Kĩla ũthi ũvoonĩ ũla wĩ vo

Ngũsĩ sya Yeova

Nyuva kĩthyomo Kikamba

Nĩ Kyaũ Kĩkaete Mũuo Ĩũlũ wa Nthĩ?

Nĩ Kyaũ Kĩkaete Mũuo Ĩũlũ wa Nthĩ?

Ũndũ Mbivilia yaasya

Mũndũ nde na ũtonyi wa kũete mũuo ĩũlũ wa nthĩ, ĩndĩ Ũsumbĩ wa Ngai, ũla nĩ silikalĩ ya ĩtunĩ ĩsumbĩkĩtwe nĩ Yesũ Klĩsto, nĩyo ĩkaete mũuo. Kwoona ũndũ Mbivilia ĩmanyĩasya ĩũlũ wa wĩkwatyo ũsu mũseo.

  1. Ngai akatuma “makaũ mathela kũvika kĩtulu kya nthĩ,” na kwa nzĩa ĩsu ayĩanĩsya watho wake wa kũete “mũuo wĩthĩwe kũũ nthĩ andũnĩ ala wendeeaw’a nĩmo.”—Savuli 46:9; Luka 2:14.

  2. Ũsumbĩ wa Ngai ũkasumbĩka nthĩ yonthe kuma ĩtunĩ. (Ndanieli 7:14) Nũndũ nĩ silikalĩ ya nthĩ yonthe, ĩkamina kĩmena kya nthĩ, kĩla nĩ ũndũ ũmwe ũtumaa kwĩthĩwa na makaũ.

  3. Yesũ e Mũsumbĩ wa Ũsumbĩ wa Ngai etawa “Mũnene wa Mũuo,” na akaĩkĩĩthya kana mũuo “ndũkethĩwa na mũminũkĩlyo.”—Isaia 9:6, 7.

  4. Andũ ala mendete kaũ maiketĩkĩlw’a kũlika Ũsumbĩnĩ wa Ngai nũndũ ‘ngoo ya Yeova nĩmenete ũla wendete ũng’endu.’—Savuli 11:5; Nthimo 2:22.

  5. Ngai nũmanyĩasya ala me ungu wa Ũsumbĩ wake kwĩkala na mũuo. Ĩineenea ũndũ ũsu, Mbivilia yaĩtye: “Na makatusya mbyũ syoo itw’ĩke maembe ma ng’ombe, na matumo moo tũvyũ twĩ ngoto twa kũsea; mbaĩ ndĩkokĩlĩlya mbaĩ ũvyũ, o na itikemanyĩsya kaũ ĩngĩ.”—Isaia 2:3, 4.

Ũmũnthĩ, Ngũsĩ sya Yeova milioni mbingĩ ĩũlũ wa nthĩ niendeee kũmanyĩw’a nĩ Ngai ũndũ itonya kwĩthĩwa andũ ma mũuo. (Mathayo 5:9) O na kau tumĩte mbaĩnĩ mbingĩ syĩ kĩvathũkany’o na twĩkalaa nthĩ mbee wa 230, tũyĩtĩkĩlaa kũkitana na andũ ala angĩ.

Ngũsĩ sya Yeova niendeee kwĩmanyĩsya ũndũ itonya kwĩthĩwa na mũuo ũmũnthĩ