ũte na naĩ, nake nĩ wa w’o na mũlũngalu.” (Kũtũngĩlĩlwa Kwa Mĩao 32:3-5) Kwosana na ndeto isu, no twasye kana ĩvinda yĩmwe Satani aĩ mwĩanĩu na mũlũngalu, e ũmwe wa alaĩka ma Ngai.

Ĩvukunĩ ya Yoana 8:44, Yesũ aisye kana Ndevili “ndaaĩkala nthĩnĩ wa w’o,” kwonany’a kana ve ĩvinda Satani waĩ ngalĩ ya ũw’o ate na naĩ.

O na ũu wĩ o vo, mũlaĩka ũla wesie kũtw’ĩka Satani, o ta syũmbe syonthe syĩ kĩlĩko ila Yeova woombĩte, aĩ na ũthasyo wa kwĩka ũla ũseo kana ũla ũthũku. Kwa kũnyuva kũmũvĩnga Ngai na kũkenga asyai maitũ ma mbee, nĩweetw’ĩkĩthisye Satani, syĩtwa yĩla yonanasya “Mũvĩnganisya.”—Mwambĩlĩlyo 3:1-5; Ũvuan’yo 12:9