Ũndũ Mbivilia yaasya

Mbivilia yaasya nesa vyũ kana ‘Ngai akasilĩla ilaalai.’ (Aevelania 13:4) Ndeto ya Kĩkiliki ĩla ĩalyũlawa “ũlaalai,” nĩ por·neiʹa, na ũndũ ũmwe ndeto ĩsu yonanasya nĩ andũ matatwaanĩte kũkoma ĩmwe. Kwoou nĩ ũndũ ũtamwendeeasya Ngai andũ matatwaanĩte kwĩkalany’a o na ethĩwa me na mũvango wa kwĩsa kũtwaana.

Nao nata ethĩwa nĩmendanĩte mũno? Ngai endaa asu mendanĩte mambe kũtwaana nĩ kana methĩwe matonya kũkoma ĩmwe. Nĩ Ngai watũmbĩe na ũtonyi wa kwendana. O na ndaĩa yake ĩla nene nĩ wendo. (1 Yoana 4:8) Kwoou e na kĩtumi kĩseo kya kwasya kana andũ maĩle kũkoma ĩmwe o nthĩnĩ wa mũtwaano.