Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Nĩkĩ Andũ Makusaa?

Nĩkĩ Andũ Makusaa?

Ũndũ Mbivilia yaasya

Ti ũndũ wa ũsengyo kũkũlya nĩkĩ andũ makusaa, na mũno mũno ĩla twakw’ĩĩwa nĩ mũndũ witũ. Mbivilia yaasya atĩĩ: “Ũmoa wa kĩkw’ũ nĩ naĩ.”1 Akolintho 15:56.

Nĩkĩ andũ onthe mekaa naĩ na kũkw’a?

Asyai maitũ ma mbee, Atamu na Eva, makwie nũndũ nĩmamũvĩtĩisye Ngai. (Mwambĩlĩlyo 3:17-19) Kĩkw’ũ nokyo kyaĩ kĩtonya kũmakwata nũndũ wa kũmũvĩtĩsya Ngai, nĩkwĩthĩwa Ngai nĩwe “mbuluti ya thayũ.”Savuli 36:9; Mwambĩlĩlyo 2:17.

Kwĩsĩla kwa Atamu, nzyawa syake syonthe nĩsyalikile naĩnĩ. Mbivilia yaĩtye atĩĩ: “Nũndũ wa mũndũ ũmwe naĩ yalikile kũũ nthĩ, na kĩkw’ũ kwondũ wa naĩ; na kwa ũu kĩkw’ũ kyavikĩa andũ onthe, nĩkwĩthĩwa onthe nĩmeekie naĩ.” (Alomi 5:12) Andũ onthe makusaa nũndũ nĩmekaa naĩ.Alomi 3:23.

Ũndũ kĩkw’ũ kĩkavetwa

Ngai nĩwathanĩte ĩvinda yĩla ‘ũkamelya kĩkw’ũ tene na tene.’ (Isaia 25:8) Nĩ kana amine kĩkw’ũ, no nginya ambe kũmina kĩla kĩetae kĩkw’ũ, nakyo nĩ naĩ. Ngai akeeka ũu atũmĩĩte Yesũ Klĩsto, ũla, ‘umasya naĩ ya nthĩ.’Yoana 1:29; 1 Yoana 1:7.