Kĩla ũthi ũvoonĩ ũla wĩ vo

Kĩla ũthi nthĩnĩ wa ũvoo wa kelĩ wa maũndũ ala me vo

Ngũsĩ sya Yeova

Kikamba

Yo Mbivilia no Ĩndetheesye Ethĩwa Nĩngw’ĩte Ngoo?

Yo Mbivilia no Ĩndetheesye Ethĩwa Nĩngw’ĩte Ngoo?

Ũndũ Mbivilia yaasya

Ĩĩ, nũndũ ũtethyo ũla mũseo vyũ wumaa kwa “Ngai, ũla ũkiakiasya, wĩkĩaa vinya, ũvuũũkasya na ũtanĩthasya ala makw’ĩte ngoo.2 Akolintho 7:6, The Amplified Bible.

Ngai atetheeasya ata ala makw’ĩte ngoo?

  • Nũmanengae vinya. Ngai ‘nũkũvuũũkasya na kũũtanĩthya,’ ti kwa kũũminĩa thĩna ũla wĩ naw’o ĩndĩ kwa kũsũngĩa mboya syaku ĩla wamũvoya vinya wa kũmĩĩsya. (Avilivi 4:13) No wĩthĩwe na mũĩkĩĩo kana akasũngĩa mboya syaku nũndũ Mbivilia yaĩtye: “Yeova e vakuvĩ na ala matũlĩkĩte ngoo, na nũtangĩĩaa ala mekwĩlila vevanĩ.” (Savuli 34:18) Vate nzika, Yeova no amanye ĩla ũkwenda ũtethyo o na ĩla ũtatonya kũmũtavya mboyanĩ.Alomi 8:26, 27.

  • Kwĩsĩla ngelekany’o sya angĩ. Mũandĩki ũmwe wa Mbivilia avoyie: “Nĩ thĩnanĩ mũnene nĩngũkwĩkaĩla.” Mũandĩki ũũ wa Savuli nĩwakwataa vinya ĩla walilikana kana Ngai nũekeaa. Aisye: “Ethĩwa we Mwĩaĩi Ngai ũkatala mavĩtyo maitũ, nũũ ũla wĩvonoka? Ĩndĩ we nũtũekeaa, nĩ kana tũkũnenge ndaĩa.Savuli 130:1, 3, 4, The Holy Bible in Current Kikamba Language.

  • Nũmanengae wĩkwatyo. O na eka kũtũnenga ũkiakisyo ũmũnthĩ, Ngai nũtwathĩte kana akamina mathĩna ala matumaa tũkw’a ngoo. Ĩla ũkeanĩsya watho ũsu, “maũndũ ma mbee [ala nĩ vamwe na kũkw’a ngoo] matikalilikanwa, o na matikalika kĩlilikanonĩ.Isaia 65:17.

Lilikana: O na kau Ngũsĩ sya Yeova nĩsyĩtĩkĩlĩte kana Ngai no aitetheesye, syo nimanthaa ũiiti ĩla syakw’a ngoo mũno weethĩa nĩsyaĩle kwona ndakĩtalĩ. (Maliko 2:17) Ĩndĩ o na ũu wĩ o vo, vaiĩ ũiiti ũla tũtonya kwasya nĩw’o mũseo. Na nũndũ wa kĩtumi kĩu, kĩla mũndũ nĩwe waĩle kwĩtw’ĩĩa ũiiti ũla ũkwona waĩle.